ពូនជ្រំចំណងមិត្តភាពរវាងខេត្ត Kon Tum (វៀតណាម) និងមូលដ្ឋានមួយចំនួននៃប្រទេសកម្ពុជា និងឡាវ

ថ្នាក់ដឹកនាំខេត្ត Kon Tum ទៅសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរនៅខេត្តស្ទឹងត្រែង

វៀតណាម និងឡាវ ពង្រឹងកិច្ចសហប្រតិបត្តិការទ្វេភាគី

លោក Duong Van Trang លេខាគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត និងគណៈប្រតិភូជាន់ខ្ពស់ខេត្ត Kon Tum អញ្ជើញទៅសាកសួរសុខទុក្ខ និងជូនពរគណៈកម្មាធិការបក្ស អាជ្ញាធរ និងប្រជាជនខេត្ត Saravane

ក្នុងឱកាសនៃដំណើរទស្សនៈកិច្ចនេះ គណៈប្រតិភូបានជូនពរអាជ្ញាធរ និងប្រជាពលរដ្ឋនៃខេត្តស្ទឹងត្រែង និងរតនគិរី ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ និង​អាជ្ញាធរខេត្ត Attapeu, Sekong, Champasak, Saravane ក្នុងឱកាសបុណ្យចូលឆ្នាំថ្មីប្រពៃណី Bunpimay។

ថ្នាក់ដឹកនាំខេត្ត៖ ស្ទឹងត្រែង រតនគិរី Attapeu, Sekong, Champasak, Saravane បានថ្លែងអំណរគុណយ៉ាងជ្រាលជ្រៅចំពោះក្តីស្រលាញ់ដ៏ពិសេសដែលខេត្ត Kon Tum បានផ្ដល់សម្រាប់ខេត្តក្នុងរយៈពេលប៉ុន្មានឆ្នាំចុងក្រោយនេះ។

ថ្នាក់ដឹកនាំខេត្ត Kon Tum និងខេត្តចំនួនបួន នៃប្រទេសឡាវ និងខេត្តចំនួនពីររបស់កម្ពុជា ក៏បានសម្តែងនូវសេចក្តីរីករាយចំពោះទំនាក់ទំនងមិត្តភាព និងកិច្ចសហប្រតិបត្តិការ ដែលត្រូវបានពង្រឹង និងអភិវឌ្ឍន៍ជាបន្តបន្ទាប់ ដែលជាទ្រព្យសម្បត្តិដ៏មានតម្លៃមិនអាចកាត់ថ្លៃបានសម្រាប់ជំនាន់បច្ចុប្បន្ន និងជំនាន់ក្រោយ រួមចំណែកយ៉ាងសំខាន់ក្នុងការធ្វើឱ្យកាន់តែស៊ីជម្រៅនូវទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងបក្ស រដ្ឋ និងប្រជាជននៃប្រទេសទាំងពីរវៀតណាម-ឡាវ និងវៀតណាម-កម្ពុជា និយាយរួម។

អនុប្រធានគណៈកម្មាធិការប្រជាជនខេត្ត Kon Tum លោក Nguyen Huu Thap និងគណៈប្រតិភូ​អញ្ជើញទៅសួរសុខទុក្ខសមាគមខ្មែរដើមកំណើតវៀតណាមនៅខេត្តរតនគិរី

ជាពិសេសក្នុងការសម្របសម្រួល និងអនុវត្តសកម្មភាពសហប្រតិបត្តិការជាក់លាក់ក្នុងវិស័យគ្រប់គ្រង និងការពារព្រំដែន ការអភិវឌ្ឍន៍ច្រកទ្វារព្រំដែន និងពាណិជ្ជកម្មតាមព្រំដែន ការសម្របសម្រួល និងគាំទ្រដល់ការអភិវឌ្ឍន៍សេដ្ឋកិច្ច-សង្គម ការបណ្តុះបណ្តាលធនធានមនុស្ស ការស្វែងរក និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត វៀត ណាម និងអ្នកជំនាញ ដែលបានពលីជីវិតនៅប្រទេសឡាវ និងកម្ពុជា...

ថ្នាក់ដឹកនាំខេត្ត Kon Tum និង​ខេត្តនៃប្រទេសឡាវ និងកម្ពុជាបានអះអាងថា នឹងបន្តជំរុញកិច្ចសហប្រតិបត្តិការឱ្យកាន់តែជិតស្និទ្ធលើគ្រប់វិស័យ ដើម្បីជួយ និងគាំទ្រគ្នាទៅវិញទៅមកក្នុងការអភិវឌ្ឍន៍សេដ្ឋកិច្ចសង្គម​នៃភាគីនីមួយៗ ក៏ដូចជារួមចំណែកក្នុងការកសាងចំណងមិត្តភាពរវាងប្រទេសទាំងពីរវៀតណាម-ឡាវ វៀតណាម-កម្ពុជា៕

យោងតាមកាសែតកងទ័ពប្រជាជន