នាពេលថ្មីៗនេះ នៅច្រកទ្វារព្រំដែនអន្តរជាតិ Dinh Ba ស្រុក Tan Hong គណៈប្រតិភូនៃបញ្ជាការដ្ឋានយោធាខេត្ត Dong Thap ដឹកនាំដោយលោកវរសេនីយ៍ឯក Pham Van Muoi - មេបញ្ជាការរង នាយសេនាធិការ នៃបញ្ជាការដ្ឋានយោធាខេត្ត បានអញ្ជើញទៅសាកសួរសុខទុក្ខ និងជូនពរចូលឆ្នាំថ្មីចំពោះតំបន់ប្រតិបត្តិការសឹករងបន្ទាយមានជ័យ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។
 ខេត្ត Dong Thap ស្វែងយល់ឱកាសសហប្រតិបត្តិការវិនិយោគ និងជីវភាពរស់នៅរបស់ជនដើមកំណើតវៀតណាមនៅកម្ពុជា |
 តំបន់ប្រតិបត្តិការសឹករងព្រៃវែងអញ្ជើញមកសួរសុខទុក្ខ និងជូនពរឆ្នាំថ្មីកងកម្លាំងប្រដាប់អាវុធខេត្ត Dong Thap |
 |
| គណៈប្រតិភូនៃបញ្ជាការដ្ឋានយោធាខេត្ត Dong Thap (ខាងឆ្វេង) សួរសុខទុក្ខ និងជូនពរឆ្នាំថ្មីចំពោះតំបន់ប្រតិបត្តិការសឹករងបន្ទាយមានជ័យ. |
តាងនាមកងកម្លាំងប្រដាប់អាវុធខេត្ត Dong Thap លោកវរសេនីយ៍ឯក Pham Van Muoi បានជូនពរចំពោះនាយទាហាន នាយទាហានរង និងពលទាហាន នៃកងកម្លាំងប្រដាប់អាវុធតំបន់ប្រតិបត្តិការសឹងរងបន្ទាយមានជ័យ ឲ្យទទួលបាននូវមានសុខភាពល្អ និងសម្រេចបានសមិទ្ធិផលថ្មីៗជាច្រើនក្នុងការកសាង និងអភិវឌ្ឍន៍តំបន់ប្រតិបត្តិការសឹករង ហើយនិងប្រជាជនមានជីវភាពរស់នៅប្រកបដោយភាពរុងរឿង និងសុភមង្គល។ វៀតណាម និងកម្ពុជា ជាប្រទេសជិតខាងទាំងពីរតែងតែសាមគ្គីគ្នា និងជួយគ្នាទៅវិញទៅមក ក្នុងបុព្វហេតុតស៊ូរំដោះជាតិ ក៏ដូចជាការកសាងជាតិ។ ទំនាក់ទំនងរវាងវៀតណាម-កម្ពុជានិយាយរួម និងរវាងបញ្ជាការដ្ឋានយោធាខេត្ត Dong Thap និងតំបន់ប្រតិបត្តិការសឹករងបន្ទាយមានជ័យនិយាយដោយឡែកត្រូវបានពង្រឹង និងពង្រីកដោយឥតឈប់ឈរក្នុងស្មារតី “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ ស្ថិតស្ថិរយូរអង្វែង"។
ឆ្លើយតបនឹងមនោសញ្ចេតនាដ៏ល្អរបស់បញ្ជាការដ្ឋានយោធាខេត្ត Dong Thap លោកវរសេនីយ៍ឯក Bin Savtadara Vuth មេបញ្ជាការរងនៃតំបន់ប្រតិបត្តិការសឹករងបន្ទាយមានជ័យ បានថ្លែងអំណរគុណចំពោះចំណងមិត្តភាព ភាពស្មោះត្រង់ និងការលះបង់ដ៏ថ្លៃថ្នូរបស់ប្រទេសវៀតណាមដែលផ្តល់ចំពោះប្រជាជនកម្ពុជាក្នុងរយៈពេលតស៊ូរំដោះកម្ពុជាចេញផុតពីរបបប្រល័យពូជសាសន៍។ ជាមួយគ្នានេះ បានថ្លែងអំណរគុណយ៉ាងជ្រាលជ្រៅចំពោះក្តីស្រលាញ់ដែលកងកម្លាំងប្រដាប់អាវុធខេត្ត Dong Thap បានផ្តល់ចំពោះតំបន់ប្រតិបត្តិការសឹករងបន្ទាយមានជ័យនាពេលកន្លងមក ហើយរំពឹងថាចំណងមិត្តភាព និងសាមគ្គីភាពរវាងប្រទេសទាំងពីរ ក៏ដូចជាកងកម្លាំងប្រដាប់អាវុធនៃខេត្តទាំងពីរ កាន់តែរីកចម្រើនខ្លាំងក្លាថែមទៀត៕
មតិពីមិត្តអ្នកអាន