នារសៀលថ្ងៃទី២៤ ខែមករា នៅច្រកទ្វារព្រំដែនអន្តរជាតិ Thuong Phuoc ស្រុក Hong Ngu គណៈប្រតិភូនៃតំបន់ប្រតិបត្តិការសឹករងព្រៃវែង កងយោធពលខេមរភូមិន្ទ បានអញ្ជើញមកសួរសុខទុក្ខ និងជូនពរឆ្នាំថ្មីចំពោះកងកម្លាំងប្រដាប់អាវុធខេត្ត Dong Thap។
 |
| តំបន់ប្រតិបត្តិការសឹករងព្រៃវែងអញ្ជើញមកសួរសុខទុក្ខ និងជូនពរឆ្នាំថ្មីកងកម្លាំងប្រដាប់អាវុធខេត្ត Dong Thap |
តាងនាមគណៈប្រតិភូតំបន់ប្រតិបត្តិការសឹករងព្រៃវែង កងយោធពលខេមរភូមិន្ទ លោកឧត្តមសេនីយ៍ត្រី Tek Phanna មេបញ្ជាការរង នាយសេនាធិការ តំបន់ប្រតិបត្តិការសឹករងព្រៃវែង បានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់ និងជួយឧបត្ថម្ភពីកងកម្លាំងប្រដាប់អាវុធខេត្ត Dong Thap សម្រាប់តំបន់ប្រតិបត្តិការសឹករងព្រៃវែងលើគ្រប់វិស័យ។ ទន្ទឹមនឹងនោះ ជូនពរកម្មាភិបាល យុទ្ធជននៃកងកម្លាំងប្រដាប់អាវុធ ខេត្ត Dong Thap ឲ្យទទួលបាននូវសុខភាពល្អ និងសម្រេចបានសមិទ្ធផលថ្មីៗជាច្រើន បំពេញភារកិច្ចដែលបានប្រគល់ឲ្យដោយជោគជ័យ ជូនពរចំណងមិត្តភាពរវាងអង្គភាពទាំងពីរ និងប្រទេសទាំងពីរ ឲ្យស្ថិតស្ថេរជារៀងរហូត។
លោកវរសេនីយ៍ឯក Pham Van Muoi មេបញ្ជាការរង នាយសេនាធិការនៃបញ្ជាការដ្ឋានយោធាខេត្ត Dong Thap បានថ្លែងអំណរគុណចំពោះមនោសញ្ចេតនាពិសេសដែលតំបន់ប្រតិបត្តិការសឹករងព្រៃវែងផ្តល់ចំពោះកងកម្លាំងប្រដាប់អាវុធខេត្ត Dong Thap ហើយសង្ឃឹមថា នាពេលខាងមុខ ខេត្តព្រៃវែងនឹងបន្តដឹកនាំអង្គភាពក្រោមឱវាទជួយគាំទ្រខេត្ត Dong Thap ក្នុងការអនុវត្តភារកិច្ចស្វែងរក និងប្រមូលអដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតក្នុងសម័យសង្គ្រាមនៅខេត្តព្រៃវែង និងសម្របសម្រួលយ៉ាងជិតស្និទ្ធក្នុងការគ្រប់គ្រង និងការពារព្រំដែនរួមរវាងខេត្តទាំងពីរ ជំរុញកិច្ចសហប្រតិបត្តិការក្នុងការទប់ស្កាត់ និងប្រឆាំងបទល្មើស កសាងព្រំដែនសន្តិភាព និងមិត្តភាព កិច្ចសហប្រតិបត្តិការ និងការអភិវឌ្ឍ៕
មតិពីមិត្តអ្នកអាន