ក្រុមបេសកកម្មខេត្ត Dong Thap ប្រទេសវៀតណាម ដែលដឹកនាំដោយលោក Pham Thien Nghia ប្រធានគណៈកម្មាធិការប្រជាជនខេត្ត បានបំពេញទស្សនកិច្ចការងារនៅព្រះរាជាណាចក្រកម្ពុជា ដើម្បីស្វែងយល់អំពីជីវភាពរស់នៅរបស់ជនដើមកំណើតវៀតណាមនៅកម្ពុជា ព្រមទាំងជួបធ្វើការជាមួយសហគ្រាសកម្ពុជា ស្ដីពីការជម្រុញកិច្ចសហប្រតិបត្តិការវិនិយោគនៅខេត្ត Dong Thap។
 |
| លោក Pham Thien Nghia និងថ្នាក់ដឹកនាំខេត្ត ជួបធ្វើការជាមួយក្រុមហ៊ុនសូគីម៉ិច។ |
ក្រុមបេសកកម្មបានបំពេញទស្សនកិច្ចការងារជាមួយសមាគមខ្មែរ-វៀតណាមប្រចាំកម្ពុជា ដើម្បីចែករំលែកអំពីព័ត៌មានស្ដីពីសហគមន៍ជនដើមកំណើតវៀតណាមនៅកម្ពុជា និងយល់ដឹងថែមទៀតអំពីបំណងប្រាថ្នារបស់ប្រជាជន ហើយផ្លាស់ប្តូរ និងស្វែងយល់អំពីគោលនយោបាយ និងបទប្បញ្ញត្តិរបស់រាជរដ្ឋាភិបាលកម្ពុជាសម្រាប់សហគមន៍ជនជាតិដើមកំណើតវៀតណាមនៅទីនេះ។
ក្រុមបេសកកម្មក៏បានជួបធ្វើការជាមួយលោក Nguyen Huy Tang ឯកអគ្គរដ្ឋទូតវៀតណាមប្រចាំកម្ពុជា។ ក្នុងជំនួប លោកឯកអគ្គរដ្ឋទូត Nguyen Huy Tang ស្នើឲ្យខេត្ត Dong Thap សហការយ៉ាងជិតស្និទ្ធជាមួយស្ថានទូតវៀតណាមប្រចាំកម្ពុជានិងសហគមន៍ខ្មែរ-វៀតណាម ក្នុងការក្តាប់ស្ថានភាព ក៏ដូចជាពង្រឹងទំនាក់ទំនងជាមួយបណ្ដាខេត្តជាប់ព្រំដែន ដើម្បីដោះស្រាយការលំបាក ជួយជនដើមកំណើតវៀតណាមធ្វើឲ្យមានស្ថិរភាពក្នុងជីវភាពរស់នៅ។
ក្នុងឱកាសនេះ តាមការតភ្ជាប់នៃថ្នាក់ដឹកនាំខេត្ត Dong Thap ក្រុមហ៊ុនសូគីម៉ិច និងក្រុមហ៊ុន NOVALAND បានសហប្រតិបត្តិការ វិនិយោគលើគ្រប់វិស័យនៅខេត្ត Dong Thap ស្របតាមទំនាក់ទំនងរវាងរដ្ឋាភិបាលនៃប្រទេសទាំងពីរ វៀតណាម-កម្ពុជា៕
thoidai.com.vn
មតិពីមិត្តអ្នកអាន