លើកកំពស់កិច្ចសហប្រតិបត្តិការអប់រំរវាងវៀតណាម និងហុងគ្រី

សៀកឬស្សីរបស់សិល្បៈករវៀតណាមចូលរួមមហោស្រពឆាកសម្តែងអន្តរជាតិ Madác Imre នៅប្រទេសហុងគ្រី

វៀតណាម​ជា​ប្រទេស​នាំ​ចេញ​ឈាន​មុខ​គេ​នៅ​អាស៊ី​អាគ្នេយ៍​ទៅ​កាន់ប្រទេសហុងគ្រី

លើកកំពស់កិច្ចសហប្រតិបត្តិការអប់រំរវាងវៀតណាម និងហុងគ្រី

អនុរដ្ឋមន្ត្រី លោក Nguyen Van Phuc បានថ្លែងអំណរគុណចំពោះរដ្ឋាភិបាលហុងគ្រី ដែលបានយកចិត្តទុកដាក់យ៉ាងខ្លាំងចំពោះវៀតណាម ជាពិសេសលើវិស័យអប់រំ និងបណ្តុះបណ្តាល។ ទន្ទឹមនឹងនោះ លោកមានបំណងចង់អភិវឌ្ឍបន្ថែមទៀតនូវទំនាក់ទំនងកិច្ចសហប្រតិបត្តិការរវាងសាកលវិទ្យាល័យនៃប្រទេសទាំងពីរ ទាំងទទឹង និងជម្រៅ ដើម្បីអភិវឌ្ឍកិច្ចសហប្រតិបត្តិការទ្វេភាគីក្នុងការគាំទ្រផ្នែកស្រាវជ្រាវ និងបណ្តុះបណ្តាលវិទ្យាសាស្ត្រ។

នៅក្នុងជំនួបនេះ ភាគីទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការរវាងក្រសួងអប់រំ និងបណ្តុះបណ្តាលវៀតណាម និងក្រសួងការបរទេសហុងគ្រី និងកិច្ចការសេដ្ឋកិច្ចខាងក្រៅស្តីពីកម្មវិធីអាហារូបករណ៍ Stipendium Hungaricum ដំណាក់កាល ២០២២-២០២៤; កិច្ចព្រមព្រៀងសហប្រតិបត្តិការលើវិស័យឧត្តមសិក្សារវាងក្រសួងអប់រំ និងបណ្តុះបណ្តាលវៀតណាម និងក្រសួងនវានុវត្តន៍ និងបច្ចេកវិទ្យាហុងគ្រី ដំណាក់កាល ២០២២-២០២៤។

ជាមួយនឹងការចុះហត្ថលេខាលើកិច្ចព្រមព្រៀងសហប្រតិបត្តិការរវាងក្រសួងអប់រំ និងបណ្តុះបណ្តាល វៀតណាម និងក្រសួងការបរទេស និងសេដ្ឋកិច្ចហុងគ្រី ស្តីពីកម្មវិធីអាហារូបករណ៍ Stipendium Hungaricum ដំណាក់កាល ២០២២-២០២៤ អនុរដ្ឋមន្ត្រី Nguyen Van Phuc បានឲ្យដឹងថា ក្រសួងអប់រំ និង ការបណ្តុះបណ្តាលនឹងសម្របសម្រួលយ៉ាងជិតស្និទ្ធជាមួយក្រសួងការបរទេស និងកិច្ចការសេដ្ឋកិច្ចបរទេសនៃប្រទេសហុងគ្រី ដើម្បីអនុវត្តកិច្ចព្រមព្រៀងនេះ ដើម្បីទទួលបានលទ្ធផលល្អបំផុត។

ការអប់រំ និងបណ្តុះបណ្តាលគឺជាសសរស្តម្ភដ៏សំខាន់នៃទំនាក់ទំនងទ្វេភាគីរវាងវៀតណាម និងហុងគ្រីអស់រយៈពេលជាង ៧០ ឆ្នាំ ហើយទទួលបានលទ្ធផលគួរឱ្យកត់សម្គាល់ក្នុងការអភិវឌ្ឍន៍ធនធានមនុស្សសម្រាប់វៀតណាម។ ជារៀងរាល់ឆ្នាំ ហុងគ្រីបានផ្តល់អាហារូបករណ៍ដល់វៀតណាមចំនួន ២០០ សម្រាប់កម្រិតបណ្តុះបណ្តាល និងវិជ្ជាជីវៈផ្សេងៗគ្នា។

ការចុះហត្ថលេខាលើកិច្ចព្រមព្រៀងសហប្រតិបត្តិការនឹងពង្រឹងបន្ថែមទៀតនូវកិច្ចសហប្រតិបត្តិការរវាងគ្រឹះស្ថានឧត្តមសិក្សានៃប្រទេសទាំងពីរ ក៏ដូចជាកិច្ចសហប្រតិបត្តិការលើវិស័យអប់រំ និងបណ្តុះបណ្តាលទូទៅនៃប្រទេសទាំងពីរ៕

ហេង វុធ្ធី

giaoducthoidai.vn