ចំណាប់អារម្មណ៍កំពូលទាំង ៧ របស់វៀតណាម៖ ទស្សនាល្បាក់ទឹកធ្លាក់ដ៏ស្រស់ស្អាតបំព្រង

តំបន់ទេសចរណ៍បាកានមិនគួរអោយរំលងឡើយ

តំបន់ទេសចរណ៍ Sa Pa ទទួលភ្ញៀវជិត ២០,០០០ នាក់ក្នុងឱកាសបុណ្យចូលឆ្នាំថ្មីសកល ២០២២

ទឹកធ្លាក់ Ban Gioc (Cao Bang)

ល្បាក់ទឹកធ្លាក់ Ban Gioc ស្ថិតនៅចំងាយប្រហែល ៩០ គីឡូម៉ែត្រពីទីក្រុង Cao Bangល្បាក់ទឹកធ្លាក់ Ban Giocជាគោលដៅទាក់ទាញភ្ញៀវទេសចរណ៍។ ឃើញពីខាងលើ ទឹកជ្រោះប្រៀបដូចជាសូត្រពណ៌ស ហ៊ុំម​ព័ទ្ធដោយពណ៌បៃតងនៃភ្នំ និងព្រៃឈើនៃតំបន់ដាច់ស្រយាល។ នេះក៏ត្រូវបានចាត់ទុកថាជាទឹកធ្លាក់ធម្មជាតិដ៏ធំបំផុតនៅអាស៊ីអាគ្នេយ៍ និងជាទឹកជ្រោះធំជាងគេទី ៤ នៅលើពិភពលោក​ក្នុងប្រព័ន្ល្បាក់ធទឹកធ្លាក់ដែលមានទីតាំងនៅជាប់ព្រំដែនរវាងប្រទេស។

ទឹកជ្រោះ Dray Sap

ល្បាក់ទឹកធ្លាក់ Dray Sap ស្ថិតនៅចន្លោះខេត្តពីរគឺខេត្ត Dak Lak និង ខេត្ត Dak Nong។ នេះគឺជាទឹកធ្លាក់ដ៏ស្រស់ស្អាតមួយនៅលើទន្លេ Serepokជាប់នឹងទឹកធ្លាក់ Gia Long និងDray Nur ។ ទឹកធ្លាក់ Dray Sap ​ប្រៀប​ដូច​ជា​ជញ្ជាំង​ទឹក​ដ៏​ធំ។ ដើម្បីទៅដល់ជើងទឹកធ្លាក់ ភ្ញៀវទេសចរឆ្លងកាត់របៀងដ៏វែងមួយ ដែលមានបីកាំ និងជួរ​ដើមឈើពណ៌បៃតងត្រជាក់។

ពេល​វេលា​ដ៏​ស្រស់​ស្អាត​សម្រាប់ការ​ទៅ​លេង​ទឹក​ធ្លាក់​ Dray Sap​ពី​ខែ​ធ្នូ​ដល់​ខែ​មីនា​ឆ្នាំ​ក្រោយ។ រដូវ​នេះ​មាន​ពន្លឺ​ថ្ងៃ​ដ៏​ស្រស់​ស្អាត ទឹក​ពណ៌​ខៀវថ្លា​គួរ​ឱ្យ​ចាប់​អារម្មណ៍​ខ្លាំង​ណាស់។

ទឹកធ្លាក់ Dambri (Lam Dong)

ល្បាក់ទឹកធ្លាក់ Dambri ស្ថិតនៅក្នុងតំបន់ទេសចរណ៍ធម្មជាតិ Dambriចម្ងាយប្រហែល ១៨ គីឡូម៉ែត្រពីកណ្តាលទីក្រុង Bao Locខេត្ត Lam Dong។ ទឹកជ្រោះ​នេះ​ត្រូវ​បាន​អ្នក​ស្រុក​ស្គាល់​ផង​ដែរ​ថា​ជា "ទឹកជ្រោះ​ប្រាំពីរ​ជាន់" ឬ "ទឹកជ្រោះ​រង់ចាំ"។ ជុំវិញទឹកធ្លាក់ Dambri គឺជារុក្ខជាតិចម្រុះ និងសម្បូរបែបជាមួយនឹងផ្កាចម្រុះពណ៌ ដែលរីកពេញមួយឆ្នាំ។

ទឹកជ្រោះនេះមានកម្ពស់ជិត ៦០ម៉ែត្រ ទទឹង ៣០​ ម៉ែត្រ គ្របដណ្តប់ដោយពណ៌ស​ ស្ថិត​នៅ ក្រោម​ម្លប់នៃដើមឈើព្រៃ។ ទឹក​ដែល​ហូរ​មក​ពី​ខាង​លើ​​បញ្ឈរ​ចុះ​បង្កើត​ស្រទាប់អ័ព្ទ ​​។

ល្បាក់ទឹកធ្លាក់ Hang En (Gia Lai)

ជាល្បាក់ទឹកធ្លាក់ដ៏ស្រស់ស្អាតបំផុតមួយនៃតំបន់ Tay Nguyen ដែលត្រូវបានគេដាក់ឈ្មោះថា "ទេពធីតានៃព្រៃពិសិដ្ឋ" ទឹកធ្លាក់ Hang En (K50) មានទីតាំងនៅនៃទន្លេ Con ខាងលើ នៅចន្លោះរវាងខេត្ត Gia Lai និង Binh Dinh ដែល​ស្ថិត​ក្នុងភូមិសាស្ត្រស្រុក Kbang (ខេត្ត Gia Lai) ចំងាយប្រហែល ៨០ គីឡូម៉ែត្រ ពីកណ្តាលទីក្រុង Pleiku ។ ស្ថិត​នៅ​កណ្តាល​ព្រៃ ល្បាក់ទឹកធ្លាក់​នៅ​តែ​រក្សា​បាន​នូវ​ភាព​ស្រស់​ស្អាត និង​អស្ចារ្យ​របស់​វា ដោយ​គ្មាន​ការ​ប៉ះ​ពាល់​ពី​មនុស្ស​ឡើយ។

ចាប់ពីខែមករា ដល់ខែមិថុនា គឺជាពេលវេលាដ៏ស្រស់​ស្អាតនៃឆ្នាំ​ដើម្បីដណ្តើមយកទឹកធ្លាក់ហង្សអេន ដោយសារអាកាសធាតុស្ងួត ភ្លៀងតិច។

ទឹកធ្លាក់ Ma Hao (Thanh Hoa)

ល្បាក់ទឹកធ្លាក់ Ma Hao ស្ថិតនៅភូមិ Nang Cat ស្រុក Lang Chanh ខេត្ត Thanh Hoa ។ គេ​បាន​ចាត់ទុក​ទឹក​ធ្លាក់នេះ​ទៅនឹង "នារីដែលដេកលក់នៅកណ្តាល​ព្រៃភ្នំ​ នៅខេត្ត​ Thanh Hoa" ដោយសារតែភាពស្រស់ស្អាតគួរឱ្យទាក់ទាញ ប៉ុន្តែមិនទាន់មាន អ្នកទេសចរច្រើនស្គាល់នៅឡើយ។

អាកាសធាតុនៅទឹកធ្លាក់ Ma Hao ត្រជាក់ពេញមួយឆ្នាំ ស័ក្តិសមសម្រាប់ការគេចខ្លួន​ពីអាកាសធាតុក្តៅ នារដូវក្តៅ។ ភ្ញៀវ​ទេសចរ​អាច​ងូតទឹក​ក្នុង​ទឹក​ត្រជាក់ស្រេប និង​សម្របខ្លួន​ក្នុង​អាកាស​បរិសុទ្ធ​នៃ​ភ្នំ។ ទឹកធ្លាក់ Ma Hao ក៏ជាគោលដៅដ៏ល្អសម្រាប់ការបោះជំរុំ និងជួប​ជុំ​ ជាមួយមិត្តភក្តិ និងសាច់ញាតិផងដែរ៕

ចំណាប់អារម្មណ៍កំពូលទាំង ៧ របស់វៀតណាម៖ ទស្សនាល្បាក់ទឹកធ្លាក់ដ៏ស្រស់ស្អាតបំព្រង

ឌីណា