កាសែតអង់គ្លេសស្នើដំណើរទេសចរណ៍គួរឲ្យចាប់ចិត្តភ្លាម នៅពេលដែលវៀតណាមបើកទ្វារទីផ្សារទេសចរណ៍ឡើងវិញ

កាសែតអង់គ្លេសមានចំណាប់អារម្មណ៍ចំពោះការអភិវឌ្ឍរបស់វៀតណាម

កាសែតអង់គ្លេសស្ងើចសរសើរចំពោះ“ ជ័យជំនះទ្វេដង” របស់ ប្រទេសវៀតណាម ក្នុងការប្រឆាំងនឹងការរីករាលដាលនៃជំងឺ COVID-19

កាសែត The Times បានដកស្រង់សំដមេចុងភៅ Anthony Bourdain ដែលនិយាយថា "នៅពេលដែលអ្នកស្រឡាញ់ប្រទេសវៀតណាម អ្នកនឹងស្រឡាញ់ប្រទេសនេះជារៀងរហូត" ហើយគាត់បានណែនាំដំណើរការទេសចដែលល្អបំផុត ដើម្បីស្វែងយល់ប្រទេសអាស៊ីអាគ្នេយ៍នេះ។

ក្នុងរយៈពេល ២១ ថ្ងៃ ការធ្វើដំណើរ "Go Wild" រួមមានសកម្មភាពរៀបចំនៅខាងក្រៅផ្ទះជាច្រើនដូចជា ការជិះកង់ ការជិះទូក ការគយគន់សត្វស្លាប និងការស្វែងយល់រូងភ្នំ។ អ្នកទស្សនានឹងចាប់ផ្តើមធ្វើ​ដំណើរពីភូមិមួយនៅជ្រាយទីក្រុង Ha Noi បន្ទាប់មកទៅកាន់ Van Long (ខេត្ត Ninh Binh) ហើយចូលទៅជ្រៅទៅក្នុងឧទ្យានជាតិ Phong Nha Ke Bang (ខេត្ត Quang Binh) ដែលមានរូងភ្នំធំជាងគេលើពិភពលោក។ ភ្ញៀវទេសចរណ៍បន្តមកទស្សនា ទីក្រុង Hoi An (ខេត្ត Quang Nam) មុនពេលបញ្ចប់ដំណើរកម្សាន្ត ដោយបទពិសោធន៍នៃការដោះលែងអណ្តើកទៅកាន់សមុទ្រនៅ Con Dao (ខេត្តBa Ria - Vung Tau)។

ភ្ញៀវចូលចិត្តនំបុ័ងវៀតណាម។ (រូបថត៖ Intrepid/TheTimes)

ដំណើរកម្សាន្ត " Mekong Classic " ក្នុងរយៈពេល ១៦​ ថ្ងៃ រួមមានការជិះទូកពីប្រទេសកម្ពុជា អណ្តែតលើទន្លេមេគង្គ និងឈប់នៅទីក្រុង Ho Chi Minh ដ៏រស់រវើក។ ភ្ញៀវចំណាយពេលពីរបីថ្ងៃនៅក្នុងទីក្រុង Hoi An មុនពេលធ្វើដំណើរទៅភាគខាងជើង ដើម្បីស្វែងយល់តំបន់ផ្លូវ​បុរាណរបស់ទីក្រុង Ha Noi ដោយការជិះស៊ីក្លូ និងលំហែកាយនៅលើទូក នៅឈូងសមុទ្រ Ha Long ។

“ដំណើរ Vietnam real food Adventure” គឺជាដំណើរទេសចរណ៍ ក្នុងរយៈពេល ១១ ថ្ងៃសម្រាប់ “អ្នកចូលចិត្តការហូបចុក” តែប៉ុណ្ណោះ។ បទពិសោធន៍សំខាន់ៗក្នុងការធ្វើដំណើរនេះគឺការទទួលទាននកាហ្វេទឹកដោះគោទឹកកក រៀនពីរបៀបឆុងតែ ភ្លក់ស្រាដែលដាំពីអង្ករ និងទទួលទានអាហារបួសនៅ Hue ។ ភ្ញៀវទេសចរ​មានអមានពេលវេលា ដើម្បីស្វែងយល់អាហារដែល​លក់តាមចិញ្ចើមផ្លូវ នៅក្នុងទីក្រុង Ho Chi Minh ផងដែរ។

" Vietnam’s Northern Soul " ការធ្វើដំណើររ ក្នុង​រយៈពេល ១២ ថ្ងៃ រួមមានទិសដៅជាច្រើននៅភាគខាងជើង ជាមួយនឹងភ្នំត្រួតស៊ីគ្នា និងវប្បធម៌បណ្តាជនជាតិនៅទីនេះ។ កន្លែង​នេះ​នឹង​មាន​វាលស្រែកាំជណ្តើរ​ពណ៌​មាស​ទុំ​ នៅ​ខែ​កញ្ញា ដោយ​នៅ​តែ​រក្សា​បាន​នូវ​វប្បធម៌​ប្រពៃណី​របស់​ជនជាតិ​នៅទីនេះ ខុស​នឹងពី​ទីក្រុង​ដែល​មាន​សភាពអ៊ូអរ។ ដំណើរកម្សាន្តនេះបញ្ចប់ដោយការដើរជុំវិញតំបន់​ផ្លូវ​បុរាណ នៅរដ្ឋធានី Ha Noi និងហាល​ថ្ងៃកំដៅ នៅលើនាវាទេសចរណ៍លើឈូងសមុទ្រ Lan Ha ។

វាលស្រែ​កាំជណ្តើរ Mu Cang Chai ។ (រូបថត៖ VOV)

ដំណើរកម្សាន្តជិះកង់ ក្នុងរយៈពេល ១៥ ថ្ងៃ “Cycling Vietnam” នាំភ្ញៀវទេសចរពីទីក្រុង Ho Chi Minhដ៏អ៊ូអរទៅកាន់ទីក្រុង Da Lat ឆ្លងកាត់ព្រៃស្រល់ ចម្ការកាហ្វេ និងផ្លែស្ត្របឺរី។ ចាកចេញពីទីក្រុង Da Lat ភ្ញៀវទេសចរធ្វើដំណើរទៅកាន់ខេត្ត Khanh Hoa មុនពេល​ដែល​ធ្វើ​ដំណើរ តាមផ្លូវសមុទ្រដ៏ស្រស់ស្អាតទៅកាន់ភាគខាងជើង ដោយឆ្លងកាត់ភ្នំ Hai Van និងបញ្ចប់នៅឈូងសមុទ្រ Ha Long។

“Ultimate Vietnam” - ដំណើរទេសចរណ៍វៀតណាមលំដាប់ខ្ពស់ ដែលមានតម្លៃប្រហែល ២៤០ លានដុង/ម្នាក់ ក្នុងរយៈពេល ១៤ ថ្ងៃ។ ភ្ញៀវទេសចរនឹងទទួលបាននូវបទពិសោធន៍ផ្សេងៗគ្នាជាច្រើន រួមទាំង ការប្រើប្រាស់យន្តហោ ដើម្បីគយគន់ឈូងសមុទ្រ Ha Long ទស្សនាទីក្រុង Ho Chi Minh ដោយ​ការជិះរថយន្តបុរាណ អណ្តែតខ្លួនក្នុងផ្សារបណ្តែតទឹកនៅតំបន់ដីសណ្តទន្លេ Cuu Long និងការស្នាក់នៅមណ្ឌល​លំហែកាយ​ដាច់ដោយឡែកនៅ Six Senses Con Dao (ខេត្ត Ba Ria - Vung Tau)៕

ឌីណា

vov