ធនាគារពិភពលោក (WB) បន្តរួមដំណើរជាមួយវៀតណាមក្នុងដំណើរអភិវឌ្ឍន៍

WB ព្យាករណ៍ថា វៀតណាមនឹងសម្រេចបានកំណើនខ្ពស់បំផុតនៃប្រាក់ចំណូល និងពាណិជ្ជកម្មនៅក្នុង RCEP

WB ៖ សេដ្ឋកិច្ចវៀតណាមបន្តកែលំអ ដោយសារការស្តារឡើងវិញនៃផ្នែកឧស្សាហកម្ម

នាយករដ្ឋមន្ត្រីវៀតណាម លោក Pham Minh Chinh និងលោកស្រី Manuela V. Ferro អនុប្រធានធនាគារពិភពលោក (WB) ទទួលបន្ទុកតំបន់អាស៊ីបូព៌ា និងប៉ាស៊ីហ្វិក

លោកនាយករដ្ឋមន្ត្រីបានស្នើឱ្យ WB យកចិត្តទុកដាក់ផ្តល់អាទិភាពដល់វៀតណាមបន្តទទួលបានជំនួយឥតសំណង ព្រមទាំងសហប្រតិបត្តិការយ៉ាងជិតស្និទ្ធិ ជួយឧបត្ថម្ភប្រភពកម្លាំង ដើម្បីកសាងរបាយការណ៍វៀតណាមឆ្នាំ ២០៤៥ ធានាលក្ខណៈយុទ្ធសាស្ត្រ សមស្របនឹងគោលដៅ និងទិសដៅដល់ឆ្នាំ ២០៣០ និងចក្ខុវិស័យអភិវឌ្ឍន៍ដល់ឆ្នាំ ២០៤៥ របស់វៀតណាម។ ចំពោះភាគីវៀតណាម រដ្ឋាភិបាលនឹងបន្តពិគ្រោះយោបល់ជាមួយ WB និងក្រុមធនាគារអភិវឌ្ឍន៍ទាំង៦ ដើម្បីពិភាក្សាអំពីដំណោះស្រាយជាក់លាក់ សំដៅបន្តសុក្រិតរបៀបរបប គោលនយោបាយ និងដោះស្ដាយបញ្ហាជំពាក់ជំពិនជាបន្ទាន់។ ទន្ទឹមនឹងនោះ លោកនាយករដ្ឋមន្ត្រីក៏មានគោលបំណងថា ការិយាល័យធនាគារពិភពលោកប្រចាំនៅវៀតណាមនឹងដើរតួនាទីដ៏ធំធេងជាង ហើយក្លាយទៅជាមជ្ឈមណ្ឌលសម្របសម្រួលតំបន់មេគង្គ ដើម្បីជួយសម្រួលបណ្ដាគម្រោងតភ្ចាប់ ដែលមានលក្ខណៈយុទ្ធសាស្ត្រក្នុងតំបន់។

ជាការឆ្លើយតប លោកស្រី Manuela.V Ferro បានសង្កត់ធ្ងន់ថា WB នឹងបន្តរួមដំណើរជាមួយរដ្ឋាភិបាលវៀតណាមក្នុងដំណើរអភិវឌ្ឍន៍នាពេលខាងមុខ ហើយត្រៀមខ្លួនជាស្រេចជួយឧបត្ថម្ភយ៉ាងសកម្មដល់ការអភិវឌ្ឍរបាយការណ៍វៀតណាមឆ្នាំ ២០៤៥។ តាមនោះ រួមចំណែកជួយវៀតណាមសម្រេចឲ្យបានយុទ្ធសាស្ត្រ ផែនការនិងគោលដៅដែលបានដាក់ចេញ ជាពិសេសក្នុងការកៀរគរប្រភពធនធានសង្គម ការអភិវឌ្ឍហេដ្ឋារចនាសម្ព័ន្ធ ការអនុវត្តការផ្លាស់ប្តូរបៃតង ការផ្លាស់ប្តូរឌីជីថល ការកសាងសេដ្ឋកិច្ចឯករាជ្យ ខ្លួនទីពឹងខ្លួន ការអភិវឌ្ឍយ៉ាងឆាប់រហ័សប្រកបដោយ និរន្តរភាព បរិយាប័ន្ន បង្កើនការតភ្ជាប់ សមាហរណកម្មអន្តរជាតិ ឆ្ពោះទៅរកគោលដៅក្លាយទៅជាប្រទេសអភិវឌ្ឍន៍ មានប្រាក់ចំណូលខ្ពស់នៅឆ្នាំ២០៤៥ ខាងមុខ៕