វប្បធម៌វៀតណាមលេចធ្លោក្នុងពិធីបុណ្យក្រុមប្រទេសនិយាយភាសាបារាំង (Francophone) នៅប្រទេសបារាំង

ចំណាប់អារម្មណ៍ល្អក្នុងជំនួបសំណេះសំណាល "វៀតណាម ២០២២" នៅប្រទេសបារាំង

ប្រទេសវៀតណាមទទួលវ៉ាក់សាំងបង្ការជំងឺកូវីដ-១៩ ពីប្រទេសបារាំងនិងអ៊ីតាលី

ភ្ញៀវ​ទេសចរ​ទៅ​ទស្សនាស្តង់ដាក់តាំងទំនិញ​វៀតណាម ក្នុង ​ពន្លា​វៀតណាម​ក្នុង​កម្មវិធី“ពិធីបុណ្យចុងសប្តាហ៍ Francophone ឆ្នាំ២០២២” ដែល​ប្រារព្ធ​ឡើង​នៅ​ភូមិ Yèbles ក្នុង​ខេត្ត Seine et Marne ប្រទេស​បារាំង។ (រូបថត៖ Thu Ha/VNA)

នារី Amandine Chouana ជនជាតិបារាំងដើមកំណើត​ឡាវម្នាក់បានចែករំលែកថា "ស្តង់​ដាក់តាំង​ទំនិញវៀតណាមស្រស់ស្អាត ទាក់ទាញជាមួយនឹងរូបភាព ក្រដាសតុបតែងចម្រុះពណ៌។ ខ្ញុំចូលចិត្តមួក និងចង្កៀងគោមរបស់វៀតណាម ពេលឃើញខ្ញុំចង់ទៅមកលេងប្រទេសប្រទេសវៀតណាមម្តងទៀត។ "

យោងតាមលោក Nghiem Xuan Dong នាយកមជ្ឈមណ្ឌលវប្បធម៌វៀតណាមប្រចាំប្រទេសបារាំង"ពិធីបុណ្យចុងសប្តាហ៍ Francophone ឆ្នាំ២០២២" គឺជាគំនិតផ្តួចផ្តើមរបស់ភូមិ Yebles ដើម្បីឆ្លើយតបទៅនឹងទិវា Francophonie អន្តរជាតិ ហើយបានរៀបចំក្នុង​រយៈពេល ៧ ឆ្នាំកន្លងមកនេះ។ មជ្ឈមណ្ឌលវប្បធម៌វៀតណាមនៅប្រទេសបារាំងតែងតែចូលរួម នៅក្នុងព្រឹត្តិការណ៍នេះ ហើយបន្សល់ទុកនូវចំណាប់អារម្មណ៍ជាច្រើនដល់គណៈកម្មាធិការរៀបចំ និងសាធារណជន។ លោក Dong ក៏បាននិយាយផងដែរថា វៀតណាមនឹងក្លាយជាភ្ញៀវកិត្តិយសសម្រាប់ពិធិបុណ្យនេះលើកទី ៥ ដែលគ្រោងនឹងប្រារព្ធឡើងនៅឆ្នាំ ២០២៤ ។” យើងនឹងនាំយកសកម្មភាពវប្បធម៌ កីឡា និងទេសចរណ៍ សំដៅឧទ្ទេសនាមដល់បណ្តាប្រទេស​ក្នុ ក្រុមប្រទេសនិយាយ​ភាសាបារាំង (Francophone) ដើម្បីជួយពួកគេឱ្យយល់កាន់តែយល់ច្បាស់អំពីប្រទេស និងប្រជាជនវៀតណាម”។

តំណាងប្រទេសវៀតណាមបានចូលរួមក្បួនដង្ហែនៅ “ពិធីបុណ្យ​ចុង​សប្តាហ៍ Francophone ឆ្នាំ២០២២” ។ (រូបថត៖ VNA)

ដោយមានអ្នកនិយាយចំនួន ៣១២ លាននាក់ ភាសាបារាំងនៅតែជាភាសាមួយក្នុងចំណោមភាសាដែលនិយាយច្រើនជាងគេបំផុតនៅលើពិភពលោក។ ពិធីបុណ្យ Francophonie នៅទីក្រុង Yèbles លើកទី ៤ បានបញ្ចប់ហើយ។ សូមជួបគ្នាម្តងទៀតជាមួយនឹងការចូលរួមដ៏ពិសេស និងគួរឱ្យចាប់អារម្មណ៍របស់វៀតណាមក្នុងនាមជាភ្ញៀវកិត្តិយសនៃពិធីបុណ្យ Francophonie នៅទីក្រុង Yèbles លើកទី ៥ ដែលគ្រោងនឹងប្រារព្ធឡើងនៅថ្ងៃទី ២០ ខែមីនា ឆ្នាំ ២០២៤។/ ។

ឌីណា