ប្រធានអគ្គសេនាធិការវៀតណាម ជួបជាមួយប្រធានគណៈប្រតិភូឡាវ និងមីយ៉ាន់ម៉ា

ឧស្សាហកម្មវាយនភ័ណ្ឌកាត់ដេររបស់ វៀតណាម កម្ពុជា និងមីយ៉ាន់ម៉ា មុខនឹងឱកាសដ៏អស្ចារ្យជាច្រើន

កម្ពុជា ឡាវ និងមីយ៉ាន់ម៉ា បើកកិច្ចប្រជុំពង្រឹងកិច្ចការពារពលករទេសន្តរប្រវេសន៍ នៅខេត្តសៀមរាប

លោកឧត្តមសេនីយ៍ឯក Nguyen Tan Cuong ជួបពិភាក្សាការងារជាមួយលោកឧត្តមសេនីយ៍ទោ Khamliang Outhakaysone ប្រធានអគ្គសេនាធិការកងទ័ពប្រជាជនឡាវ

នៅក្នុងជំនួបជាមួយលោកឧត្តមសេនីយ៍ទោ Khamliang Outhakaysone ប្រធានអគ្គសេនាធិការកងទ័ពប្រជាជនឡាវ ភាគីទាំងពីរបានវាយតម្លៃខ្ពស់ចំពោះចំណងមិត្តភាព ភាតរភាពជិតស្និទ្ធ ទំនាក់ទំនងប្រពៃណី សាមគ្គីភាព និងការជួយគ្នាទៅវិញទៅមកក្នុងការតស៊ូដណ្ដើមឯករាជ្យជាតិ និងក្នុងការកសាងប្រទេសនៃប្រទេសនីមួយៗនាសព្វថ្ងៃនេះ។

ទាក់ទងនឹងទំនាក់ទំនងលើវិស័យការពារជាតិ ប្រធានគណៈប្រតិភូទាំងពីរបានឯកភាពគ្នាអនុវត្តប្រកបដោយប្រសិទ្ធភាពនូវកិច្ចព្រមព្រៀងសហប្រតិបត្តិការដែលមានស្រាប់។

នៅក្នុងជំនួបជាមួយលោកនាយឧត្តមសេនីយ៍ Maung Maung Aye ប្រធានអគ្គសេនាធិការកងកម្លាំងប្រដាប់អាវុធមីយ៉ាន់ម៉ា ភាគីទាំងពីរបានវាយតម្លៃខ្ពស់ចំពោះទំនាក់ទំនងប្រពៃណី និងមិត្តភាពដ៏ល្អរវាងប្រជាជន និងកងទ័ពនៃប្រទេសទាំងពីរនាពេលកន្លងមក។ ទាក់ទងនឹងទំនាក់ទំនងលើវិស័យការពារជាតិ ប្រធានគណៈប្រតិភូមីយ៉ាន់ម៉ាមានបំណងចង់ជំរុញកិច្ចសហប្រតិបត្តិការជាមួយកងទ័ពប្រជាជនវៀតណាម; ព្រមទាំងលោកអះអាងថា នឹងបង្កើតលក្ខខណ្ឌអំណោយផលសម្រាប់ពលរដ្ឋ និងធុរកិច្ចវៀតណាម ក្នុងការធ្វើអាជីវកម្មនៅមីយ៉ាន់ម៉ា...។

លោកឧត្តមសេនីយ៍ឯក Nguyen Tan Cuong ជួបពិភាក្សាការងារជាមួយលោកនាយឧត្តមសេនីយ៍ Maung Maung Aye ប្រធានអគ្គសេនាធិការកងកម្លាំងប្រដាប់អាវុធមីយ៉ាន់ម៉ា

ទាក់ទងនឹងកិច្ចសហប្រតិបត្តិការពហុភាគីក្នុងក្របខណ្ឌអាស៊ាន ថ្នាក់ដឹកនាំនៃកងទ័ពឡាវ និងមីយ៉ាន់ម៉ាសុទ្ធតែបានអះអាងថានឹងគាំទ្រ និងចាត់បញ្ជូនកងកម្លាំងទៅចូលរួមរាល់សកម្មភាពដែលរៀបចំឡើងដោយកងទ័ពប្រជាជនវៀតណាមក្នុងឆ្នាំ ២០២២ ដូចជា៖ កិច្ចប្រជុំមេបញ្ជាការកងទ័ពជើងគោកអាស៊ានលើកទី២៣ (ACAMM) និងការប្រកួតបាញ់កាំភ្លើងដៃកងទ័ពជើងគោកអាស៊ាន (AARM) លើកទី៣០៕

យោងតាមកាសែតកងទ័ពប្រជាជន