Trending now

ស្រា Hoang របស់ប្រជាជន Dao Tien

09:09 | 15/03/2022

នៅក្នុងថាសបាយសែនជីដូនជីតាតាមប្រពៃណីរបស់ជនជាតិ Dao Tien នៅស្រុក Moc Chau (ខេត្ត Son La) ក្រៅពីរាល់មុខម្ហូបដូចជា សាច់ជូរ​ ជ្រូកស្រែ ស៊ុបសំណល់ស្រាបាយដំណើបពណ៌ នំអន្សំខ្មៅ... គឺស្រា Hoang ដែលជាស្រាមួយប្រភេទមានក្លិនឈ្ងុយឆ្ងាញ់ និងរសជាតិផ្អែមរបស់អង្ករដំណើបគឺខ្វះមិនបានជាដាច់ខាត។

ពិធីបុណ្យរាំរបស់ជនជាតិ Dao ពិធីបុណ្យរាំរបស់ជនជាតិ Dao
ពីឱសថបុរាណសម្រាប់ត្រាំងូតទឹករហូតរបស់ជនជាតិ Dao (វៀតណាម) ពីឱសថបុរាណសម្រាប់ត្រាំងូតទឹករហូតរបស់ជនជាតិ Dao (វៀតណាម)

ស្រា Hoang ដែលជាស្រាមួយប្រភេទមានក្លិនឈ្ងុយឆ្ងាញ់ និងរសជាតិផ្អែមរបស់អង្ករដំណើបគឺខ្វះមិនបានជាដាច់ខាតក្នុងពិធីប្រពៃណីរបស់ជនជាតិ Dao Tien ទេ

តាំងពីបុរាណកាល គ្រានៅមានជីវភាពរស់នៅជួបការលំបាក ជនជាតិ Dao Tien ភាគច្រើនយកដើមដំឡូងមីមកធ្វើស្រា Hoang។ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ នៅពេលដែលជីវភាពល្អប្រសើរឡើង អង្ករដំណើបឆ្ងាញ់ត្រូវបានជ្រើសរើសដើម្បីធ្វើស្រានេះតែម្តង។ ដើម្បីធ្វើស្រា Hoang អង្ករដំណើបត្រូវបានសម្អាត ត្រាំពេញមួយយប់ បន្ទាប់មកទុកឱ្យវាស្ងួត បន្ទាប់មកចំហុយឱ្យឆ្អិន។ ពេលបាយដំណើបឆ្អិនយកបាយដំណើបចេញដោយទ្រាប់ស្លឹកចេកក្រោមទុកឱ្យបាយត្រជាក់ រួចប្រោះដំបែពីលើ។ បន្ទាប់ពីលាយដំបែស្រាហើយ អង្ករដំណើបត្រូវដាក់ក្នុងពាងដែលបិទជិតដោយគម្របសម្រាប់ផ្អាប់ស្រា។ រយៈពេលផ្អាប់នៅរដូវក្តៅជាធម្មតាគឺ៣ ថ្ងៃ ៣ យប់ រីឯក្នុងរដូវរងារវាអាចមានរយៈពេលពី ៥ ទៅ ៦ ថ្ងៃ។ ស្រាផ្អាប់គ្រប់ពេលត្រូវបានយកមកច្របាច់ទឹកចេញ ហើយបន្តច្រោះវាម្តងទៀត រួចដាក់ក្នុងឆ្នាំងឱ្យឆ្អិន។ បន្ទាប់ពីស្រាត្រជាក់ ស្រាអាចប្រើបានភ្លាមៗ ឬទុកក្នុងទូទឹកកក។

ស្រា Hoang របស់ប្រជាជន Dao Tien
ស្រា Hoang ឆ្ងាញ់ គឺមានពណ៌ទឹកដោះគោ ក្លិនឈ្ងុយនៃអង្ករដំណើប រសជាតិផ្អែម ងាយស្រួលពិសារ កំហាប់ជាតិអាល់កុលទាប។ ម្យ៉ាងទៀត ដោយសារស្រាមានរសជាតិស្រាល និងផ្អែម ពេលផឹកស្រានេះ គេតែងតែប្រើចានគោម។

ជនជាតិ Dao Tien មានជំនឿថា នៅថ្ងៃឈប់សម្រាកបុណ្យចូលឆ្នាំថ្មី ឬពេលគ្រួសារមានការងារធំៗដូចជា៖ រៀបអាពាហ៍ពិពាហ៍ សែនដូនតា បុណ្យចូលឆ្នាំថ្មី... បុរសៗនឹងផឹកស្រាស (ស្រាធ្វើពីអង្ករខ្សាយ) ស្ត្រីផឹកស្រា Hoang ដើម្បីរីករាយជាមួយគ្នា។ សព្វថ្ងៃនេះ ស្រា Hoang មិនត្រឹមតែត្រូវបានប្រជាជន Dao Tien ប្រើប្រាស់ក្នុងគ្រួសារប៉ុណ្ណោះទេ ថែមទាំងធ្វើជាអំណោយសម្រាប់សាច់ញាតិ និងមិត្តភក្តិទៀតផង។ គ្រួសារជាច្រើនក៏បានចាប់ផ្តើមផលិតស្រា Hoang ដើម្បីផ្គត់ផ្គង់ដល់ភោជនីយដ្ឋាន លក់តាមការបញ្ជាទិញពីអ្នកទេសចរដែលចូលចិត្តស្រានេះផងដែរ។

ក្នុងដំណើរស្វែងរកមុខម្ហូបនៅភូមិភាគពាយ័ព្យ វាពិតជាគួរឱ្យស្តាយណាស់ ប្រសិនបើអ្នកទស្សនាមិនបានទទួលទានស្រា Hoang របស់ជនជាតិ Dao Tien នៅ Moc Chau ៕

kh.qdnd.vn

មតិពីមិត្តអ្នកអាន

ព័ត៌មានថ្មីៗ

លោកនាយករដ្ឋមន្ត្រី Pham Minh Chinh ចុះត្រួតពិនិត្យការអនុវត្តគម្រោងវិនិយោគសាងសង់ព្រលានយន្តហោះអន្តរជាតិ Long Thanh
ការសាងសង់គម្រោងផ្លូវល្បឿនលឿនជើង-ត្បូងតំបន់ភាគខាងកើតត្រូវដាក់ផលប្រយោជន៍របស់ប្រទេសជាតិនិងប្រជាជាតិជាអាទិភាពចម្បងបំផុត
ផ្សព្វផ្សាយទេសចរណ៍ តំបន់តីង្វៀន (Tay Nguyen) ដល់មិត្តអន្តរជាតិ
តំណាងឱ្យប្រទេសវៀតណាមក្នុងទីក្រុងស្អាតបំផុតទាំង ២៥ នៅលើពិភពលោក
តំបន់ទីក្រុងរបស់វៀតណាមនឹងមានការអភិវឌ្ឍយ៉ាងខ្លាំងក្លា