ក្នុងរយៈពេលប៉ុន្មានឆ្នាំកន្លងមក ទំនាក់ទំនងឡាវ-វៀតណាម លើវិស័យនយោបាយ ការទូត ការពារជាតិ-សន្តិសុខ សេដ្ឋកិច្ច វប្បធម៌-សង្គម ត្រូវបានពង្រឹង និងពង្រីកដោយឥតឈប់ឈរ។
 ឆ្នាំ ២០២២ មានសារៈសំខាន់ជាពិសេសសម្រាប់ឡាវ និងវៀតណាម |
 ប្រទេសលុចសំបួ ផ្តល់ថវិកា១,១លានដុល្លារ ដើម្បីជួយកម្ពុជា ឡាវ ថៃ វៀតណាម ឲ្យរក្សាមុខងារអេកូឡូស៊ីនៃទន្លេមេគង្គ |
ក្នុងប៉ុន្មានថ្ងៃថ្មីៗនេះ កាសែតធំៗរបស់ឡាវ ដូចជា Pasaxon, Pathetlao Daily, Laophattanane ឬទូរទស្សន៍ និងវិទ្យុបានផ្សាយអត្ថបទជាច្រើនដែលកោតសរសើរចំពោះទំនាក់ទំនងមិត្តភាពដ៏អស្ចារ្យ សាមគ្គីភាពពិសេស និងកិច្ចសហប្រតិបត្តិការលើគ្រប់ជ្រុងជ្រោយ វៀតណាម-ឡាវ ក្នុងឱកាសនៃឆ្នាំសាមគ្គីភាព និងមិត្តភាព វៀតណាម-ឡាវ ២០២២។
កាសែត Pasaxon (ប្រជាជន) ដែលជាស្ថាប័នឃោសនារបស់គណៈកម្មាធិការមជ្ឈិមនៃបក្សប្រជាជនបដិវត្តន៍ឡាវ បានចុះផ្សាយបទវិចារណកថាដែលមានចំណងជើងថា "រួមគ្នាដើម្បីអបអរសាទរឆ្នាំសាមគ្គីភាព និងមិត្តភាព ឡាវ-វៀតណាម ២០២២"។ បទវិចារណកថាបានសង្កត់ធ្ងន់ថា ឆ្នាំ២០២២ គឺជាឱកាសមួយដើម្បីផ្សព្វផ្សាយ និងអប់រំកម្មាភិបាល កងកម្លាំងប្រដាប់អាវុធ ប្រជាជន ជាពិសេសយុវជនឲ្យមានការយល់ដឹងយ៉ាងស៊ីជម្រៅ ដើម្បីបន្តការពារ និងពង្រីកប្រពៃណីទំនៀមទំលាប់ល្អនៃទំនាក់ទំនង ក៏ដូចជាសមិទ្ធផលនានា ដែលបដិវត្តន៍នៃប្រទេសទាំងពីរសម្រេចបាន។
 |
| កាសែត Pathetlaolao Daily ចុះផ្សាយអត្ថបទជាច្រើន ដែលកោតសរសើរចំពោះទំនាក់ទំនងរវាងឡាវ និងវៀតណាម (រូបថត៖ vov.vn) |
កាសែត Pathetlaolao Daily (ទីភ្នាក់ងារសារព័ត៌មានឡាវ) បន្តចុះផ្សាយអត្ថបទជាច្រើនដែលកោតសរសើរចំពោះទំនាក់ទំនងរវាងឡាវ និងវៀតណាម។ អត្ថបទទាំងនេះបានលើកឡើងពីប្រពៃណីសាមគ្គីភាព និងការជួយគ្នាទៅវិញទៅមករវាងឡាវ និងវៀតណាម ព្រមទាំងសង្កត់ធ្ងន់ថា ចំណងសាមគ្គីភាព និងការជួយគ្នាទៅវិញទៅមកបានក្លាយទៅជាប្រពៃណីដ៏ល្អតាំងពីយូរណាស់មកហើយ ដែលកាន់តែជិតស្និទ្ធពីមួយថ្ងៃទៅមួយថ្ងៃ ហើយអភិវឌ្ឍក្លាយទៅជាទំនាក់ទំនងសាមគ្គីភាព និងកិច្ចសហប្រតិបត្តិការគ្រប់ជ្រុងជ្រោយ ឡាវ -វៀតណាម។
នៅលើទំព័រមុខនៃកាសែតអនឡាញ Laophattanane (ប្រទេសឡាវអភិវឌ្ឍ) បានចុះផ្សាយអត្ថបទមួយដែលមានចំណងជើងថា "ចំណងមិត្តភាពដ៏អស្ចារ្យរបស់ប្រជាជនទាំងពីរឡាវ-វៀតណាម គឺជាទ្រព្យសម្បត្តិរួមដែលមិនអាចកាត់ថ្លៃបាន"។ អត្ថបទបានសង្កត់ធ្ងន់ថា ក្នុងប៉ុន្មានឆ្នាំកន្លងមក ទំនាក់ទំនងឡាវ-វៀតណាមលើវិស័យនយោបាយ ការទូត ការពារជាតិ-សន្តិសុខ សេដ្ឋកិច្ច វប្បធម៌-សង្គម ត្រូវបានពង្រឹង និងពង្រីកដោយឥតឈប់ឈរដែលនាំមកនូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ។
ក្រៅពីកាសែតធំៗ វិទ្យុ និងទូរទស្សន៍នានារបស់ប្រទេសឡាវក៏បានផ្សាយអត្ថបទ និងរូបថតអំពីការងារត្រៀមរៀបចំ ក៏ដូចជាផែនការរៀបចំសកម្មភាពប្រារព្ធពិធីរំលឹកខួបឆ្នាំសាមគ្គីភាពនិងមិត្តភាព ឡាវ-វៀតណាម និងវៀតណាម-ឡាវ ២០២២ នាពេលខាងមុខផងដែរ៕
មតិពីមិត្តអ្នកអាន