នាថ្ងៃទី ១៥ កុម្ភៈ នៅទីក្រុងហាណូយ លោកឧត្តមសេនីយ៍ទោ Le Duc Thai មេបញ្ជាការកងទ័ពការពារព្រំដែន បានអញ្ជើញជាអធិបតីនៃកិច្ចប្រជុំដើម្បីស្តាប់ស្ថាប័ននានារាយការណ៍អំពីលទ្ធផលការងាររៀបចំសម្រាប់កម្មវិធីផ្លាស់ប្តូរមិត្តភាពការពារជាតិព្រំដែនវៀតណាម-កម្ពុជា លើកដំបូង។
 កម្មវិធីផ្លាស់ប្តូរមិត្តភាពការពារជាតិព្រំដែនវៀតណាម-ឡាវ លើកដំបូង ទទួលបានជោគជ័យយ៉ាងត្រចះត្រចង់ |
 កម្ពុជា ទទួលបានដំណក់ប្រេង លើកដំបូង |
 |
| លោកឧត្តមសេនីយ៍ទោ Le Duc Thai ថ្លែងក្នុងកិច្ចប្រជុំ (រូបថត៖ bienphong.com.vn) |
យោងតាមរបាយការណ៍ក្នុងកិច្ចប្រជុំនេះបានឲ្យដឹងថា អង្គភាពនានាបានបញ្ចប់គម្រោងពីរគឺ "គិលានដ្ឋានកងទ័ព-ប្រជាជនមិត្តភាព" នៅច្រកទ្វារព្រំដែនអន្តរជាតិ Hoa Lu (ខេត្ត Binh Phuoc); សម្របសម្រួលជាមួយភាគីកម្ពុជាក្នុងការសាងសង់វេទិកា និងសាលាសំណាក់នៅត្រង់ចំនុចតំបន់ប្រវត្តិសាសន៍កោះថ្ម(X16) នៅភូមិចង្គំទី១ ឃុំទន្លូង ស្រុកមេមត់ ខេត្តត្បូងឃ្មុំ ។
បន្ថែមលើនេះ នាយកដ្ឋាននយោបាយនៃកងទ័ពការពារព្រំដែនបានបញ្ជាឲ្យកងទ័ពការពារព្រំដែន Binh Phuoc ផ្តល់យោបល់ជូនអាជ្ញាធរមូលដ្ឋាននៅសងខាងព្រំដែនជ្រើសរើសគ្រួសារ សិស្សានុសិស្សដែលមានស្ថានភាពលំបាក និងគ្រួសារគោលនយោបាយនៅតំបន់ព្រំដែននៃប្រទេសទាំងពីរ ដើម្បីផ្តល់គោ និងអាហារូបករណ៍។ ទន្ទឹមនឹងនោះ នាយកដ្ឋាននយោបាយកងទ័ពកាពារព្រំដែនក៏បានបង្កើតសេណារីយ៉ូរៀបចំកិច្ចប្រជុំបូកសរុបរយៈពេល៥ឆ្នាំ ស្តីពីការអនុវត្តកម្មវិធីផ្លាស់ប្តូររវាងភូមិ Vuon Buoi ឃុំ Loc Thien ស្រុក Loc Ninh ខេត្ត Binh Phuoc ប្រទេសវៀតណាម ជាមួយភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ។ លើសពីនេះទៀត សេណារីយ៉ូនៃការដាំដើមឈើអនុស្សាវរីយ៍; ពិធីគោរពបង្គោលអធិបតេយ្យភាព និងការយាមល្បាតទ្វេភាគី; ធានាសន្តិសុខ និងសុវត្ថិភាព; ការតុបតែងពិធី ក៏បានអង្គភាពនានាសម្រេចហើយផងដែរ។
តាមគម្រោង កម្មវិធីផ្លាស់ប្តូរមិត្តភាពការពារព្រំដែនវៀតណាម-កម្ពុជាលើកដំបូងនឹងប្រព្រឹត្តទៅនៅខែមេសា ឆ្នាំ២០២២ នៅខេត្ត Binh Phuoc (វៀតណាម) និងខេត្តត្បូងឃ្មុំ៕
មតិពីមិត្តអ្នកអាន