ខេត្ត​ Quang Ninh ខេត្ត Hai Duong និង ខេត្ត Bac Giang ជំរុញកិច្ចសហប្រតិបត្តិការតភ្ជាប់​​តំបន់

ខេត្ត Quang Nam ធ្វើជាម្ចាស់ផ្ទះឆ្នាំទេសចរណ៍ជាតិ២០២២

UNDP ប្រគល់​ផ្ទះ​សុវត្ថិភាព​ធន់​នឹង​ខ្យល់​ព្យុះ​ចំនួន​១០​ខ្នង​ដល់​ប្រជាជន​ក្រីក្រ​នៅ​ខេត្ត Quang Ngai

ពិធីចុះហត្ថលេខាលើកិច្ចព្រមព្រៀងសហប្រតិបត្តិការក្នុងតំបន់រវាងខេត្តទាំងបីគឺ Quang Ninh - Hai Duong - Bac Giang។ (រូបថត៖ TTXVN)

ក្នុងជំនួបនេះ ខេត្តទាំងបីបានប្តេជ្ញា បន្តសម្របសម្រួលយ៉ាងជិតស្និទ្ធ អនុវត្តន៍ប្រកបដោយប្រសិទ្ធភាពនូវសេចចក្តីសម្រេចចិត្ត និងសេចក្តីសន្និដ្ឋានរបស់ការិយាល័យនយោបាយ គណៈកម្មាធិការប្រតិបត្តិមជ្ឈិមដោយផ្ទាល់ ចំពោះមូលដ្ឋាននីមួយៗ រួមចំណែកយ៉ាងសកម្ម ក្នុងការអភិវឌ្ឍសេដ្ឋកិច្ច-សង្គមនៅតាមមូលដ្ឋាននីមួយៗ និងជំរុញការអភិវឌ្ឍន៍ទំនាក់ទំនងក្នុងតំបន់ តាមគោលការណ៍ “ចែករំលែក-ឯកភាព-អភិវឌ្ឍន៍រួមគ្នា”។ មូលដ្ឋានទាំងបីបានឯកភាពគ្នា ផ្តោតសំខាន់លើការសម្របសម្រួល អនុវត្តយុទ្ធសាស្ត្រ "សម្របខ្លួនប្រកបដោយសុវត្ថិភាព មានភាពបត់បែន និងគ្រប់គ្រងជំងឺកូវីដ-១៩ ប្រកបដោយប្រសិទ្ធភាព" ដោយមានការរក្សា និងពង្រឹងការផ្លាស់ប្តូរព័ត៌មានស្តីពីស្ថានភាពជំងឺរាតត្បាត; ពង្រឹងកិច្ចសហប្រតិបត្តិការ បណ្តុះបណ្តាល ជំនួយបច្ចេកទេសវេជ្ជសាស្រ្ត និងធនធានមនុស្ស ក្នុងសកម្មភាពប្រយុទ្ធប្រឆាំងជំងឺរាតត្បាតដូចជា ការបណ្តុះបណ្តាលដើម្បីបង្កើនសមត្ថភាពធ្វើតេស្ត ការព្យាបាលអ្នកជំងឺកូវីដ-១៩ ការធ្វើតេស្តនិងពិនិត្យមេរោគ SARS-CoV-2 ផងដែរ ។

ជាពិសេស ខេត្តទាំងបីនឹងបន្តសហការជាមួយគ្នា ក្នុងការកសាងទម្រង់វិទ្យាសាស្ត្រនៃមណ្ឌលកេរ្តិ៍ដំណែល Yen Tu ដើម្បីដាក់ជូនអង្គការ UNESCO ទទួលស្គាល់ជាបេតិកភណ្ឌពិភពលោក និងកសាងទម្រង់វិទ្យាសាស្ត្រនៃបេតិកភណ្ឌវប្បធម៌-ប្រវត្តិសាស្ត្រ តំបន់កេរ្តិ៍ដំណែលទន្លេ Bach Dang៕

VOV