វៀតណាមបានទិញជិត ៨០ %នៃការនាំចេញផលិតផលកសិកម្ម របស់កម្ពុជា មានតម្លៃជិត ៥ ពាន់លានដុល្លារអាមេរិក កាលពីឆ្នាំមុន។
 ការនាំចេញវាយនភណ្ឌនិងសម្លៀកបំពាក់បានកើនឡើង ៨០ ភាគរយបើប្រៀបធៀបនឹងចុងខែកុម្ភៈ |
 អង្គការជាង ៨០ អំពាវនាវឱ្យមានការប្រឆាំងនឹងការទាមទាររបស់ចិននៅសមុទ្រខាងកើត |
ប្រទេសវៀតណាមបានទិញពី ៩៦%ទៅ៩៩% នៃការនាំចេញគ្រាប់ស្វាយចន្ទី ម្រេច និងសណ្តែករបស់កម្ពុជា នេះបើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទរបស់កម្ពុជា។
ការនាំចេញគ្រាប់ស្វាយចន្ទីរបស់កម្ពុជាទៅប្រទេសវៀតណាមបានកើនឡើង ៤,៦ ដងចាប់ពីឆ្នាំ ២០២០ ហើយម្រេច និងសណ្តែក កើនឡើង ៤ ដង។
ផលិតផលផ្សេងទៀតដែលវៀតណាមទិញក្នុងបរិមាណច្រើនពីប្រទេសជិតខាងមានដូចជា អង្ករ ក្រូចថ្លុង ចេក និងស្វាយ។
 |
| វៀតណាមទិញ ៨០%នៃការនាំចេញផលិតផលកសិកម្មរបស់កម្ពុជា។ (រូបថត៖ VNExpress) |
រដ្ឋមន្ត្រីក្រសួងកសិកម្មកម្ពុជា លោក វេង សាខុន បានប្រាប់ប្រធានរដ្ឋវៀតណាម លោក Nguyen Xuan Phuc ក្នុងដំណើរទស្សនកិច្ចចុងក្រោយនេះថា វៀតណាមជាអ្នកនាំចូលដ៏ធំបំផុតរបស់កម្ពុជា ក្នុងចំណោម៧០ប្រទេស និងតំបន់ កាលពីឆ្នាំមុន។
លោកបានបន្ថែមថា ក្រុមហ៊ុនវៀតណាមក៏បានប្រមូលផលជ័រកៅស៊ូ មានតម្លៃ ២០០ លានដុល្លារអាមេរិកផងដែរក្នុងរយៈពេល ១១ ខែដំបូងកាលពីឆ្នាំមុន។
កសិកម្មកៅស៊ូបានបង្កើតការងារសម្រាប់ប្រជាជនក្នុងស្រុកប្រហែល ៣៣,០០០ នាក់ហើយក្រុមហ៊ុនវៀតណាមក៏បានរួមចំណែកដល់ជាង ៥០ %នៃការនាំចេញចេករបស់កម្ពុជា ដោយបង្កើតការងារដល់កម្មករប្រហែល ១៤,០០០ នាក់»។
គេបានអោយដឹងថា ការកើនឡើងនៃការនាំចេញកសិផលរបស់កម្ពុជាទៅប្រទេសវៀតណាមបានកើតឡើងខណៈដែលក្រុមហ៊ុនវៀតណាមជាច្រើនបានវិនិយោគលើវិស័យកសិកម្មនៅកម្ពុជា។
អ្នកជំនាញកសិកម្មលោក Vo Tong Xuan លើកឡើងពីនិន្នាការសម្រាប់អាជីវកម្ម និងប្រជាជនវៀតណាម ដែលទាញយកអត្ថប្រយោជន៍ពីដីធ្លីដែលមានតម្លៃសមរម្យរបស់កម្ពុជា ក៏ដូចជាតម្លៃពលកម្មទាប។
បន្ទាប់មកទិន្នផលត្រូវបាននាំចេញទៅប្រទេសវៀតណាមវិញ។
ក្នុងរយៈពេល១១ ខែដំបូងកាលពីឆ្នាំមុន ទំហំពាណិជ្ជកម្មរវាងវៀតណាម និងកម្ពុជាបានកើនឡើង ៨៤% បើធៀបនឹងឆ្នាំមុន ដល់ ៨.៦ ពាន់លានដុល្លារអាមេរិក នេះបើយោងតាមស្ថាប័នគយប្រទេសវៀតណាម។
ការនាំចេញរបស់កម្ពុជាទៅប្រទេសវៀតណាមបានកើនឡើង ៣៣៧% ក្នុងរយៈពេលនេះ៕
Khmertimeskh
មតិពីមិត្តអ្នកអាន