យុគសម័យ - អង្គការគាំទ្រសាកលវិទ្យាល័យពិភពលោកអាល្លឺម៉ង់ (WUS) ទើបតែបានប្រកាសថា ដោយសារឥទ្ធិពលនៃជំងឺរាតត្បាត Covid -19 ចំពោះនិស្សិតនៃសាកលវិទ្យាល័យវៀតណាម-អាល្លឺម៉ង់ (VGU) នៅវៀតណាម WUS និងរដ្ឋាភិបាលរដ្ឋ Hessen នៃប្រទេសអាល្លឺម៉ង់បានឧបត្ថម្ភថវិកាដែលមានទឹកប្រាក់ចំនួន ២០៥,000 អឺរ៉ូសម្រាប់អាហារូបករណ៍នៅសាលានេះ។
ការបរិច្ចាកដើម្បីគាំទ្រប្រជាជនដែលរងផលប៉ះពាល់ដោយទឹកជំនន់នៅភាគនិរតីប្រទេសអាល្លឺម៉ង់ |
ទទួលយកទំនិញចំនួន១០ តោន ពីប្រទេសអាល្លឺម៉ង់ ដើម្បីជួយវៀតណាមក្នុងការប្រយុទ្ធប្រឆាំងនឹងជំងឺកូវីដ ១៩ |
រូបថតឧទាហរណ៍ |
លោកវេជ្ជបណ្ឌិត Kambiz Ghawami បាននិយាយថា នៅក្នុងបរិបទនៃការរាតត្បាតនៃជំងឺ Covid -19 និស្សិតនៃសាលា VGU ជាច្រើននិងឪពុកម្តាយរបស់ពួកគេមានការពិបាកក្នុងការបង់ថ្លៃសិក្សារបស់ពួកគេ ក៏ដូចជាផ្តោតលើការសិក្សារបស់ពួកគេ។ WUS បានស្នើទៅក្រសួងវិទ្យាសាស្ត្រនិងសិល្បៈនៃរដ្ឋ Hessen សម្រាប់ការជួយឧបត្ថម្ភ ហើយទទួលបានការយល់ព្រម។ អាស្រ័យហេតុនេះ អាជ្ញាធររដ្ឋនឹងផ្តល់ WUS ២០៥,000 អឺរ៉ូ ដើម្បីផ្តល់អាហារូបករណ៍ដល់និស្សិត VGU ដែលជួបការលំបាកដោយសារជំងឺរាតត្បាត Covid-19។
នៅក្នុងសេចក្តីថ្លែងការណ៍មួយ ប្រធាន WUS Ghawami បានថ្លែងអំណរគុណដល់លោកស្រី Angela Dorn រដ្ឋមន្ត្រីក្រសួងវិទ្យាសាស្ត្រនិងសិល្បៈនៃរដ្ឋ Hessen សម្រាប់ការគាំទ្ររបស់រដ្ឋ Hessen ហើយបានចាត់ទុកថា វាជាការបង្ហាញនៃចំណងសាមគ្គីភាពជាមួយនិស្សិត VGU ។ លោក Gawami បានសង្កត់ធ្ងន់ថា VGU គឺជាស្ពានវិទ្យាសាស្ត្ររវាងវៀតណាមនិងអាល្លឺម៉ង់ និងជាគម្រោងដ៏សំខាន់នៃទំនាក់ទំនងសហប្រតិបត្តិការយុទ្ធសាស្ត្ររវាងប្រទេសទាំងពីរ។
VGU ត្រូវបានវៀតណាមសម្របសម្រួលជាមួយរដ្ឋាភិបាលរដ្ឋ Hessen ដើម្បីសាងសង ក្នុងឆ្នាំ ២០០៨ ដែល គឺជាសាកលវិទ្យាល័យសាធារណៈរបស់វៀតណាម ដែលមានរចនាសម្ព័ន្ធបណ្តុះបណ្តាល ស្រាវជ្រាវ និងគ្រប់គ្រងតាមគំរូរបស់ប្រទេសអាល្លឺម៉ង់។ ក្នុងរយៈពេល ១០ ឆ្នាំកន្លងមកនេះ និស្សិតបញ្ចប់ការសិក្សា VGU មានអត្រាមានការងារខ្ពស់ខ្លាំង (ជិត ៩៨%) នៅក្រុមហ៊ុនអាល្លឺម៉ង់ និងអន្តរជាតិ នៅប្រទេសវៀតណាម ដែលបង្ហាញពីការទទួលស្គាល់យ៉ាងខ្លាំងពីក្រុមហ៊ុនជ្រើសរើសបុគ្គលិកចំពោះគុណភាពនៃនិស្សិត VGU./.
ncov
មតិពីមិត្តអ្នកអាន