វៀតណាមនិងសិង្ហបុរីពង្រឹងកិច្ចសហប្រតិបត្តិការឲ្យមានការអភិវឌ្ឍកាន់តែស៊ីជម្រៅថែមទៀត

ទាញយកផលប្រយោជន៍ពី FTA ដើម្បីជំរុញកិច្ចសហប្រតិបត្តិការរវាងវៀតណាមនិងសិង្ហបុរី

វៀតណាមនិងសិង្ហបុរី ផ្លាស់ប្តូរបទពិសោធន៍ក្នុងការស្តារសេដ្ឋកិច្ចឡើងវិញនិងការប្រយុទ្ធប្រឆាំងនឹងជំងឺកូវីដ-១៩

កិច្ចពិគ្រោះយោបល់នយោបាយវៀតណាម - សិង្ហបុរីលើកទី១៤ (រូបថត៖ nhandan)

ភាគីទាំងពីរបានត្រួតពិនិត្យកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ និងពិភាក្សាអំពីខ្លឹមសារសំខាន់ៗនៃកិច្ចសហប្រតិបត្តិការនាពេលខាងមុខ ដើម្បីចូលរួមចំណែកជម្រុញឲ្យទំនាក់ទំនងយុទ្ធសាស្រ្តវៀតណាម - សិង្ហបុរី អភិវឌ្ឍយ៉ាងទូលាយ ស៊ីជម្រៅ និងមានប្រសិទ្ធភាពថែមទៀត។

លោក Chee Wee Kiong វាយតម្លៃខ្ពស់ចំពោះស្មារតីសហប្រតិបត្តិការនិងជួយគ្នាទៅវិញទៅមកក្នុងបរិបទនៃជំងឺរាតត្បាតរវាងប្រទេសទាំងពីរ ហើយបញ្ជាក់ថា សិង្ហបុរី នឹងឧបត្ថម្ភវ៉ាក់សាំងដល់វៀតណាមតាមរយៈយន្តការ COVAX។ លោកស្នើឲ្យភាគីទាំងពីរបញ្ចប់កិច្ចចរចាស្ដីពីការទទួលស្គាល់គ្នាទៅវិញទៅមកនៃលិខិតឆ្លងដែនវ៉ាក់សាំង បទប្បញ្ញត្តិសម្រាប់ការធ្វើដំណើរជាអាទិភាព ការបើកជើងហោះហើរឡើងវិញ និងបង្កើតលក្ខណៈងាយស្រួលសម្រាប់ការធ្វើដំណើររបស់ប្រជាពលរដ្ឋនៃប្រទេសទាំងពីរ។

ភាគីទាំងពីរនឹងបន្តសហការយ៉ាងជិតស្និទ្ធ និងជួយគាំទ្រគ្នាទៅវិញទៅមកនៅអង្គការ និងវេទិកាអន្តរជាតិ ទាញយកប្រកបដោយប្រសិទ្ធភាពនូវឱកាសពីកិច្ចព្រមព្រៀងពាណិជ្ជកម្មសេរី។ ភាគីទាំងពីរសង្កត់ធ្ងន់លើសារៈសំខាន់ក្នុងការរក្សាសន្តិភាព ស្ថិរភាព សន្តិសុខ សុវត្ថិភាព សេរីភាពនៃការធ្វើនាវាចរណ៍និងអាកាសចរណ៍តាមសមុទ្រខាងកើត ដោះស្រាយជម្លោះដោយសន្តិវិធី ស្របតាមច្បាប់អន្តរជាតិ រួមទាំង អនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS) អនុវត្តយ៉ាងពេញលេញនូវសេចក្តីថ្លែងការណ៍ស្តីពីក្រមប្រតិបត្តិរបស់ភាគីនានានៅសមុទ្រខាងកើត (DOC) បញ្ចប់យ៉ាងឆាប់នូវការចរចារវាងអាស៊ាននិងចិនអំពីក្រមប្រតិបត្តិនៅសមុទ្រខាងកើត (COC) ប្រកបដោយប្រសិទ្ធភាពនិងស្របនឹងច្បាប់អន្តរជាតិ។ ក្នុងឱកាសនេះ ភាគីទាំងពីរបានប្រគល់ជានិមិត្តសញ្ញានូវសម្ភារៈបរិក្ខារពេទ្យសម្រាប់ការពារជំងឺកូវីដ-១៩ ដែលរដ្ឋាភិបាលសិង្ហបុរីជូនវៀតណាម។ ភាគីទាំងពីរបានឯកភាពនឹងបង្កើនការចែករំលែកព័ត៌មាន សហការស្រាវជ្រាវ និងផលិតវ៉ាក់សាំង និងថ្នាំព្យាបាលជំងឺ Covid-19៕

យោងតាមកាសែតកងទ័ពប្រជាជន