លោករដ្ឋមន្ត្រីក្រសួងនគរបាល To Lam ជួបពិភាក្សាជាមួយលោកស្រីរដ្ឋមន្ត្រីក្រសួងមហាផ្ទៃអង់គ្លេស

លោករដ្ឋមន្រ្តីនគរបាលវៀតណាម To Lam អញ្ជើញទទួលជួបពិភាក្សាជាមួយឯកអគ្គរដ្ឋទូតឡាវ

រដ្ឋមន្ត្រីក្រសួងនគរបាលវៀតណាម លោក To Lam ទទួលជួបឯកអគ្គរដ្ឋទូតអារ៉ាប់ប៊ី សាអូឌីតប្រចាំនៅវៀតណាម លោក Saud F.M. Alsuwelim

លោកនាយឧត្តមសេនីយ៍ To Lam សមាជិក​នៃការិយាល័យ រដ្ឋមន្ត្រីក្រសួង​នគរបាល ​និង​លោកស្រីរដ្ឋមន្ត្រីក្រសួង​មហាផ្ទៃអង់គ្លេស Priti Patel។ (រូបថត៖ ទីភ្នាក់ងារសារព័ត៌មានវៀតណាម)

លោកស្រីរដ្ឋមន្ត្រីក្រសួងមហាផ្ទៃអង់គ្លេសបានសម្តែងសេចក្តីរីករាយនៅពេល​ដែល​ទទួលស្វាគមន៍ និងជួបធ្វើការជាមួយគណៈប្រតិភូជាន់ខ្ពស់នៃក្រសួងនគរបាល​វៀតណាម ហើយអះអាងថា ដំណើរទស្សនកិច្ចរបស់លោកនាយឧត្តមសេនីយ៍ To Lam នៅចក្រភពអង់គ្លេសមានអត្ថន័យសំខាន់ រួមចំណែកពង្រឹងនិងជំរុញកិច្ចសហប្រតិបត្តិការទ្វេភាគីបន្ថែមទៀត ដើម្បីដោះស្រាយនឹងបញ្ហាសន្តិសុខមិនប្រពៃណី ជាពិសេសការដោះស្រាយឧក្រិដ្ឋកម្មឆ្លងដែន ដូចជា ឧក្រិដ្ឋកម្មសេដ្ឋកិច្ច ការធ្វើចំណាកស្រុកខុសច្បាប់ ការជួញដូរមនុស្ស ការលាងលុយកខ្វក់ ឧក្រិដ្ឋកម្មបច្ចេកវិទ្យាខ្ពស់…

លោកស្រី Priti Patel បានបញ្ជាក់ថា ចក្រភពអង់គ្លេសប្តេជ្ញាបង្កើន​ការតភ្ជាប់់នៃផលប្រយោជន៍នៅក្នុងតំបន់ឥណ្ឌូ - ប៉ាស៊ីហ្វិក។ ពង្រឹងទំនាក់ទំនងសហប្រតិបត្តិការជាមួយអាស៊ានលើគ្រប់វិស័យ និងគាំទ្រតួនាទីកណ្តាលរបស់អាស៊ានក្នុងការថែរក្សាស្ថាបត្យកម្មសន្តិសុខក្នុងតំបន់។ ចក្រភពអង់គ្លេសនឹងបន្តរួមចំណែកយ៉ាងសកម្មក្នុងការរក្សាសន្តិភាព ស្ថិរភាព សន្តិសុខ និងសុវត្ថិភាពដែនសមុទ្រនៅសមុទ្រខាងកើត ស្របតាមច្បាប់អន្តរជាតិ ជាពិសេស UNCLOS ១៩៨២។

ភាគីទាំងពីររីករាយចំពោះការអភិវឌ្ឍន៍ថ្មីនៃទំនាក់ទំនងសហប្រតិបត្តិការរវាងវៀតណាមនិងអង់គ្លេស ជាពិសេសបន្ទាប់ពីប្រទេសទាំងពីរបានចុះហត្ថលេខាលើសេចក្តីថ្លែងការណ៍រួមស្តីពីភាពជាដៃគូយុទ្ធសាស្ត្រវៀតណាម - អង់គ្លេស៖ ទិសដៅអភិវឌ្ឍន៍ក្នុងរយៈពេល ១០ ឆ្នាំខាងមុខ នៅខែកញ្ញាឆ្នាំ ២០២០; កិច្ចព្រមព្រៀងពាណិជ្ជកម្មសេរី ចក្រភពអង់គ្លេស-វៀតណាម (UKVFTA) ចុះថ្ងៃទី ៣១ ខែធ្នូ ឆ្នាំ ២០២០៕

ឌីណា