បន្តកិច្ចសហប្រតិបត្តិការ និងអភិវឌ្ឍន៍នៅបណ្តាខេត្តជាប់ព្រំដែនវៀតណាម-កម្ពុជា

កិច្ច​ពិគ្រោះ​យោបល់​នយោបាយ​លើក​ទី​៧ រវាង​ក្រសួង​ការ​បរទេស​ទាំង​ពីរ​វៀតណាម-កម្ពុជា។

វៀតណាម-កម្ពុជាលើកកម្ពស់កិច្ចសហប្រតិបត្តិការក្នុងការបង្ការប្រយុទ្ធប្រឆាំងឧក្រិដ្ឋកម្ម

ឧបនាយករដ្ឋមន្ត្រីអចិន្ត្រៃយ៍លោក Pham Binh Minh

នាព្រឹកថ្ងៃទី២៨ ខែតុលា ឆ្នាំ២០២១ ឧបនាយករដ្ឋមន្ត្រីអចិន្ត្រៃយ៍លោក Pham Binh Minh និង សម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃកម្ពុជា បានអញ្ជើញធ្វើជាសហប្រធាននៃសន្និសីទស្តីពីកិច្ចសហប្រតិបត្តិការនិងអភិវឌ្ឍន៍ខេត្តជាប់ព្រំដែនវៀតណាម-កម្ពុជាលើកទី១១ តាមប្រព័ន្ធវីដេអូ។

អញ្ជើញថ្លែងមតិក្នុងសន្និសីទនេះ សហប្រធានទាំងពីរបានអញ្ជើញសម្តែងនូវក្តីសោមនស្សរីករាយចំពោះការអភិវឌ្ឍន៍ជាវិជ្ជមាននៃទំនាក់ទំនងវៀតណាម-កម្ពុជានាពេលកន្លងមក ដោយបានសង្កត់ធ្ងន់ថា ទោះបីជារងផលប៉ះពាល់ដោយជំងឺកូវីដ-១៩បានផ្ទុះឡើងក៏ដោយ ទំនាក់ទំនងរវាងប្រទេសទាំងពីរនៅតែរក្សាបាននូវសន្ទុះនៃការអភិវឌ្ឍន៍ប្រកបដោយស្ថិរភាព កាន់តែស៊ីជម្រៅ មានប្រសិទ្ធភាព និងមានសារៈសំខាន់ស្របតាមបាវចនាថា "អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ ឋិតឋិររឹងមាំ យូរអង្វែង"។ ទំនាក់ទំនងនយោបាយ និងការទូតត្រូវបានពង្រឹងឥតឈប់ឈរ ហើយមេដឹកនាំជាន់ខ្ពស់នៃប្រទេសទាំងពីរ បានរក្សាទំនាក់ទំនងទៀងទាត់ និងការផ្លាស់ប្តូរក្នុងទម្រង់ផ្សេងៗគ្នា។ កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគបន្តកើនឡើងជាវិជ្ជមាន ចំណូលពាណិជ្ជកម្មទ្វេភាគីក្នុងឆ្នាំ ២០២០ សម្រេចបាន ៥,៣២ ពាន់លានដុល្លារ ហើយក្នុងរយៈពេល ៩ ខែដំបូងនៃឆ្នាំ ២០២១ សម្រេចបាន ៧,២៤ ពាន់លានដុល្លារ កើនឡើង ៩២,៣% បើធៀបនឹងរយៈពេលដូចគ្នាកាលពីឆ្នាំមុន។ . ក្រសួង និងស្ថាប័ននានានៃប្រទេសទាំងពីរបានរក្សាកិច្ចសហប្រតិបត្តិការជិតស្និទ្ធ និងមានប្រសិទ្ធភាពលើគ្រប់វិស័យ។ ជាពិសេស ភាគីទាំងពីរបានសម្របសម្រួល និងជួយគ្នាទៅវិញទៅមកទាន់ពេលវេលា និងមានប្រសិទ្ធភាពក្នុងការទប់ស្កាត់ការរីករាលដាលនៃជំងឺកូវីដ-១៩ផងដែរ។

ទិដ្ឋភាពនៃកិច្ចប្រជុំនេះតាមអនឡាញ

ភាគីទាំងពីរក៏បានវាយតម្លៃថា ការអនុវត្តកិច្ចសហប្រតិបត្តិការជាក់លាក់រវាងស្ថាប័នមជ្ឈិម និងអាជ្ញាធរខេត្តជាប់ព្រំដែននៃប្រទេសទាំងពីរ ក្នុងរយៈពេល៣ឆ្នាំកន្លងមកនេះ ទទួលបានលទ្ធផលវិជ្ជមានជាច្រើន ជាពិសេសការងារខ័ណ្ឌសីមា និងបោះបង្គោលព្រំដែនគោក ព្រមទាំងការគ្រប់គ្រងព្រំដែន និងច្រកទ្វារព្រំដែន រក្សាសន្តិសុខ និងសណ្តាប់ធ្នាប់នៅតាមតំបន់ព្រំដែន ក៏ដូចជាលើវិស័យពាណិជ្ជកម្មតាមព្រំដែន ការដឹកជញ្ជូន ការជួញដូរ អគ្គិសនី កសិកម្ម រុក្ខាប្រមាញ់ និងនេសាទ ការអប់រំ និងបណ្តុះបណ្តាល វប្បធម៌ កីឡា និងទេសចរណ៍ សុខាភិបាល ព័ត៌មាន និងច្បាប់ផងដែរ។

ពិភាក្សាអំពីទិសដៅនៃកិច្ចសហប្រតិបត្តិការរវាងខេត្តជាប់ព្រំដែនវៀតណាម-កម្ពុជានាពេលខាងមុខ ភាគីទាំងពីរ បានឯកភាពនឹងខិតខំប្រឹងប្រែង ដើម្បីពង្រឹងប្រសិទ្ធភាពនៃការសម្របសម្រួលបន្ថែមទៀតក្នុងការឆ្លើយតបទៅនឹងការរីករាលដាលនៃជំងឺកូវីដ-១៩ រួមចំណែកជាវិជ្ជមានដល់សេដ្ឋកិច្ចសង្គមរបស់ប្រទេស ការអភិវឌ្ឍន៍ ការគ្រប់គ្រងជំងឺរាតត្បាត ក៏ដូចជាការលើកកម្ពស់ការងើបឡើងវិញ និងការអភិវឌ្ឍសេដ្ឋកិច្ចសង្គមនៃប្រទេសទាំងពីរ និយាយរួម និងខេត្តជាប់ព្រំដែន ជាពិសេស ភាគីទាំងពីរបានឯកភាពសម្របសម្រួលយ៉ាងជិតស្និទ្ធ ដើម្បីបន្តអនុវត្តប្រកបដោយប្រសិទ្ធភាពនូវឯកសារច្បាប់ពាក់ព័ន្ធនឹងការងារព្រំដែនគោក សំដៅធានាជានិច្ចនូវព្រំដែនមិត្តភាព សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍន៍ប្រកបដោយចីរភាព។ ទន្ទឹមនឹងនោះ ភាគីទាំងពិរក៏ប្តេជ្ញារក្សាអត្រាកំណើននៃទំហំពាណិជ្ជកម្មទ្វេភាគី តាមរយៈការសម្របសម្រួលវិធានការសម្របសម្រួលពាណិជ្ជកម្ម ជាមួយវិធានការទប់ស្កាត់ និងគ្រប់គ្រងការរីករាលដាលនៃជំងឺកូវីដ-១៩ផងដែរ។

ទិដ្ឋភាពនៃកិច្ចប្រជុំនេះ

គួរបញ្ជាក់ថា កិច្ចប្រជុំពេញអង្គនេះ បានប្រព្រឹត្តទៅក្នុងបរិយាកាសដ៏ឧឡារិក ក្នុងស្មារតីនៃមិត្តភាពជាប្រពៃណី កិច្ចសហប្រតិបត្តិការនិងការយល់ដឹងគ្នាទៅវិញទៅមក។ នៅចុងបញ្ចប់នៃកិច្ចប្រជុំនេះ ភាគីទាំងពីរបានអនុម័តលើរបាយការណ៍រួម និងសេចក្តីថ្លែងការណ៍រួម។ កិច្ចប្រជុំលើកទី ១២ ស្តីពីកិច្ចសហប្រតិបត្តិការ និងអភិវឌ្ឍន៍បណ្តាខេត្តជាប់ព្រំដែនរវាងវៀតណាមនិងកម្ពុជា ត្រូវបានគេរំពឹងថានឹងប្រព្រឹត្តទៅនៅប្រទេសវៀតណាមក្នុងឆ្នាំ ២០២២៕

ហេង វុធ្ធី

Baonhandan