យុគសម័យ - នាព្រឹកថ្ងៃទី ២៧ ខែតុលា នៅទីក្រុងហាណូយ អនុរដ្ឋមន្ត្រីការបរទេសវៀតណាម លោក Nguyen Minh Vu និងលោក ងី ច័ន្រ្ទផល រដ្ឋលេខាធិការក្រសួងមហាផ្ទៃនៃព្រះរាជាណាចក្រកម្ពុជា បានធ្វើជាសហប្រធាននៃកិច្ចប្រជុំ SOM ដើម្បីរៀបចំសម្រាប់សម័យប្រជុំពេញអង្គនៃសន្និសីទកិច្ចសហប្រតិបត្តិការ និងអភិវឌ្ឍន៍ខេត្តជាប់ព្រំដែនវៀតណាម-កម្ពុជា លើកទី១១។
 កិច្ចពិគ្រោះយោបល់នយោបាយលើកទី៧ រវាងក្រសួងការបរទេសទាំងពីរវៀតណាម-កម្ពុជា។ |
 វៀតណាម-កម្ពុជាលើកកម្ពស់កិច្ចសហប្រតិបត្តិការក្នុងការបង្ការប្រយុទ្ធប្រឆាំងឧក្រិដ្ឋកម្ម |
 |
| ទិដ្ឋភាពកិច្ចប្រជុំតាមប្រព័ន្ធវីដេអូ |
គេរំពឹងថា សន្និសីទលើកទី ១១ ស្តីពីកិច្ចសហប្រតិបត្តិការ និងអភិវឌ្ឍន៍ខេត្តជាប់ព្រំដែនរវាងវៀតណាម និងកម្ពុជានឹងប្រព្រឹត្តទៅតាមទម្រង់អនឡាញ ក្រោមសហអធិបតីភាពលោក Pham Binh Minh ឧបនាយករដ្ឋមន្ត្រីប្រចាំការនៃរដ្ឋាភិបាលវៀតណាម និងសម្តេច ក្រឡាហោម លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា បានធ្វើឡើងនៅថ្ងៃទី២៨ ខែតុលា ឆ្នាំ២០២១។ ក្រៅពីនេះក៏មានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធជាច្រើនរូបទៀតនៃប្រទេសទាំងពីរ ក៏ដូចជាតំណាងខេត្តជាប់ព្រំដែន វៀតណាម និងកម្ពុជា និងឯកអគ្គរាជទូតកម្ពុជាប្រចាំនៅទីក្រុងហាណូយផងដែរ។
 |
| ទិដ្ឋភាពនៃកិច្ចប្រជុំនេះ |
កិច្ចប្រជុំបានប្រព្រឹត្តទៅយ៉ាងល្អក្នុងបរិយាកាសដ៏ឧឡារិក បន្ទាន់ និងវិជ្ជមាន ក្នុងស្មារតីមិត្តភាព កិច្ចសហប្រតិបត្តិការ និងការយល់ដឹងគ្នាទៅវិញទៅមក។ ភាគីទាំងពីរបានផ្លាស់ប្តូរយោបល់ និងឯកភាពគ្នាលើខ្លឹមសារសំខាន់ៗជាច្រើនក្នុងរបាយការណ៍ស្នូល និងសេចក្តីថ្លែងការណ៍រួម តាមរយៈនោះបានពិនិត្យលទ្ធផលនៃកិច្ចសហប្រតិបត្តិការដ៍ល្អប្រសើរចាប់តាំងពីសន្និសីទលើកទី ១០ (ថ្ងៃទី ១ ខែមករា ឆ្នាំ ២០១៩) រហូតមកដល់បច្ចុប្បន្នក្នុងវិស័យដូចជា ការអភិវឌ្ឍន៍សេដ្ឋកិច្ច និងសង្គម; ធ្វើឱ្យប្រសើរឡើងនូវជីវភាពរស់នៅនៃប្រជាជននៅតាមមូលដ្ឋានព្រំដែន។ ធានាសន្តិសុខ ស្ថិរភាព និងសណ្តាប់ធ្នាប់នៅទូទាំងព្រំដែនរវាងប្រទេសទាំងពីរ បង្កើតមូលដ្ឋានសំខាន់សម្រាប់នាំកិច្ចសហប្រតិបត្តិការរវាងមូលដ្ឋានឡើងដល់កម្ពស់ថ្មី រួមចំណែកអភិវឌ្ឍន៍ប្រទេសនីមួយៗ រឹតចំណងមិត្តភាពកាន់តែស៊ីជម្រៅ “ភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង”។
ប្រតិភូទាំងឡាយក៏បានពិភាក្សា និងផ្លាស់ប្តូរយោបល់យ៉ាងស៊ីជម្រៅ ហើយឈានដល់ការឯកភាពខ្ពស់លើទិសដៅ និងខ្លឹមសារកិច្ចសហប្រតិបត្តិការសំខាន់ៗនាពេលខាងមុខដោយបានសម្តែងការប្តេជ្ញាចិត្តក្នុងការពង្រីក និងលើកកំពស់ប្រសិទ្ធភាពនៃកិច្ចសហប្រតិបត្តិការរវាងតំបន់ព្រំដែនលើវិស័យផ្សេងៗ ដើម្បីទាញ យកសក្តានុពលរបស់ភាគីនីមួយៗ ពន្លឿនការអភិវឌ្ឍន៍សេដ្ឋកិច្ចសង្គម និងបំពេញសេចក្តីប្រាថ្នារបស់ប្រទេសទាំងពីរនិង តំបន់ព្រំដែន ដោយរួមចំណែកកសាងតំបន់ព្រំដែនសន្តិភាព ស្ថិរភាព និងការអភិវឌ្ឍន៍រីកចម្រើនសម្បូររុងរឿង៕
baoquocte/qdnd
មតិពីមិត្តអ្នកអាន