នាព្រឹកថ្ងៃទី ១៩ ខែតុលា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសពីការត្រៀមរៀបចំបើកប្រទេសឡើងវិញ បន្ទាប់ពីទទួលបានជោគជ័យក្នុងយុទ្ធនាការចាក់វ៉ាក់សាំងការពារជំងឺកូវីដ-១៩ នៅទូទាំងប្រទេស។
 ប្រទេសកម្ពុជាបាននិងកំពុងជំរុញអាជីវកម្មបរិយាប័ន្ន |
 វៀតណាមនឹងយកពន្ធ 0% លើទំនិញ ៣១ មុខដែលនាំចូលពី ប្រទេសកម្ពុជា |
នៅក្នុងសារសំលេងផ្ញើជូនប្រជាពលរដ្ឋកម្ពុជា នៅថ្ងៃទី១៩ តុលា សម្តេចតេជោ ហ៊ុន សែន បានមានប្រសាសន៍ថា ទោះជាក្នុងឱកាសបុណ្យភ្ជុំបិណ្ឌ ចាប់ពីថ្ងៃទី ៥ ដល់ថ្ងៃទី ៧ ខែតុលា មានមនុស្សជាច្រើនបានវិលត្រឡប់មកស្រុកកំណើតវិញដើម្បីជួបជុំក្រុមគ្រួសារ ឬទៅលេងតំបន់ទេសចរណ៍ក៏ដោយ ក៏ប៉ុន្តែនៅទូទាំងប្រទេសគ្មានតំបន់ផ្ទុះឡើងជំងឺកូវីដ-១៩ ទេ។ ចំនួននៃករណីឆ្លងថ្មី និងស្លាប់រហូតមកទល់បច្ចុប្បន្នវាសូម្បីតែតិចជាងបើប្រៀបធៀបទៅនឹងមុនថ្ងៃឈប់សម្រាកទៀត។ នេះគឺជាការបង្ហាញយ៉ាងច្បាស់ពីជោគជ័យរបស់កម្ពុជាក្នុងការត្រៀមរៀបចំបើកប្រទេសឡើងវិញ។
 |
| រូបថតឧទាហរណ៍ (vov.vn) |
ទោះយ៉ាងណា សម្តេចតេជោ ហ៊ុន សែន ក៏បានអំពាវនាវឱ្យប្រជាពលរដ្ឋបន្តអនុវត្តតាមបទប្បញ្ញត្តិស្តីពីការការពារការរីករាលដាលនៃជំងឺរាតត្បាត ហើយស្នើឱ្យក្រសួងសុខាភិបាលនាំវ៉ាក់សាំងទៅតំបន់ឆ្ងាយដាច់ស្រយាលដើម្បីចាក់វ៉ាក់សាំងជូនមនុស្សគ្រប់រូប។
សម្តេចតេជោ ហ៊ុន សែន បានមានប្រសាសន៍ថា ឥឡូវនេះគឺជាពេលវេលាដើម្បីសម្របខ្លួនទៅនឹងស្ថានភាពថ្មីនៅក្នុងបរិបទដែលជំងឺរាតត្បាតកូវីដ-១៩ កំពុងត្រូវបានគ្រប់គ្រងហើយនោះ។ ចាប់ពីថ្ងៃទី ១៨ ខែតុលា ប្រទេសកម្ពុជាបានកាត់បន្ថយពេលវេលាធ្វើចត្តាឡីស័កសម្រាប់អ្នកដែលបានចាក់វ៉ាក់សាំងគ្រប់គ្រាន់ ចុះត្រឹមតែពី ៣ ទៅ ៧ ថ្ងៃទេ។ វិស័យទេសចរណ៍នៅកម្ពុជាឥឡូវនេះក៏បានត្រៀមខ្លួនរួចជាស្រេចដើម្បីស្វាគមន៍ភ្ញៀវទេសចរបរទេសត្រឡប់មកវិញហើយដែរ៕
kh.qdnd.vn
មតិពីមិត្តអ្នកអាន