នាព្រឹកថ្ងៃទី ២៣ សីហា នៅអាកាសយានដ្ឋានអន្តរជាតិ Noi Bai ទីក្រុងហាណូយ លោកឧត្តមសេនីយ៍ឯក Hoang Xuan Chien អនុរដ្ឋមន្រ្តីក្រសួងការពារប្រទេសវៀតណាម និងជាសមាជិកនៃក្រុមការងារស្ដីពីការទូតវ៉ាក់សាំង របស់រដ្ឋាភិបាល និងលោក Xiong Bo ឯកអគ្គរដ្ឋទូតចិនប្រចាំវៀតណាមបានអញ្ជើញជាអធិបតីក្នុងពិធីប្រគល់វ៉ាកសាំង Vero Cell របស់ក្រុមហ៊ុន Sinopharm ចំនួន ២០០,០០០ ដូស និងម្ជុលចាក់ថ្នាំចំនួន ២០១,៦០០ របស់ក្រសួងការពារជាតិចិនជូនដល់ក្រសួងការពារប្រទេសវៀតណាម។
 វៀតណាមទទួលបន្ថែមវ៉ាក់សាំងការពារជំងឺកូវីដ ១៩ ជិត ៥០០.០០០ ដូស |
 ប្រទេសរុស្ស៊ីប្រគល់វ៉ាក់សាំង Sputnik V ការពារជំងឺ Covid-19 ចំនួន ១០០០ ដូស ជូនវៀតណាម |
 |
| លោកឧត្តមសេនីយ៍ឯក Hoang Xuan Chien និងលោក Xiong Bo និងប្រតិភូនៃភាគីទាំងពីរថតរូបជាមួយគ្នា |
ថ្លែងក្នុងពិធី លោក Xiong Bo បានឲ្យដឹងថា ដើម្បីចែករំលែក និងជួយគាំទ្រកងទ័ព និងប្រជាជនវៀតណាមឱ្យទទួលជោគជ័យក្នុងការទប់ទល់នឹងជំងឺ Covid-19 ក្រសួងការពារជាតិចិនសម្រេចចិត្តផ្ដល់វ៉ាក់សាំងដែលផលិតដោយប្រទេសចិនជូនក្រសួងការពារប្រទេសវៀតណាម។ លោកសង្កត់ធ្ងន់ថា នេះជាមនោសញ្ចេតនារបស់កងទ័ពចិននិយាយដោយឡែក និងរដ្ឋាភិបាលចិននិយាយរួម ជូនដល់កងទ័ព និងប្រជាជនវៀតណាម។
តាងនាមក្រសួងការពារប្រទេសវៀតណាម លោកឧត្តមសេនីយ៍ឯក Hoang Xuan Chien បានថ្លែងអំណរគុណចំពោះជំនួយនេះ ហើយបញ្ជាក់ថា នេះជាជំនួយដ៏មានអត្ថន័យ និងទាន់វេលាដែលកងទ័ពរំដោះប្រជាជនចិនជូនដល់កងទ័ពប្រជាជនវៀតណាមក្នុងបរិបទនៃជំងឺ Covid-19 មានភាពស្មុគស្មាញនៅវៀតណាម។
លោក Xiong Bo បានសង្កត់ធ្ងន់ថា កិច្ចសហប្រតិបត្តិការក្នុងការប្រយុទ្ធប្រឆាំងនឹងជំងឺរាតត្បាតគឺជាវិស័យមួយក្នុងចំណោមវិស័យសហប្រតិបត្តិការសំខាន់រវាងប្រទេសទាំងពីរវៀតណាម-ចិន និយាយរួម និងរវាងកងទ័ពនៃប្រទេសទាំងពីរនិយាយដោយឡែក។ នៅពេលខាងមុខនេះ រដ្ឋាភិបាលចិននឹងបន្តប្រគល់វ៉ាក់សាំងម្ដងទៀតដោយមានចំនួនច្រើនជាងជូនរដ្ឋាភិបាលវៀតណាម ព្រមទាំងជួយគាំទ្រសហគ្រាសនៃប្រទសទាំងពីរសហប្រតិបត្តិការក្នុងការផ្ទេរបច្ចេកវិទ្យាផលិតវ៉ាក់សាំងការពារជំងឺ Covid-19៕
មតិពីមិត្តអ្នកអាន