នៅយប់ថ្ងៃទី ២០ ខែសីហា ពីទីក្រុងហាណូយ លោកនាយករដ្ឋមន្រ្តី Pham Minh Chinh បានអញ្ជើញជួបសន្ទនាតាមទូរស័ព្ទជាមួយប្រធាននិងជានាយកប្រតិបត្តិនៃសម្ព័ន្ធក្រុមហ៊ុនឱសថអាមេរិក Pfizer គឺលោក Albert Bourla។
 រដ្ឋាភិបាលវៀតណាមយល់ព្រមទិញវ៉ាក់សាំង Pfizer ចំនួនជិត ២០ លានដូសបន្ថែមទៀត |
 Pfizer នឹងផ្តល់វ៉ាក់សាំងកូវីដ-១៩ ចំនួន ២០ លានដូសដល់កុមារវៀតណាម |
 |
| នាយករដ្ឋមន្រ្តីលោក Pham Minh Chinh ជួបសន្ទនាតាមទូរស័ព្ទជាមួយប្រធាននិងជានាយកប្រតិបត្តិក្រុមហ៊ុន Pfizer គឺលោក Albert Bourla (រូបថត៖ vnanet.vn) |
មុននេះ នៅថ្ងៃទី ៩ ខែសីហា នាយករដ្ឋមន្រ្តី លោក Pham Minh Chinh បានផ្ញើសារលិខិតមួយច្បាប់ទៅកាន់លោក Albert Bourla អំពីកិច្ចសហប្រតិបត្តិការវ៉ាក់សាំង។
តាមរយៈជំនួបសន្ទនានេះ លោកនាយករដ្ឋមន្រ្តី Pham Minh Chinh បានកោតសរសើរយ៉ាងខ្លាំងចំពោះតួនាទីនិងការរួមចំណែករបស់សម្ព័ន្ធក្រុមហ៊ុន Pfizer ក្នុងវិស័យថែទាំសុខភាពសកលលោក ជាពិសេសក្នុងសង្គ្រាមប្រឆាំងនឹងការរីករាលដាលនៃជំងឺកូវីដ-១៩ នាពេលបច្ចុប្បន្ននេះ តាមរយៈការផលិតប្រកបដោយជោគជ័យវ៉ាក់សាំង Pfizer/BioNTech។ លោកនាយករដ្ឋមន្រ្តីក៏បានថ្លែងអំណរគុណចំពោះសម្ព័ន្ធក្រុមដែលបានរួមចំណែកជាក់ស្តែងក្នុងដំណើរការអភិវឌ្ឍន៍ផ្នែកសុខាភិបាលនៅវៀតណាម ក៏ដូចជាសម្រាប់កិច្ចសហប្រតិបត្តិការយ៉ាងសកម្មរបស់ខ្លួនក្នុងការផ្តល់វ៉ាក់សាំងដល់វៀតណាមក្រោមកិច្ចសន្យារវាង Pfizer ជាមួយរដ្ឋាភិបាលវៀតណាមសម្រាប់ការផ្គត់ផ្គង់វ៉ាក់សាំងចំនួន ៣១ លានដូស។
ប្រធាននិងជានាយកប្រតិបត្តិការ Pfizer លោក Albert Bourla បានបញ្ជាក់ថាសម្ព័ន្ធក្រុមហ៊ុនក៏ដូចជារូបលោកផ្ទាល់ ទទួលស្គាល់និងកោតសរសើរចំពោះកិច្ចខិតខំប្រឹងប្រែងរបស់រដ្ឋាភិបាលវៀតណាមក្នុងការឆ្លើយតបទៅនឹងជំងឺរាតត្បាត ហើយជឿជាក់ថា វៀតណាមនឹងគ្រប់គ្រងជំងឺនេះបានយ៉ាងឆាប់ៗ។ ចំពោះមុខសំណើរបស់លោកនាយករដ្ឋមន្រ្តីវៀតណាម លោក Albert Bourla បានសន្យាថា នឹងខិតខំប្រឹងប្រែងពន្លឿនការផ្តល់វ៉ាក់សាំងដល់វៀតណាមនៅខែសីហា ខែកញ្ញា និងត្រីមាសទី ៤ នៃឆ្នាំ ២០២១នេះ ក៏ដូចជា ត្រៀមខ្លួនជួយគាំទ្រវៀតណាមដើម្បីទទួលការផ្ទេរនិងទម្រង់នៃការផ្ទេរវ៉ាក់សាំងពីប្រទេសផ្សេងទៀត ព្រមទាំង គាំទ្រយ៉ាងសកម្មដល់រដ្ឋាភិបាលអាមេរិកក្នុងការជួយឧបត្ថម្ភវៀតណាមលើវ៉ាក់សាំង។ លោក Albert Bourla បានបញ្ជាក់ពីការត្រៀមខ្លួនសម្រាប់កិច្ចសហប្រតិបត្តិការក្នុងរយៈពេលវែងនិងជាយុទ្ធសាស្ត្រជាមួយវៀតណាម តាមសំណើរបស់លោកនាយករដ្ឋមន្ត្រី Pham Minh Chinh ផងដែរ៕
kh.qdnd.vn/VOV
មតិពីមិត្តអ្នកអាន