យុគសម័យ - សិក្ខាសាលាអន្តរជាតិស្តីពីការបង្រៀននិងរៀនភាសាវៀតណាមនៅឯបទេសបានក្លាយជាបុព្វហេតុសម្រាប់ការបង្កើតវេទិកាអន្តរជាតិ “ អភិរក្សភាសាវៀតណាមនៅឯបរទេស” ។
 ជនជាតិវៀតណាមនៅអាមេរិកបោះពុម្ពនិងចេញផ្សាយសៀវភៅចំនួនពីរក្បាលជាភាសាវៀតណាម - អង់គ្លេសសម្រាប់កុមារ |
 ការបង្រៀនភាសាវៀតណាមលើទឹកដីព្រះរាជាណាចក្រកម្ពុជា |
 |
| ថ្នាក់រៀនភាសាវៀតណាមមួយនៅឯបរទេស។ |
នៅថ្ងៃទី ២៧ ខែមិថុនា ឆ្នាំ ២០២១ សាលាភាសាវៀតណាម Lac Long Quan និងសមាគមជនជាតិវៀតណាមនៅប្រទេសប៉ូឡូញបានរៀបចំសិក្ខាសាលាអន្តរជាតិ លើកដំបូង តាមអ៊ីនធើ ដែលមានចំណងជើងថា“ ការបង្រៀននិងរៀនភាសាវៀតណាមនៅឯបរទេស” ដោយមានការចូលរួមពីលោកគ្រូ អ្នកគ្រូជនជាតិវៀតណាមជាង ១១០ នាក់ អ្នកជំនាញភាសា អ្នកសារព័ត៌មាន ... មកពី ២៦ ប្រទេសនៅអាស៊ី អឺរ៉ុប អូស្ត្រាលីនិងអាមេរិក។
បន្ទាប់ពីសិក្ខាសាលានេះ សំណើជាច្រើនបានបញ្ជូនទៅកាន់គណៈកម្មាធិការរៀបចំសិក្ខាសាលា ដោយសង្ឃឹមថា សកម្មភាពតភ្ជាប់អន្តរជាតិនេះនឹងបន្តរក្សាជាប្រចាំ។ នេះក៏ជាមូលដ្ឋានសម្រាប់ការបង្កើតវេទិកា ដើម្បីអភិរក្សភាសាវៀតណាមនៅឯបរទេសផងដែរ។
វេទិកា“ អភិរក្សភាសាវៀតណាមនៅឯបរទេស” ទើបតែបានបង្កើតជាផ្លូវការ ដោយមានឈ្មោះជាភាសាអង់គ្លេសគឺវេទិកា International Forum on Preserving Vietnamese Language Abroad (PVLA) នេះនឹងក្លាយជាអង្គការសង្គមស៊ីវិលដែលមិនរកប្រាក់ចំណេញ និងប្រតិបត្តិការដោយឯករាជ្យ ក្នុងវិស័យវប្បធម៌និងការអប់រំ ដែលឈើលើគោលការណ៍ស្ម័គ្រចិត្តទាំងស្រុង ប្រជាធិបតេយ្យ ដោយផ្អែកលើគោលបំណងនិងបទបញ្ញាតិ្តដែលបានព្រមព្រៀងគ្នា។
ការបង្កើតវេទិកា “ អភិរក្សភាសាវៀតណាមនៅឯបរទេស” តាមការស្នើនិងបំណងប្រាថ្នារបស់ប្រជាជនវៀតណាមជាច្រើននាក់ដែលបង្ហាញពីតម្រូវការកាន់តែកើនឡើងនៃសហគមន៍ជនជាតិវៀតណាមនៅឯបរទេស។ មុខសញ្ញាសំខាន់ៗនៃវេទិកានេះគឺជំនាន់កូនចៅជនជាតិវៀតណាមរស់នៅបរទេស។
វេទិកា “ អភិរក្សភាសាវៀតណាមនៅឯបរទេស” មានគោលបំណងថា ក្លាយជាកន្លែងសម្រាប់ការតភ្ជាប់មនុស្សដែលចាប់អារម្មណ៍ក្នុងការបង្រៀននិងរៀនភាសាវៀតណាម គឺជាកន្លែងផ្លាស់ប្តូរបទពិសោធន៍របស់លោកគ្រូនិងអ្នកគ្រូ អ្នកជំនាញភាសាអន្តរជាតិស្តីពីការបង្រៀនភាសាវៀតណាមនិងវប្បធម៌វៀតណាម នៅឯបរទេស គឺជាកន្លែងពង្រឹងភាពវៃឆ្លាត ចំណេះដឹងនិងការជក់ចិត្តរបស់អ្នកដែលធ្វើការក្នុងវិស័យអប់រំ - ភាសា - វប្បធម៌។
សកម្មភាពសំខាន់ៗនៃវេទិកានេះគឺការរៀបចំសិក្ខាសាលា ការពិភាក្សា ការផ្លាស់ប្តូរដែលទាក់ទងនឹងការអភិរក្សភាសាវៀតណាមនៅឯបរទេស ការបណ្តុះបណ្តាលអង្គការដែលបង្រៀនភាសាវៀតណាមនិងអ្នកជំនាញភាសាអាជីព។
គណៈប្រតិបត្តិប្រឹក្សាវេទិកា “ អភិរក្សភាសាវៀតណាមនៅឯបរទេស” មានសមាជិក ១៥ នាក់ (អាណត្តិ ២ ឆ្នាំ) នឹងដាក់ចេញទិសដៅប្រតិបត្តិការនិងផែនការសម្រាប់រៀបចំសកម្មភាពរបស់វេទិកា។
វេទិកានេះមានអនុគណៈកម្មការចំនួន ៥៖ អនុគណៈកម្មការអក្សរសិល្ប៍និងកម្មវិធីបង្រៀន; អនុគណៈកម្មការវិធីសាស្រ្តនិងបទពិសោធន៍បង្រៀន; អនុគណៈកម្មការអនុវត្តបច្ចេកវិទ្យាក្នុងការបង្រៀននិងរៀនភាសាវៀតណាម អនុគណៈកម្មការវប្បធម៌និងផ្សព្វផ្សាយ; អនុគណៈកម្មការស្វែងយល់អំពីស្ថានភាពនៃការបង្រៀននិងរៀនភាសាវៀតណាមនៅប្រទេសដទៃទៀត៕
thoidai.com.vn
មតិពីមិត្តអ្នកអាន