យុគសម័យ - នារសៀលថ្ងៃទី ១៩ ខែកក្កដា លោក Dang Duc Anh នាយកវិទ្យាស្ថានអានាម័យនិងរោគរាតត្បាតមជ្ឈិម ប្រធានគណៈកម្មាធិការប្រតិបត្តិគម្រោងពង្រីកការចាក់វ៉ាក់សាំងទូទាំងប្រទេសបាននិយាយឲ្យដឹងថា ក្នុងសប្តាហ៍នេះ ប្រទេសវៀតណាមនឹងទទួលបានវ៉ាក់សាំងកូវីដ ១៩ Moderna ចំនួន ៣ លានដូសបន្ថែមទៀត ដែលជាជំនួយរបស់រដ្ឋាភិបាលសហរដ្ឋអាមេរិក ក្នុងក្របខណ្ឌយន្តការ Covax facility។
រដ្ឋភិបាលចិនប្រកាសនឹងបន្តផ្តល់ជំនួយឥតសំណងជាវ៉ាក់សាំងកូវីដ ១៩ បន្ថែមទៀតដល់ប្រទេសកម្ពុជា |
និស្សិតវៀតណាមនៅប្រទេសកម្ពុជាបានចាក់វ៉ាក់សាំងកូវីដ ១៩ |
វ៉ាក់សាំងបង្ការកូវីដ ១៩ ចំនួន ២ លានដូស បានមកដល់អាកាសយានដ្ឋានអន្តរជាតិ Noi Bai (Ha Noi) នាព្រឹកថ្ងៃ ១០ ខែកក្កដា ។ (រូបថត៖ VNA) |
ក្រៅពីនោះ នៅពេលខាងមុខឆាប់ៗនេះ ប្រទេសវៀតណាមនឹងទទួលបានវ៉ាក់សាំងកូវីដ ១៩ ចំនួន ១០០.០០០ ដូសពីរដ្ឋាភិបាលរូម៉ានី។ ទន្ទឺមនឹងនេះ វៀតណាមកំពុងស្នើរដ្ឋាភិបាលចិនផ្តល់វ៉ាក់សាំង Sinopharm ចំនួន ៥ លានដូសដែលជាជំនួយឥតសំណង។
នាថ្ងៃដដៃ ក្រសួងសុខាភិបាលបានឲ្យដឹងថា ក្រុមហ៊ុន Pfizer បានយល់ព្រមនូវការបង្កើនបរិមាណវ៉ាក់សាំងជូនដល់ប្រទេសវៀតណាម ក្នុងឆមាសទី ៣ ចាប់ពី ៣ លានដូស ឡើងដល់ ៣,៥ លានដូស ហើយយល់ព្រមលក់ជូន ២០ លានដូសបន្ថែមទៀត ក្នុងឆ្នាំ២០២១ ដែលបង្កើនបរិមាណវ៉ាក់សាំង Pfizer នឹងលក់ឲ្យវៀតណាមចំនួន ៥០ លានដូស ដែលកើនឡើង ២០ លានដូស បើប្រៀបធៀបនឹងផែនការ។
តាមការគ្រោងទុក ក្នុងឆ្នាំ២០២១ និងដើមឆ្នាំ២០២២ វៀតណាមមានវ៉ាក់សាំងបង្ការជំងឺកូវីដចំនួន ១៧៥ ដូស។
រហូតដល់បច្ចុប្បន្ននេះ វៀតណាមបានចាក់វ៉ាក់សាំងបង្ករជំងឺកូវីដ ១៩ ចំនួន ៤,៣លាន ដូសរួចហើយ៕
TTXVN
មតិពីមិត្តអ្នកអាន