យុគសម័យ - កម្មវិធី “ផ្សារទំនើបមានតំល្លៃ ០ ដុង” នឹងជួយឧបត្ថម្ភនិស្សិតជួបការលំបាកចំនួន ៥.៥០០ នាក់ដែលកំពុងស្នាក់នៅបណ្តោះអាសន្ន នៅអន្តេវាសិកដ្ឋានចំនួន ៣៧ កន្លែង ក្នុងទីក្រុង Ho Chi Minh។ ក្នុងចំណោមនោះនិស្សិតមកពីប្រទេសឡាវនិងកម្ពុជាមិនអាចវិលត្រឡប់ទៅផ្ទះវិញបានទេ ដោយសារផលប៉ះពាល់នៃការឆ្លងរាលដាលនៃជំងឺ Covid-19 ។
 និស្សិតកម្ពុជា ៤៩៥ នាក់បញ្ជប់ការចត្តាឡីស័កដោយជោគជ័យ និងបន្តការសិក្សានៅក្នុងវៀតណាម |
 និស្សិតកម្ពុជា នៅប្រទេសអារ៉ាប់ប៊ីសាអូឌីត ចំនួន ៨០នាក់ វិលត្រឡប់មកមាតុភូមិវិញ ដោយឆ្លងកាត់ប្រទេសម៉ាឡេស៊ី |
 |
| តំណាងអ្នកឧបត្ថម្ភបានប្រគល់ប័ណ្ណនិមិត្តរូបបើកឲ្យដំណើរការ“ ផ្សារទំនើបតម្លៃ ០ ដុង” ។ |
កម្មវិធីនេះត្រូវបានរៀបចំឡើងដោយសម្ព័ន្ធយុវជន - សមាគមនិស្សិតវៀតណាមនៃទីក្រុង Ho Chi Minh សហការជាមួយមន្ទីរឧស្សាហកម្មនិងពាណិជ្ជកម្ម ក្រុមហ៊ុនអលង្ការពេជ្រ Phu Nhuan (PNJ) សមាគមសហគ្រាសវៀតណាមដែលផលិតផលិតផលមានគុណភាពខ្ពស់សមាគមសហគ្រិនវ័យក្មេងនៅទីក្រុង Ho Chi Minh និងសមាគមសហគ្រិនស្ត្រីទីក្រុង Ho Chi Minhដែលបានអនុវត្ត ចាប់ពីថ្ងៃទី ១៣ ដល់ថ្ងៃទី ១៧ ខែកក្កដា។
“ ផ្សារទំនើបមានតំលៃ ០ ដុង” គឺជាសកម្មភាពមួយនៅក្នុងកម្មវិធី“ វង់ដៃវៀតណាម” ដើម្បីទ្រទ្រង់និស្សិតដែលកំពុងជួបការលំបាក ដោយសារជំងឺរាតត្បាត COVID- 19 នៅអន្តោវាសិកដ្ឋាន នៅទីក្រុង Ho Chi Minh ដោយស្មារតី“ មិនទុកឲ្យនរណាម្នាក់ត្រូវបោះចោលនៅខាងក្រោយឡើយ "។
ទម្រង់“ ផ្សារទំនើបមានតំលៃ ០ ដុង” រហូតមកដល់ពេលនេះបានរៀបចំ នៅទីតាំងជាង ១០ កន្លែង នៅទីក្រុង Ho Chi Minh ហើយនឹងបន្តបើកបណ្តាផ្សារទំនើបថែមទៀត នាពេលខាងមុខនេះ។
គេដឹងថា សមាគមនិស្សិតវៀតណាមនៅទីក្រុង Ho Chi Minh បានសម្របសម្រួលជាមួយគណៈគ្រប់គ្រងអន្តេវាសិកដ្ឋាន សម្ព័ន្ធយុវជននិងសមាគមនិស្សិតនៃបណ្តាសាលា ដើម្បីធ្វើការស្ទាបស្ទង់និងធ្វើស្ថិតិអំពីចំនួននិស្សិតដែលស្នាក់នៅក្នុងអន្តេវាសិកដ្ឋាន។ អាស្រ័យហេតុនេះ កម្មវិធីនេះគាំទ្រដល់និស្សិតជួបការលំបាកចំនួន ៥.៥០០ នាក់ដែលកំពុងស្នាក់នៅបណ្ដោះអាសន្ននៅអន្តេវាសិកដ្ឋាន ៣៧ កន្លែងក្នុងទីក្រុង Ho Chi Minh។ ក្នុងចំណោមនោះ មាននិស្សិតមកពីប្រទេសឡាវនិងកម្ពុជាមិនអាចវិលត្រឡប់ទៅផ្ទះវិញបានដោយសារផលប៉ះពាល់នៃការឆ្លងរាលដាលនៃជំងឺ Covid-19 ។
 |
| បច្ចុប្បន្ននេះ ផ្សារទំនើបនេះបានរៀបចំ នៅអគារវប្បធម៌យុវជនដែលមានទំនិញចាំបាច់ប្រចាំថ្ងៃ គ្រឿងឧបភោគបរិភោគ បន្លែ ផ្លែឈើស្រស់ដែលមានតំលៃសរុបជាង ១៦ ពាន់លានដុង។ |
ដើម្បីធានាបាននូវការរក្សាគម្លាតសង្គម នៅពេលដែលស្ថានភាពរីករាលដាលនៃជំងឺ Covid-19 នៅទីក្រុង Ho Chi Minh នៅតែមានភាពស្មុគស្មាញ និស្សិតម្នាក់ៗនឹងទទួលបានលេខកូដទិញទំនិញដែលមានតម្លៃ ៣០០,០០០ ដុង តាមរយៈសារ SMS ដើម្បីទិញតាមអ៊ីនធើណិតនៅលើគេហទំព័រ https: // sieuthimini0dong.com បន្ទាប់ពីប្រព័ន្ធទទួលបានការបញ្ជាទិញ ហើយនឹងបញ្ជូនទៅអ្នកស្ម័គ្រចិត្ត ដើម្បីរៀបចំទំនិញនិងវេចខ្ចប់ ហើយប្រគល់ជូនអ្នកទិញ៕
thoidai.com.vn
មតិពីមិត្តអ្នកអាន