នាយប់ថ្ងៃទី ១៣ ខែកក្កដានេះ នៅឯទីក្រុងហាណូយ គណៈកម្មាធិការអូឡាំពិកវៀតណាមបានរៀបចំពិធីជូនដំណើរក្រុមកីឡាវៀតណាមទៅចូលរួមប្រកួតកីឡាអូឡាំពិកលើកទី ៣២ ដែលប្រព្រឹត្តទៅនៅទីក្រុងតូក្យូប្រទេសជប៉ុន ចាប់ពីថ្ងៃទី ២៣ ខែកក្កដាដល់ថ្ងៃទី ៨ ខែសីហា ឆ្នាំ ២០២១។
 ប្រទេសវៀតណាមមានធនធានហិរញ្ញវត្ថុគ្រប់គ្រាន់ដើម្បីចាក់វ៉ាក់សាំងបង្ការជំងឺកូវីដ-១៩ជូនប្រជាជនទាំងមូល |
 កោះភូគុក (Phu Quoc) គំរូសាកល្បងទទួលស្វាគមន៍ភ្ញៀវអន្តរជាតិចាប់ពីខែតុលាឆ្នាំ ២០២១ |
 |
| ពិធីចេញដំណើររបស់ប្រតិភូកីឡាវៀតណាមដើម្បីចូលរួមការប្រកួតកីឡាអូឡាំពិកទីក្រុងតូក្យូ (រូបថតៈ hanoimoi.com.vn) |
អញ្ជើញចូលរួមពិធីចេញដំណើរ ឧបនាយករដ្ឋមន្ត្រីលោក Pham Binh Minh បានជឿជាក់ថា ដោយមានការត្រៀមរៀបចំយ៉ាងម៉ត់ចត់ ដោយស្មារតីប្តេជ្ញាចិត្តនិងការខិតខំប្រឹងប្រែងរបស់កីឡាករម្នាក់ៗ គណៈប្រតិ ភូកីឡាវៀតណាមនឹងទទួលបានលទ្ធផលល្អបំផុតក្នុងព្រឹត្តិការណ៍អូឡាំពិកទីក្រុង តូក្យូឆ្នាំ ២០២០ ជាក់ជាពុំខាន។
“អូឡាំពិកគឺជាសង្វៀនកីឡាដ៏ខ្លាំងមួយ ដែលជាកន្លែងប្រមូលផ្តុំកីឡាជាច្រើនដែលភាគច្រើនជាអត្តពលិកកីឡាកំពូលៗ នៅលើពិភពលោក។ ដូច្នេះ ខ្ញុំសូមជូនពរដល់កម្មាភិបាល គ្រូបង្វឹកនិងអត្តពលិកនៃប្រតិភូកីឡាវៀតណាមទាំងអស់ ត្រូវយល់ដឹងឱ្យបានពេញលេញនូវទំនួលខុសត្រូវក៏ដូចជាកិត្តិយសដែលមាតុភូមិប្រគល់ជូន ដើម្បីខិតខំប្រកួតប្រជែងជាមួយនឹងការប្តេជ្ញាចិត្តខ្ពស់បំផុត។ សមាជិកនៃប្រតិភូកីឡាវៀតណាមទាំងអស់ត្រូវតែជាអ្នកផ្ញើសារដែលមានសុឆន្ទៈ និងស្មោះត្រង់ដើម្បីផ្សព្វផ្សាយប្រពៃណីវប្បធម៌ល្អ រូបភាពសន្តិភាពរបស់វៀតណាមតាមរយៈសង្វៀនអូឡាំពិកនេះ”។ នេះបើយោងតាមប្រសាសន៍របស់ឧបនា យករដ្ឋមន្ត្រី លោក Pham Binh Minh។
ប្រតិភូកីឡាវៀតណាមបានចូលរួមព្រឹត្តិការណ៍អូឡាំពិកឆ្នាំ ២០២០ នៅទីក្រុងតូក្យូប្រទេសជប៉ុនដែលមានសមាជិកចំនួន ៤៣ នាក់ ក្នុងនោះមានអត្តពលិកចំនួន ១៨ រូបចូលរួមប្រកួតប្រជែង លើវិញ្ញាណសារចំនួន ១១ មុខ៕
VOV
មតិពីមិត្តអ្នកអាន