នាថ្ងៃទី ៨ ខែកក្កដា យោងតាមសេចក្តីប្រកាសជាផ្លូវការរបស់គណៈកម្មការរៀបចំនៃពានរង្វាន់ បច្ចេកវិទ្យាព័ត៌មានពិភពលោក - IT World Awards 2021 បានឲ្យដឹងថា Viettel គឺជាសហគ្រាស វៀតណាមដែលបានឈ្នះពានរង្វាន់ច្រើនជាងគេក្នុងព្រឹត្តិការណ៍ IT World Awards 2021 ដោយមានផលិតផល និងសេវាកម្មទាំង ១២ បានឈ្នះពានរង្វាន់ ពោលគឺបានកើនឡើងចំនួន ៣០% បើប្រៀបធៀបទៅនឹងឆ្នាំមុន។
 InnoCity 2021 - វេទិកានៃគំនិតផ្តួចផ្តើមរបស់យុវវ័យវៀតណាមទូទាំងអឺរ៉ុប |
 ក្រុមហ៊ុន VIETTEL CAMBODIA PTE ឧបត្ថម្ភថវិកា ១០ម៉ឺនដុល្លារអាមេរិក ជូនកាកបាទក្រហមកម្ពុជា |
នេះជាឆ្នាំទី ២ ហើយ ដែលផលិតផល និងសេវាកម្មទាំងអស់របស់ Viettel ដែលចូលរួមព្រឹត្តិការណ៍ IT World Awards សុទ្ធតែបានឈ្នះពានរង្វាន់។
 |
| Viettel គឺជាសហគ្រាសវៀតណាមដែលបានឈ្នះពានរង្វាន់ច្រើនជាងគេនៅក្នុងព្រឹត្តិការណ៍ IT World Awards 2021 |
ផលិតផលរបស់ Viettel ដែលត្រូវបានគណៈកម្មការរៀបចំជ្រើសរើស និងប្រគល់ពានរង្វាន់គឺសុទ្ធតែជាផលិតផលស្ថិតនៅក្នុងវិស័យយុទ្ធសាស្រ្តដែលបានផ្តល់អាទិភាពដោយរដ្ឋាភិបាលវៀតណាមក្នុងការផ្លាស់ប្តូរឌីជីថលរួមមាន៖ វិស័យសុខាភិបាល ហិរញ្ញវត្ថុ សន្តិសុខតាមអ៊ីនធឺណិត។ ផលិតផលទាំងនេះបានពង្រីកប្រសិទ្ធភាពក្នុងការអនុវត្ត និងបង្កើតកេរ្តិ៍ឈ្មោះរបស់ Viettel ទាំងក្នុង និងក្រៅប្រទេស។ ជាពិសេសគឺផលិតផល និងសេវាកម្មនានាដូចជា៖ ប្រព័ន្ធពិនិត្យ និងព្យាបាលពីចម្ងាយ Telehealth; កម្មវិធី Viettel Cloud; ប្រព័ន្ធគ្រប់គ្រងប្រាក់ចំណូល និងអតិថិជន; និងសេវាធនាគារឌីជីថល Viettel Pay ជាដើម។
រហូតមកទល់បច្ចុប្បន្ននេះ Viettel គឺជាសហគ្រាសវៀតណាមដែលទទួលបានជោគជ័យបំផុតនៅក្នុងព្រឹត្តិការណ៍ IT World Awards ដោយមានផលិតផល និងសេវាកម្មចំនួន ៣៥ បានឈ្នះពានរង្វាន់៕
kh.qdnd.vn
មតិពីមិត្តអ្នកអាន