ភ្ញៀវទេសចអន្តរជាតិ ធ្វើដំណើរចូលមក កម្ពុជាបានធ្លាក់ចុះ

ក្រសួង​ទេសចរណ៍ លើកលែង​ការបង់​កម្រៃ​បន្ត​អាជ្ញាប័ណ្ណ​ទេសចរណ៍​ក្នុង​ឆ្នាំ​ ២០២១

ជប៉ុន ​ជួយ​ផ្សាយ​ពី​ទេសចរណ៍​កម្ពុជា ​និង​ជំរុញ​ការ​ហោះហើរ​ត្រង់ កម្ពុជា-ជប៉ុន​

រូបថតឧទាហរណ៍។ (រូបថត៖ dap.com.khmer)

ផែនការបើកដំណើរការទទួលភ្ញៀវទេសចរអន្តរជាតិឡើងវិញនេះ គឺក្នុងជំហានដំបូង ក្រសួងទេសចរណ៍នឹងពិភាក្សាជា​មួយក្រសួងសុខាភិបាលកម្ពុជាអំពីលក្ខខណ្ឌឱ្យប្រាកដថា តើត្រូវតម្រូវឲ្យភ្ញៀវទេសចរអន្តរជាតិដែលបានចាក់វ៉ាក់សាំ​ងបង្ការជំងឺកូវីដ១៩រួចរាល់ហើយចូលមកប្រទេសកម្ពុជា ត្រូវធ្វើចត្តាឡីស័កក្នុងកម្រិតណា ឬមិនចាំបាច់ធ្វើចត្តាឡីស័ក។ ស្របពេលគ្នានេះ ក្រសួងទេសចរណ៍ក៏នឹងធ្វើការជាមួយអាជ្ញាធរ និងគណៈកម្មការចំពោះកិច្ចចាក់វ៉ាក់សាំងផងដែរ ដើម្បីជំរុញការចាក់វ៉ាក់សាំងដល់ប្រជាពលរដ្ឋ និងអ្នកផ្តល់សេវាកម្មទេសចរណ៍នៅតាមគោលដៅនានាក្នុងការធានាសុវត្ថិភាព និងទំនុកចិត្តដល់ភ្ញៀវទេសចរអន្តរជាតិ។

ជាការកត់សម្គាល់ គម្រោងរបស់កម្ពុជាក្នុងការបើកទទួលភ្ញៀវទេសចរអន្តរជាតិដែលបានចាក់វ៉ាក់សាំងបង្ការជំងឺកូវីដ១៩នេះ គឺធ្វើឡើងឡើង បន្ទាប់ពីប្រទេសជិតខាងកម្ពុជាដូចជាប្រទេសថៃជាអាទិ៍ក៏ធ្លាប់បានសិក្សា និងគ្រោងធ្វើបែបនេះផងដែរ ដើម្បីសង្គ្រោះសេដ្ឋកិច្ច ជាពិសេស សង្រ្កោះវិស័យទេសចរណ៍របស់ខ្លួនដែលរងគ្រោះព្រោះកូវីដ១៩នេះ។សម្រាប់កម្ពុជា វិបត្តិជំងឺកូវីដ១៩នេះ បានទាញវិស័យទេសចរណ៍ឱ្យដាំក្បាលចុះតែម្តង។

ផ្អែកតាមរបាយការណ៍របស់ នាយកដ្ឋានស្ថិតិទេសចរណ៍ បានបញ្ជាក់ថា រយៈពេល៥ខែ ឆ្នាំ២០២១ (មករា-ឧសភា) ភ្ញៀវទេសចរអន្តរជាតិ ចំនួន៩១,៥៩៦ នាក់ ធ្វើដំណើរចូលមកប្រទេសកម្ពុជា។

ភ្ញៀវអន្ដរជាតិ ជាង៩ម៉ឺននាក់ នោះ ភាគច្រើន ជាអ្នកជំនួញ និងអ្នកវិនិយោគ ជាដើម។

របាយការណ៍ដដែលរៀបរាប់ថា «ក្នុងរយៈពេលប្រាំខែ នៃឆ្នាំ២០២១ (ខែមករា-ខែឧសភា) ភ្ញៀវទេសចរអន្តរជាតិ ដែលបានធ្វើដំណើរចូលមកកាន់ប្រទេសកម្ពុជា មានចំនួនសរុប ៩១,៥៩៦ នាក់ ធ្លាក់ចុះ ៩២.២ ភាគរយ បើធៀបក្នុងរយៈពេល ដូចគ្នានៅឆ្នាំ២០២០»។

សូមរំលឹកថា នៅឆ្នាំ២០២០ ភ្ញៀវទេសចរអន្តរជាតិ ដែលបានធ្វើដំណើរចូលមកកាន់ ប្រទេសកម្ពុជា មានចំនួន សរុប ១,៣៦,១៤៣ នាក់ ធ្លាក់ចុះ ៨០.២ បើធៀបនឹងឆ្នាំ២០១៩៕