ផ្លែគូលែនវៀតណាមមានរសជាតិផ្អែមនិងឆ្ងាញ់ គ្រាប់តូចនិងសាច់ស្រួយ ដូច្នេះប្រភេទផ្លែនេះទទួលការចូលចិត្តពីភ្ញៀវបរទេសជាច្រើនលើពិភពលោកនេះ។ មកដល់រដូវប្រមូលផ្លែគូលែន កសិករបានធ្វើការប្រញាប់ប្រញាល់ ដើម្បីនាំចេញផ្លែនេះ។
 ការនាំចេញផ្លែឈើនិងបន្លែកើនឡើងយ៉ាងខ្លាំងនៅទីផ្សារធំៗជាច្រើន |
 ទីផ្សារកម្ពុជាពេញចិត្តចំពោះបន្លែនិងផ្លែឈើរបស់វៀតណាម |
 |
| រូបថតឧទាហរណ៍ (vnanet.vn) |
កាលពីថ្ងៃទី ៥ ខែមិថុនា ក្រុមហ៊ុនភាគហ៊ុន Ameii វៀតណាម បាននាំចេញផ្លែគូលែនចំនួន ១០ តោនទៅកាន់ប្រទេសថៃ តាមផ្លូវសមុទ្រ។
នេះជាលើកដំបូងបង្អស់ដែលផ្លែគូលែននៃខេត្ត Hai Duong ត្រូវបាននាំចេញទៅប្រទេសថៃ។ តាមការគ្រោងទុក រៀងរាល់សប្តាហ៍ ក្រុមហ៊ុនភាគហ៊ុន Ameii វៀតណាម នឹងនាំចេញផ្លែគូលែនប្រមាណ ២០ តោនដើម្បីផ្គត់ផ្គង់ដល់ផ្សារទំនើប និងហាងនានានៅប្រទេសថៃ។
យោងតាមមន្ទីរកសិកម្ម និងអភិវឌ្ឍន៍ជនបទខេត្ត Hai Duong បានឱ្យដឹងថា គិតត្រឹមថ្ងៃទី៣១ ខែឧសភា ខេត្តបានប្រមូលផល និងលក់បានប្រមាណ ២៩,០០០ តោន។ ក្នុងចំណោមនោះ ផ្លែគូលែនប្រហែល ១៥,០០០ តោន ត្រូវបាននាំចេញទៅប្រទេសចិន ឡាវ និងកម្ពុជា។
មុននេះផ្លែគូលែនជាង១៣ពាន់តោនដោយមានតម្លៃជាង៦,៥លានដុល្លារ អាមេរិកបាននាំចេញទៅប្រទេសចិនដោយឆ្លងកាត់ច្រកទ្វាអន្តរជាតិ Lao Cai (នៅភាគខាងជើងវៀតណាម)។ ពោលគឺក្នុង១ថ្ងៃបាននាំចេញគូលែនជាង៨០០តោន។ លោក Do Trung Dieu អនុប្រធានសាខាគយអន្តរជាតិLao Cai បានឲ្យដឹងថា៖
“នាបច្ចុប្បន្ន យើងខ្ញុំកំពុងអនុវត្តប្រព័ន្ធបំពេញបែបបទស្វ័យប្រវត្តិ។ ខណៈ ដែលអង្គភាពអាជីវកម្មបំពេញបែបបទត្រឹមត្រូវគឺក្រោយ ៣០ វិនាទី ឬ ១ នាទី អាច ដោះស្រាយយ៉ាងលឿននិងងាយស្រួល។ សាខាគយ ក៏បានផ្សព្វផ្សាយលិខិត ចាត់តាំងកម្មាភិបាលប្រចាំសម្រាប់ដោះស្រាយបែបបទគយចំពោះមុខទំនិញកសិផល ជាពិសេសគឺផ្លែគូលែនស្រស់នាំចេញតាមច្រកទ្វារនេះផងដែរ”។
គួរឲ្យកត់សម្គាល់ផងដែរ ផ្លែគូលែនត្រូវបាននាំចេញទៅកាន់ទីផ្សារដែលមានតម្លៃខ្ពស់រួមមានជប៉ុន សហរដ្ឋអាមេរិក អូស្ត្រាលី ប្រហែល ១,៥០០ តោន; សិង្ហបុរី មជ្ឈឹមបូព៌ា និងប្រទេសម៉ាឡេស៊ី ប្រមាណ ៥០០ តោន; កូរ៉េខាងត្បូង ជប៉ុន និងសហភាពអឺរ៉ុបប្រមាណ ៧០០ តោន។ តាមការគ្រោងទុក ចាប់ពីពេលនេះរហូតដល់ដំណាច់រដូវ បណ្តាអង្គភាពអាជីវកម្មនឹងបន្តប្រមូលទិញ និងនាំចេញផ្លែគូលេនចំនួន ១,០០០ តោនទៅកាន់ប្រទេសជប៉ុន រួមនឹងចំនួន ៤០០០ តោនទៅកាន់សហរដ្ឋអាមេរិក អូស្រ្តាលី សហភាពអឺរ៉ុប សិង្ហបុរី។ល។ ៕
kh.qdnd.vn, vov
មតិពីមិត្តអ្នកអាន