អ្នកនាំពាក្យរដ្ឋលេខាធិការដ្ឋានអាកាសចរស៊ីវិល លោក ស៊ីន ចាន់សិរីវុត្ថា បានធ្វើការបញ្ជាក់ឲ្យដឹងថាសំណង់ហេដ្ឋារចនាសម្ព័ន្ធសំខាន់ៗនៃអាកាសយានដ្ឋានអន្តរជាតិថ្មី តារាសាគរខេត្តកោះកុង ត្រូវបានបញ្ចប់ ខណៈដែលត្រៀមដាក់ឱ្យដំណើរការនៅបំណាច់ឆ្នាំនេះ។
កម្ពុជា-វៀតណាម នឹងដាក់ឲ្យដំណើរការច្រកទ្វារអន្តរជាតិម៉ឺនជ័យ-តឺនណាមនៅថ្ងៃទី៣១ ខែឧសភាខាងមុខនេះ |
សំណើផ្លាស់ប្តូររបត់នៃកិច្ចសហប្រតិបត្តិការអន្តរជាតិ លើវិស័យបរិស្ថាននៅកម្ពុជា |
អាកាសយានដ្ឋានអន្តរជាតិថ្មីក្នុងខេត្តកោះកុង គ្រោងបើកដំណើរការនៅចុងឆ្នាំនេះ |
នៅពេលដែលបញ្ចប់ការសាងសង់ជាស្ថាពរ ទីតាំងនេះនឹងក្លាយជាអាកាសយានដ្ឋានអន្តរជាតិទី ៤ របស់ប្រទេសកម្ពុជា បន្ថែមពីលើអាកាសយានដ្ឋានអន្តរជាតិភ្នំពេញ ខេត្តសៀមរាប និងខេត្ដព្រះសីហនុ។
អាកាសយានដ្ឋានអន្តរជាតិតារាសាគរ ត្រូវបានអភិវឌ្ឍដោយក្រុមហ៊ុនចិន Tianjin Union Development Group (UDG) ក្រោមទុនជាង ២០០លានដុល្លារអាមេរិក។
គម្រោងនេះគ្របដណ្តប់លើផ្ទៃដីទំហំ ៤,៥ ហិកតា ក្នុងចំណោមផ្ទៃដីទំហំ ៤៥.០០០ ហិកតានៅក្នុងតំបន់ឧទ្យានជាតិបុទុមសាគរ។ ផ្លូវរត់របស់ព្រលានយន្តហោះមានប្រវែង ៣.២០០ម៉ែត្រ និងទទឹងប្រវែង ៤៥ ម៉ែត្រ ដែលមានសមត្ថភាពអាចទទួលការចុះចតយន្តហោះធុន Boeing 777 និង Airbus 340 ដែលជាប្រភេទយន្ដហោះខ្នាតធំ។
អាកាសយានដ្ឋាននេះ ដំបូងគ្រោងដាក់ឱ្យដំណើរការនៅពាក់កណ្ដាល ឆ្នាំ ២០២១ មុនពេលមានផលប៉ះពាល់ដែលបង្កដោយការរីករាលដាលនៃជំងឺរាតត្បាត។ ទោះជាយ៉ាងណាក៏ដោយ រដ្ឋលេខាធិការដ្ឋានអាកាសចរណ៍ស៊ីវិលបច្ចុប្បន្នកំពុងតែមានការមមាញឹកក្នុងការបំពេញបែបបទ ដើម្បីទទួលបានវិញ្ញាប័នបត្រប្រតិបត្តិការអាកាសដ្ឋាន ដែលហៅ Airport Certification។
គម្រោងអាកាសយានដ្ឋានថ្មីនេះត្រូវបានរំពឹងថានឹងផ្តល់នូវការជំរុញដ៏ធំធេងដល់វិស័យទេសចរណ៍ក្នុងតំបន់ បើទោះបីជាខេត្តនេះទទួលបានភ្ញៀវទេសចរតិចតួចក៏ដោយបើប្រៀបធៀបទៅនឹងខេត្តព្រះសីហនុ និងសៀមរាប។
ជាមួយគ្នានេះផងដែរ ប្រធានសមាគមទីភ្នាក់ងារទេសចរណ៍កម្ពុជា (CATA) លោកស្រី ឆាយ ស៊ីវលីន បានថ្លែងប្រាប់សារព័ត៌មានក្នុងស្រុកថា ព្រលានយន្តហោះនេះមានសក្តានុពលក្នុងការទាក់ទាញភ្ញៀវទេសចរណ៍អន្តរជាតិ មកកាន់កម្ពុជាកាន់តែច្រើនថែមទៀត។
លោកស្រីបន្ថែមថា៖ «ខេត្តកោះកុង មានសក្តានុពលទេសចរណ៍ធម្មជាតិយ៉ាងខ្លាំង ដែលបច្ចុប្បន្នយើងមិនទាន់ទាញយកផលប្រយោជន៍ ពីសក្តានុពលរបស់ខេត្តនេះបានច្រើននៅឡើយទេ»។
គួរបញ្ជាក់ឲ្យដឹងផងដែរថា អាកាសយានដ្ឋានអន្តរជាតិរបស់កម្ពុជាទទួលបានអ្នកដំណើរចំនួន ១១,៦ លាននាក់ក្នុងឆ្នាំ ២០១៩។ តួលេខនេះបានធ្លាក់ចុះដល់ចំនួន ២,១៣ លាននាក់នៅក្នុងឆ្នាំ ២០២០។ នេះបើយោងតាមក្រុមហ៊ុន Cambodia Airports ដែលជាប្រតិបត្តិករអាកាសយានដ្ឋានអន្តរជាតិចំនួន ៣ របស់កម្ពុជា៕
មតិពីមិត្តអ្នកអាន