យុគសម័យ - នាថ្ងៃទី ៥ ឧសភា នៅបង្គោលព្រំដែនជាតិលេខ ២១១ (ក្នុងច្រកទ្វារព្រំដែនអន្តរជាតិ Binh Hiep - ព្រៃវល្លិ៍) នៅទីរួមខេត្ត Kien Tuong និងនៅស្ពាន Huu Nghi ទី ២ (នៅច្រកទ្វារ ព្រំដែន តំបន់ Tan Hung - ស្វាយអាង៉ោង) ដែលស្ថិតក្នុងស្រុក Tan Hung ខេត្ត Long An គណៈកម្មាធិការរណសិរ្សមាតុភូមិខេត្តនិងគណៈកម្មាធិការនិងផ្នែកនានានៃខេត្ត Long An បានគាំទ្រ ខេត្តស្វាយរៀងនិងខេត្តព្រៃវែងនៃព្រះរាជាណាចក្រកម្ពុជា ក្នុងការ ប្រយុទ្ធប្រឆាំងនឹងជំងឺកូវីដ ១៩ ។
 ខេត្ត Long An វៀតណាម ចុះហត្ថលេខាអភិវឌ្ឍទេសចរណ៍ |
 ធ្វើដំណើរកំសាន្តទេសចរណ៍តាមច្រាំងទន្លេ Vam Co Tay (ខេត្ត Long An - វៀតណាម) |
 |
| តំណាងខេត្ត Long An បានប្រគល់អំណោយ ដល់អាជ្ញាធរនៃខេត្តព្រៃវែង។ |
តាមនោះខេត្ត Long An បានប្រគល់ទឹកលាងដៃសម្លាប់មេរោគ ASIRUB ចំនួន ៣០០ ដប (ចំណុះ ១០០០ មីលីលីត្រ/ដប) សម្លៀកបំពាក់ការពារ រួមមាន ៧ មុខ មានចំនួន ៤៥០ ឈុត ម៉ាស់ពេទ្យចំនួន ៩០០ ប្រអប់ ដែលមានតម្លៃសរុប ១៥០ លានដុង។
លើសពីនេះ សម្ព័ន្ធយុវជនខេត្ត Long An បានជួយគាំទ្រដល់សហភាពសហព័ន្ធយុវជនកម្ពុជាខេត្តស្វាយរៀងនិងខេត្តព្រៃវែង អំណោយមួយចំនួន ក្នុងនោះមាន ម៉ាស់ពេទ្យចំនួន ៣ ម៉ឺន ទឹកសម្លាប់មេរោគចំនួន ២៥០០ មីលីលីត្រនិងឧបករណ៍បាញ់ថ្នាំសំលាប់មេរោគចំនួន ៤ ។
 |
| សមាជិកសម្ព័ន្ធយុវជននិងយុវជនខេត្ត Long An បានប្រគល់អំណោយដល់ខេត្តចំនួន ២ នៃប្រទេសកម្ពុជា។ |
ការប្រគល់អំណោយ ដើម្បីគាំទ្រដល់ការការពារជំងឺឆ្លងកូវីដ ១៩ របស់ Long An មិនត្រឹមតែជាការជួយឧបត្ថម្ភខាងសម្ភារៈប៉ុណ្ណោះទេថែមទាំងជាការលើកទឹកចិត្តខាងស្មារតី ដើម្បីជួយខេត្តស្វាយរៀងនិងខេត្តព្រៃវែងជំនះនូវគ្រាលំបាកនានា
ទន្ទឹមនឹងនេះ បង្ហាញពីប្រពៃណីដ៏មានតម្លៃនៃការជួយគ្នាទៅវិញទៅមក និងការស្រឡាញ់គ្នាទៅវិញទៅមករវាងវៀតណាមនិងកម្ពុជា។
ក្នុងឱកាសនេះខេត្ត Long An ក៏បានប្រគល់អំណោយចំនួន ៤០០ រួមមាន៖ អង្ករ មី។ ចំពោះអំណោយនិមួយៗ ដែលមានតម្លៃ ៣០០,០០០ ដុងជូនដល់ប្រជាជនមានដើមកំណើតវៀតណាមដែលរស់នៅខេត្តស្វាយរៀងនិងខេត្តព្រៃវែង./.
Tin tuc
មតិពីមិត្តអ្នកអាន