ពិធីបង្កើតសាខាសមាគមវៀតណាម - កម្ពុជានៃសង្កាត់ Hoa Tho Tay ខណ្ឌ Cam Le (ទីក្រុង Da Nang)

Da Nang គឺជាទីក្រុងមួយក្នុងចំណោមទីក្រុងគំរូទាំង ៥ ក្នុងតំបន់អាស៊ី-ប៉ាស៊ីហ្វិក

ទីក្រុង Da Nang បំផុសព្រឹត្តិការណ៍“ សប្តាហ៍អាវផាយ” នៅឆ្នាំ ២០២១

ថ្លែងក្នុងពិធីនោះ លោក Mai Duc Nguyen អនុលេខាបក្ស និងជា​អនុប្រធានក្រុមប្រឹក្សាប្រជាជនសង្កាត់​ Hoa Tho Tay បានសង្កត់ធ្ងន់ថា​សាខាសមាគមវៀតណាម - កម្ពុជានេះ​មានទំនួលខុសត្រូវ​ក្នុងការ​ពង្រឹងនិងពង្រីកទំនាក់ទំនងមិត្តភាពប្រពៃណីនិងកិច្ចសហប្រតិបត្តិការវៀតណាម - កម្ពុជា។ ទន្ទឹមនឹងនេះ លោកបានសង្ឃឹមថា​ សាខាសមាគមនេះ​នឹងក្លាយជាកម្លាំងស្នូលដែលចូលរួមយ៉ាងសកម្មក្នុងសកម្មភាពកិច្ចការបរទេសរបស់ប្រជាជន ដើម្បីរួមចំណែកលើកកម្ពស់​នូវ​ការយល់ដឹងគ្នាទៅវិញទៅ​មក​និងទំនាក់ទំនងមិត្តភាពរវាងប្រជាជនទីក្រុង Da Nang និង​ប្រជាជន​កម្ពុជា។

គណៈកម្មាធិការប្រតិបត្តិនៃសាខាសមាគមន៍បានបង្កើតរ។ រូបថត៖ សម្ព័ន្ធអង្គការមិត្តភាពទីក្រុង Da Nang។

លោក Tran Van Son អនុប្រធានសមាគមមិត្តភាពវៀតណាម - កម្ពុជា​នៅទីក្រុង Da Nang ក៏បានចែករំលែកបទពិសោធន៍របស់លោក ក្នុងកិច្ចសហប្រតិបត្តិការនិងតម្រង់ទិសដៅអំពីសកម្មភាពមួយចំនួនរបស់សមាគមនិងសាខាសមាគមមូលដ្ឋាន នាពេលខាងមុខ។ លោក Tran Van Son ក៏មានបំណងប្រាថ្នាថា សាខាសមាគមនឹងខិតខំពង្រឹង​ទំនាក់ទំណងមិត្តភាពរវាងវៀតណាមនិងកម្ពុជាឱ្យកាន់តែប្រសើរឡើងនិងកាន់តែជិតស្និទ្ធថែមទៀត។

លោក Nguyen Van Tam ប្រធានសមាគមមិត្តភាពវៀតណាម - កម្ពុជា​នៃខណ្ឌ Cam Le បានចែករំលែកព័ត៌មាននិងលើកឡើងចំណុចសំខាន់ៗ មួយចំនួន​នៃទំនាក់ទំនងមិត្តភាព​និងកិច្ចសហប្រតិបត្តិការ​រវាង​ទីក្រុង​ Da Nang និងតំបន់នានានៃប្រទេសកម្ពុជា។

លោកសង្ឃឹមថា គណៈកម្មាធិការប្រតិបត្តិសាខាសមាគម​ក្នុងអាណត្តិថ្មី​នឹងបន្តជំរុញលទ្ធផលវិជ្ជមានដែលសម្រេចបាន មានភាពបត់បែន​ច្នៃប្រឌិតក្នុងការពង្រឹងនិងពង្រីកទំនាក់ទំនងមិត្តភាពរវាងវៀតណាម​និងកម្ពុជា។ ទន្ទឹមនឹងនេះស្នើក្រុមប្រឹក្សា​ប្រតិបត្តិនៃ​សាខាសមាគម​វៀតណាម - កម្ពុជានៃសង្កាត់​ Hoa Tho Tay ត្រូវយកចិត្តទុកដាក់​និងប្រកាន់ខ្ជាប់នូវខ្លឹមសារសំខាន់ៗ ក្នុងការគ្រប់គ្រង​និងរៀបចំសកម្មភាពរបស់សាខាសមាគម ដើម្បីអនុវត្តឱ្យបានជោគជ័យ​នូវគោលបំណងដែលបានកំណត់./.

ឌីណា

thoidai.com.vn