GDP របស់វៀតណាមនៅត្រីមាសទី ១ កើនឡើង ៤,៤៨ ភាគរយលើសពីត្រីមាសទី ១ ឆ្នាំ ២០២០

វៀតណាមកាត់បន្ថយចំណាយបង្កើនការចូលរួមវិភាគទានដល់ផលិតផលក្នុងស្រុកសរុប (GDP)

ចំណុចភ្លឺស្វាងក្នុងរូបភាពសេដ្ឋកិច្ចវៀតណាមក្នុងត្រីមាសទី១ឆ្នាំ ២០២

ផលិតផលក្នុងស្រុកសរុប (GDP) ត្រីមាសទី ១ របស់វៀតណាម ត្រូវបានប៉ាន់ប្រមាណថា នឹងកើនឡើង ៤,៤៨ % បើប្រៀបធៀបនឹងរយៈពេលដូចគ្នាកាលពីឆ្នាំមុន ដែលឆ្លុះបញ្ចាំងពីប្រសិទ្ ធភាពនៃកិច្ចខិតខំប្រឹងប្រែង ដើម្បីសម្រេចបាននូវគោលដៅពីរទន្ទឹមគ្នា ពៅលគឺ “ទាំងបង្ការប្រយុទ្ធប្រឆាំងនឹងជំងឺកូវីដ-១៩ ផងនិងអភិវឌ្ឍន៍កំណើនសេដ្ឋកិច្ចផងដែរ។

នេះគឺជាព័ត៌មានដែលតំណាងអគ្គនាយយកដ្ឋានស្ថិតិនៃក្រសួងផែនការនិងវិនិយោគវៀតណាម ទើបតែបានផ្តល់ ក្នុងសន្និសីទសារព័ត៌មានស្តីពីការប្រកាសទិន្នន័យស្ថិតិសេដ្ឋកិច្ច-សង្គមក្នុងត្រីមាសទី១ ឆ្នាំ ២០២១ នាព្រឹកថ្ងៃទី ២៩ ខែមីនានៅទីក្រុងហាណូយ។ លោកស្រី Nguyen Thi Huong អគ្គនាយិការនៃអគ្គនាយកដ្ឋានស្ថិតិនៃក្រសួងផែនការនិងវិនិយោគវៀតណាមបានសង្កត់ធ្ងន់ថា៖

«យើងខ្ញុំបានជួយឧបត្ថម្ភដល់សហគមន៍អង្គភាពអាជីវកម្មដោះស្រាយការលំបាកក្នុងការលក់ចេញផលិតផលដូចជា ការស្វែងរក ពង្រីកទីផ្សារនាំចេញ ការជួយក្នុងការបង់ពន្ធ ថ្លៃនាំចេញ និងជំរុញតម្រូវការទិញទំនិញក្នុងស្រុក ព្រមទាំងបន្តលើកលែងនិងកាត់បន្ថយពន្ធ អាករ និងថ្លៃជួលដីធ្លីនៅឆ្នាំ ២០២១។ ទន្ទឹមនឹងនេះយើងខ្ញុំក៏បានទាញយកឱកាសពីកិច្ចព្រមព្រៀងថ្មី ដើម្បីស្វែងរកដំណោះស្រាយ ក្នុងការអភិវឌ្ឍទីផ្សារ និងដករបងនានា ដើម្បីឈានចូលទីផ្សារថ្មីផងដែរ។ លើសពីនេះទៀត យើងខ្ញុំបានផ្តល់អាទិភាពក្នុងការអនុវត្តសកម្មភាព ជម្រុញការនាំចេញ ព្រមទាំងគ្រប់គ្រងគោលនយោបាយរូបិយវត្ថុ អត្រាការប្រាក់និងកែតម្រូវអត្រាប្តូរប្រាក់ប្រកបដោយភាពបត់បែននិងប្រុងប្រយ័ត្ន ឲ្យស្របតាមការវិវត្តន៍ទីផ្សារក្នុងស្រុកនិងអន្តរជាតិផងដែរ»។

ក្នុងវិស័យឧស្សាហកម្មនិងសំណង់ឧស្សាហកម្មនៅត្រីមាសទី ១ ឆ្នាំ ២០២១ កើនឡើង ៦.៥% ក្នុងរយៈពេលដូចគ្នាកាលពីឆ្នាំមុនខ្ពស់ជាងកំណើន ៥,១% ក្នុងត្រីមាសទី ១ ឆ្នាំ ២០២០ ប៉ុន្តែទាបជាងអត្រាកំណើន ១០. ៤៥% ។ ត្រីមាសទី ១ ឆ្នាំ ២០១៨ និង ៩ ភាគរយនៅត្រីមាសទី ១ ឆ្នាំ ២០១៩ ដែលចូលរួមចំណែកចំនួន ២,២ ភាគរយចំពោះអត្រាកំណើននៃតម្លៃបន្ថែមសរុបនៃសេដ្ឋកិច្ចទាំងមូល។

ឧស្សាហកម្មកែច្នៃនិងផលិតកម្មបានបន្តដើរតួនាទីឈានមុខគេក្នុងកំណើនសេដ្ឋកិច្ចជាមួយនឹងការកើនឡើង ៩,៤៥ ភាគរយដោយរួមចំណែក ២,៣៧ ភាគរយ។

ឧស្សាហកម្មរុករករ៉ែមានកំណើនអវិជ្ជមាន ៨,២៤% ថយចុះ ០,៣៦ ភាគរយនៃកំណើនតម្លៃបន្ថែមសរុបនៃសេដ្ឋកិច្ចទាំងមូលដោយសារតែការថយចុះ ១១ ភាគរយនៃផលិតកម្មប្រេងឆៅនិង ១៦,១% មានការថយចុះនៃឧស្ម័នធម្មជាតិ។ ឧស្សាហកម្មសំណង់បានកើនឡើង ៥,១៧% ខ្ពស់ជាងកំណើន ៤,៣៧% នៅក្នុងត្រីមាសទី ១ ឆ្នាំ ២០២០ ដែលបានចូលរួមចំណែក ០,៣២ ភាគរយ។

វិស័យសេវាកម្មនៅក្នុងត្រីមាសទី ១ ឆ្នាំ ២០២១ បានកើនឡើងជាវិជ្ជមាននៅពេលដែលការរីករាលដាល Covid-19 ត្រូវបានគ្រប់គ្រងយ៉ាងតឹងរឹងហើយអ្នកនាំចេញបានប្រើកិច្ចព្រមព្រៀងពាណិជ្ជកម្មសេរីដែលបានចុះហត្ថលេខា៕

ហេង វុធ្ធី

VGP