វៀតណាម - អង្គការសហប្រជាជាតិ: ដៃគូដើម្បីសន្តិភាពប្រកបដោយនិរន្តរភាព

នាយករដ្ឋមន្ត្រីវៀតណាម​លោក Nguyen Xuan Phuc

ជាមួយបទពិសោធន៍និងស្មារតីសហប្រតិបត្តិការវិជ្ជមាន ភាពស្មោះត្រង់និងការគាំទ្ររបស់បណ្តាប្រទេសជាសមាជិកអង្គការសហប្រជាជាតិនោះ យើងមានទំនុកចិត្តយ៉ាងខ្លាំងក្នុងការអនុវត្តនិងបំពេញនូវភារកិច្ចនៅក្រុមប្រឹក្សាសន្តិសុខអង្គការសហប្រជាជាតិសំរាប់អាណត្តិ ២០២០ - ២០២១ និងបន្តការរួមចំណែកកាន់តែច្រើនឡើងដើម្បីសន្តិភាព ការអភិវឌ្ឍនិងវិបុលភាពលើពិភពលោក។

ឯកអគ្គរដ្ឋទូតនិងជាប្រធានគណៈប្រតិភូតំណាងរបស់ជប៉ុនប្រចាំអង្គការសហប្រជាជាតិ លោកKoro Bessho

ឯកអគ្គរដ្ឋទូតនិងជាប្រធានគណៈប្រតិភូតំណាងរបស់ជប៉ុនប្រចាំអង្គការសហប្រជាជាតិ លោកKoro Bessho

វៀតណាមមានកម្រាស់ប្រវត្តិសាស្ត្រដ៏សំខាន់មួយ នៅពេលដែលឆ្លងកាត់សង្គ្រាម ឈានដល់កសាងសន្តិភាពហើយការអភិវឌ្ឍន៍សេដ្ឋកិច្ចក៏អស្ចារ្យដែរ។ បទពិសោធន៍ទាំងនេះ បានផ្តល់ឱ្យវៀតណាមនូវមុខតំណែងមួយនៅក្រុមប្រឹក្សាសន្តិសុខ ដើម្បីជួយវៀតណាមក្នុងការពិគ្រោះយោបល់និងរួមចំណែកយ៉ាងល្អចំពោះបញ្ហាជាច្រើន។ ខ្ញុំពិតជាសង្ឃឹមថាអ្នកអាចធ្វើបាន។

អតីតអនុរដ្ឋមន្ត្រីការបរទេសវៀតណាម លោក Pham Quang Vinh

អតីតអនុរដ្ឋមន្ត្រីការបរទេសវៀតណាម លោក Pham Quang Vinh

ការដែលបណ្តាប្រទេសអាស៊ី - ប៉ាស៊ីហ្វិក ស្រុះចិត្តគំនិត ជ្រើសរើសវៀតណាម គឺជាបេក្ខជនតែមួយគត់ សម្រាប់ដំណែងជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិនោះ បានបង្ហាញនូវភាពងាយស្រួលសម្រាប់វៀតណាម។ ពោលគឺ ប្រការនេះបានបង្ហាញថា ប្រទេសទាំងអស់នេះបានវាយតម្លៃខ្ពស់ចំពោះតួនាទីរបស់វៀតណាមនិងជឿជាក់ថា វៀតណាមអាចបំពេញយ៉ាងល្អនូវភារកិច្ចនេះ។

ខ្ញុំជឿជាក់ថា វៀតណាមនឹងជាប់ឆ្នោត ហើយអាចជាប់ដោយសម្លេងគាំទ្រខ្ពស់ទៀតផង។

ឯកអគ្គរដ្ឋទូតនិងជាប្រធានក្រុមបេសកកម្មភូឥណ្ឌូនេស៊ីប្រចាំនៅអង្គការសហប្រជាជាតិ លោក Dian Triansyah Djani

ឯកអគ្គរដ្ឋទូតនិងជាប្រធានក្រុមបេសកកម្មភូឥណ្ឌូនេស៊ីប្រចាំនៅអង្គការសហប្រជាជាតិ លោក Dian Triansyah Djani

វៀតណាមបានត្រៀមរៀបចំយ៉ាងល្អបំផុតក្នុងឆ្នាំកន្លងទៅ ជាពិសេសក្នុងប៉ុន្មានខែថ្មីៗនេះ។ ក្រុមបេសកម្មវៀតណាមប្រចាំនៅអង្គការសហប្រជាជាតិ បានបញ្ចុះបញ្ចូលយ៉ាងសកម្មហើយបណ្ដាប្រទេសអាស៊ានក៏គាំទ្រវៀតណាមផងដែរពីព្រោះអាស៊ានចង់ឱ្យប្រទេសសមាជិករបស់ខ្លួនមានវត្តមាននៅក្នុងក្រុមប្រឹក្សាសន្តិសុខ។

វៀតណាមនឹងបំពេញល្អនូវភារកិច្ចរបស់ខ្លួននៅក្នុងក្រុមប្រឹក្សាសន្តិសុខជាពុំខាន។

អ្នកសម្របសម្រួលនៃអង្គការសហប្រជាជាតិប្រចាំនៅវៀតណាមលោក Kamal Malhotra

អ្នកសម្របសម្រួលនៃអង្គការសហប្រជាជាតិប្រចាំនៅវៀតណាមលោក Kamal Malhotra

កាលពី ១០ ឆ្នាំមុន វៀតណាមជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិសំរាប់អាណត្តិ ២០០៨-២០០៩។ ក្នុងអំឡុងពេលនោះ វៀតណាមបានដើរតួនាទីយ៉ាងសំខាន់នៅក្នុងក្រុមប្រឹក្សាសន្តិសុខ ជាពិសេសក្នុងការគាំទ្រនូវសេចក្តីសម្រេចចិត្តរបស់អង្គការសហប្រជាជាតិស្តីស្ត្រី សន្តិភាពនិងសន្តិសុខ។ បច្ចុប្បន្ននេះ វៀតណាមកំពុងពង្រឹងតួនាទីរបស់ខ្លួនក្នុងការចូលរួមក្នុងកងកម្លាំងរក្សាសន្តិភាព។ ពោលគឺ នាឆ្នាំ ២០១៨ ជាលើកដំបូង វៀតណាមបានបញ្ជូននាយទាហានចំនួន ៦៣ នាក់ ទៅចូលរួមក្នុងមន្ទីរពេទ្យយោធា កម្រិតទី២ នៅប្រទេសស៊ូដង់ខាងត្បូង ព្រមទាំងបានបង្ហាញនូវការប្តេជ្ញាចិត្តយ៉ាងមុតមាំក្នុងការបន្តចូលរួមក្នុងកងកម្លាំងថែរក្សាសន្តិភាព។ វៀតណាមក៏បានចូលរួម ក្រុមប្រឹក្សាសិទ្ធិមនុស្សអន្ដរជាតិសម្រាប់ដំណាក់កាល ២០១៤ - ២០១៦ ផងដែរ។ នៅចុងឆ្នាំ ២០១៨ វៀតណាមត្រូវបានជ្រើសតាំងចូលគណៈកម្មាធិការទទួលបន្ទុកច្បាប់ពាណិជ្ជកម្មអន្តរជាតិ (UNCITRAL) នៃអង្គការសហប្រជាជាតិ។ ទាំងនេះគឺជាភស្តុតាងច្បាស់លាស់នៃការប្តេជ្ញាចិត្តដ៏រឹងមាំរបស់វៀតណាមក្នុងការធ្វើសមាហរណកម្មជាមួយសហ គមន៍អន្តរជាតិ។

ក្នុងនាមជាថ្នាក់ដឹកនាំនៃអង្គការសហប្រជាជាតិប្រចាំនៅវៀតណាម ខ្ញុំប្តេជ្ញាចិត្តបន្តរួមដំណើរជាមួយវៀតណាមក្នុងតួនាទីនិងការទទួលខុសត្រូវថ្មីនៅឯក្រុមប្រឹក្សាសន្តិសុខ ខណៈពេលដែលវៀតណាមជាប់ឆ្នោតផងដែរ។

ឯកអគ្គរដ្ឋទូតលោក Dang Dinh Quy ប្រធានក្រុមបេសកកម្មអចិន្ត្រៃយ៍ប្រចាំអង្គការសហប្រជាជាតិ

ឯកអគ្គរដ្ឋទូតលោក Dang Dinh Quy ប្រធានក្រុមបេសកកម្មអចិន្ត្រៃយ៍ប្រចាំអង្គការសហប្រជាជាតិ

អាចនិយាយបានថា រហូតមកដល់ពេលនេះ វៀតណាមទទួលបានការសន្យាគាំទ្រជាច្រើនពីបណ្តាប្រទេស ហើយនៅតែមានប្រទេសមួយចំនួនដែលមិនទាន់បញ្ចេគមតិ។ ជាមួយនឹងបទប្បញ្ញត្តិរបស់ក្រុមប្រឹក្សាបោះឆ្នោតនៃក្រុមប្រឹក្សាសន្ដិសុខ គឺចំនួនសម្លេងគាំទ្រទទួលបាន២/៣ គឺជាប់ឆ្នោតហើយ ហេតុដូច្នេះ បើគិតពីចំនួននៃការសន្យា វៀតណាមមានមូលដ្ឋានដើម្បីព្យាករណ៍លទ្ធភាពនៃការជាប់ឆ្នោតគឺខ្ពស់ណាស់។