មិត្តភក្តិអន្តរជាតិផ្ញើសាររំលែកទុក្ខ ចំពោះមរណភាព របស់ ឯកឧត្តម Le Kha Phieu

ប្រធានរដ្ឋសភានៃព្រះរាជាណាចក្រកម្ពុជាបានអញ្ជើញចូលរួមក្នុងពិធីបុណ្យសពលោកអតីតអគ្គលេខាធិការបក្ស Le Kha Phieu។ ប្រភព៖ VOV)

នៅក្នុងសាររំលែកទុក្ខ លោកជំទាវ ម៉ែន សំអន ប្រធានសមាគមមិត្តភាពកម្ពុជា - វៀតណាមបានសម្តែងការកោតសរសើរចំពោះការលះបង់ដ៏ធំធេងរបស់អតីតអគ្គលេខាធិការឯកឧត្តម Le Kha Phieu ចំពោះបុព្វហេតុនៃការរំដោះនិងកសាងជាតិនៃប្រទេសវៀតណាម។ ឯកឧត្តមអតីតអគ្គលេខាធិការក៏មានតួនាទីសំខាន់ផងដែរក្នុងការលើកកម្ពស់ទំនាក់ទំនងមិត្តភាពនិងកិច្ចសហប្រតិបត្តិការរវាងកម្ពុជានិងវៀតណាម។

សមាគមមិត្តភាពការបរទេសប្រជាជនចិននិងសមាគមមិត្តភាពចិន - វៀតណាមក៏បានសម្តែងនូវការសោកស្តាយផងដែរនៅពេលដែលពួកគេទទួលបានដំណឹងថាមរណភាពរបស់ ឯកឧត្តម  Le Kha Phieu អតីតអគ្គលេខាធិការបក្សកុម្មុយនិស្តវៀតណាម។

សាររំលែកទុក្ខបានបញ្ជាក់ថាឯកឧត្តម Le Kha Phieu គឺជាមេដឹកនាំឆ្នើមរបស់បក្សនិងរដ្ឋវៀតណាម ហើយឯកឧត្តមបានដឹកនាំប្រជាជនវៀតណាមទទួលបានសមិទ្ធិផលយ៉ាងច្រើនក្នុងបុព្វហេតុនៃការកសាងជាតិនៅវៀតណាម។ ឯកឧត្តម Le Kha Phieu គឺជាមិត្តជិតស្និទ្ធនិងសមមិត្តរបស់បក្សកុម្មុយនីស្តនិងប្រជាជនចិន។ ឯកឧត្តមបានចូលរួមវិភាគទានយ៉ាងល្អប្រសើរដល់ទំនាក់ទំនងចិន - វៀតណាម «ភូមិភងរបងជាមួយ កិច្ចសហប្រតិបត្តិការគ្រប់ជ្រុងជ្រោយ ស្ថិរភាព យូរអង្វែង ឆ្ពោះទៅអនាគត»៕