លោកស្រីឯកអគ្គរដ្ឋទូត Nguyen Phuong Nga បានបំពេញគ្រប់បេសកកម្មការទូតប្រកបដោយជោគជ័យ

លោកស្រីប្រធាន VUFO Nguyen Phuong Nga ៖ អាវផាយរបស់វៀតណាមសក្តិសមជាបេតិកភណ្ឌវប្បធម៌អរូបីនៃមនុស្សជាតិ

ប្រធាន VUFO លោកជំទាវ Nguyen Phuong Nga ទទួលបានមេដាយពលកម្មថ្នាក់ទី ៣ សម្រាប់ការរួមចំណែករបស់លោកក្នុងវិស័យការទូត

នៅពេលជួបលោកស្រីឯកអគ្គរដ្ឋទូត Nguyen Phuong Nga ដែលមនុស្សគ្រប់រូបអាចមានអារម្មណ៍ថា លោកស្រីគឺជាស្ត្រីទន់ភ្លន់ម្នាក់ក្នុងសម្លៀកបំពាក់អាវផាយវៀតណាម ស្នាមញញឹមមានភាពកក់ក្តៅនិង ពោរពេញ​ដោយសេចក្តីក្លៀវក្លាដ៏បរិបូរណ៍ទោះបីលោកស្រីកាន់មុខតំណែងណាមួយឬក្នុងជំនួបមួយក៏ ដោយ។
លោកស្រីឯកអគ្គរដ្ឋទូត Nguyen Phuong Nga បានមានប្រសាសន៍ថា ពេលវេលាដែលលោកស្រីធ្វើជាអ្នកនាំពាក្យក្រសួងការបរទេស ក្នុងរយៈពេលតែ ២ ឆ្នាំនិង ២ ខែប៉ុណ្ណោះ (ឆ្នាំ ២០០៩-២០១១) ។

លោកស្រីមានសំណាងណាស់​ដែលបានរៀនសូត្រច្រើន នៅពេលដែលលោកស្រីចូលរួមក្នុងការកសាងនិងការអនុវត្តផែនការផ្សព្វផ្សាយព័ត៌មានដែលបំរើសកម្មភាពធំៗ របស់វៀតណាម ដូចជា ប្រទេស វៀតណាមជាលើកដំបូងក្នុងនាមជាសមាជិកអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិ (២០០៨ -២០០៩) ប្រទេសវៀតណាមគឺជាប្រធានអាស៊ាន ឆ្នាំ ២០១០ អបអរសាទរខួប ១០០០ ឆ្នាំនៃទិវា Thang Long - Ha Noi យុទ្ធនាការបញ្ជូនពលករវៀតណាមជិត ១១.០០០ នាក់ពីប្រទេសលីប៊ីមកកាន់ប្រទេស វៀតណាម ការគាំទ្រដល់ប្រជាជនវៀតណាមនៅប្រទេសជប៉ុន បន្ទាប់ពីគ្រោះរញ្ជួយដី រលកស៊ូណាមិ នៅ ខែមីនាឆ្នាំ ២០១១... ក៏ដូចជារៀបចំសកម្មភាពសារព័ត៌មាននានារបស់ ថ្នាក់ដឹកនាំជាន់ខ្ពស់។
ទោះជាយ៉ាងណាក៏ដោយ សម្រាប់លោកស្រីការងារនាំពាក្យមិនគ្រាន់តែឈរនៅលើវេទិកានៃសន្និសីទកាសែតប៉ុណ្ណោះទេ។ តាមពិត សន្និសីទកាសែតគ្រាន់តែជាផ្នែកមួយនៃផ្ទាំងទឹកកកដែលផ្អែកលើការខិតខំប្រឹងប្រែងជាច្រើនពីមនុស្សនិងទីភ្នាក់ងារជាច្រើន។ក្នុងសន្និសីទសារព័ត៌មានណាមួយ លោកស្រី Nguyen Phuong Nga ក៏ត្រូវប្រឈមមុខនឹងសំណួររបស់អ្នកយកព័ត៌មានក្នុងស្រុកនិងបរទេសអំពីជម្លោះ អធិបតេយ្យភាពនៅសមុទ្រខាងកើតនិងបញ្ហាអ្នកនេសាទ ទូកនេសាទ ...

លោកស្រីឯកអគ្គរដ្ឋទូត Nguyen Phuong Nga ប្រធានគណៈប្រតិភូអចិន្រ្តៃយ៍វៀតណាមប្រចាំនៅអង្គការសហប្រជាជាតិបានថ្លែងនៅក្នុងសន្និសីទលើកទី ២៧ នៃរដ្ឋជាសមាជិកនៃអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ដែលធ្វើឡើងនៅទីក្រុងញូវយ៉ក ចាប់តាំងពីថ្ងៃទី ១២-១៦ ខែមិថុនា ឆ្នាំ ២០១៧ ។ (រូបថត៖ កាសែត Quoc Te)

លោកស្រីបានសារភាពថា វាមិនត្រឹមត្រូវទេក្នុងការគិតថា នៅពេលដែលយើងគិតថា ក្នុងវិស័យការទូត ស្ត្រីមិនមានភាពមឹងម៉ាត់ដូចបុរសទេ។ “ ស្ត្រីមានគុណសម្បតិ្តដែលបង្កើតជាគុណប្រយោជន៍ក្នុងវិស័យការទូត​គឺ​ភាពទន់ភ្លន់ ឆ្លាត ប្តូរផ្តាច់និងហ្មត់ចត់”។ លោកស្រីបានចែករំលែក។គណៈប្រតិភូវៀតណាមបានរៀបចំសកម្មភាពជាច្រើន ដើម្បីឱ្យមិត្តភក្តិអន្តរជាតិស្គាល់អំពីប្រទេស​វៀតណាម​​មិនត្រឹមតែអំពីប្រពៃណីរបស់ខ្លួនក្នុងការប្រយុទ្ធប្រឆាំងនឹងការឈ្លានពានរបស់បរទេសឬសមិទ្ធិផលអភិវឌ្ឍន៍សេដ្ឋកិច្ចប៉ុណ្ណោះទេ ប៉ុន្តែថែមទាំងប្រពៃណីវប្បធម៌ ប្រវត្តិសាស្ត្រនិងគុណតម្លៃខ្ពស់របស់ប្រជាជនវៀតណាមទៀតផង។រហូតដល់វេទិកាអន្តរជាតិពហុភាគីធំបំផុតនៅលើពិភពលោក ការរស់នៅនិងធ្វើការ នៅអង្គការសហប្រជាជាតិ លោកស្រីឯកអគ្គរដ្ឋទូត Nguyen Phuong Nga មានការចងចាំយ៉ាងជ្រាលជ្រៅ។ លោកស្រីមានប្រសាសន៍ថា អង្គការសហប្រជាជាតិ សម្រាប់លោកស្រីដែល​ចាត់ទុកដូចជា​សាកលវិទ្យាល័យទី ២ ចំពោះលោកស្រី។ ក្រៅពីកិច្ចប្រជុំពិភាក្សាអំពីបញ្ហាសន្តិភាពនិងសន្តិសុខ ក៏មានសកម្មភាពព្រឹត្តិការណ៍និងគំនិត​​​​ផ្តួចផ្តើមជាច្រើនរបស់ប្រតិភូមកពីប្រទេសនានាដែល​ជាសមាជិកនៃអង្គការសហប្រជាជាតិស្តីពីការអភិវឌ្ឍសិទ្ធិមនុស្ស និងការធ្វើឱ្យសម្រេចបាននូវរបៀបវារៈឆ្នាំ ២០៣០ សម្រាប់ការអភិវឌ្ឍ ប្រកបដោយចីរភាពនិងគោលបំណងថា មិនទុកឱ្យនរណាម្នាក់នៅពីក្រោយនិងធ្វើឱ្យជីវិតរបស់ប្រជាជនគ្រប់រូបកាន់តែល្អប្រសើរជាងមុន។

លោកស្រីឯកអគ្គរដ្ឋទូត Nguyen Phuong Nga តែងតែមានអំណរគុណដែលជីវិតបានផ្តល់ឱ្យលោកស្រីនូវឱកាស ដើម្បីធ្វើការងារដែលលោកស្រីចូលចិត្ត រស់នៅនិងធ្វើការជាមួយមនុស្សអស្ចារ្យ។ មិនត្រឹមតែក្នុងរយៈពេលប៉ុន្មានថ្ងៃនៅពេលធ្វើការនៅអង្គការសហប្រជាជាតិឬក្នុងកំឡុងពេលធ្វើការក្នុងក្រសួងការបរទេសជាង ៣០ ឆ្នាំប៉ុណ្ណោះទេ ប៉ុន្តែថែមទាំងជារយៈពេល​កាន់តំណែងជាប្រធានសម្ព័ន្ធអង្គការមិត្តភាពវៀតណាម (VUFO) ទៀតផង។

“ ស្ត្រីមានគុណសម្បតិ្តដែលបង្កើតជាគុណប្រយោជន៍ក្នុងវិស័យការទូតគឺភាពទន់ភ្លន់ ឆាប់រហ័ស ឆ្លាតនិងហ្មត់ចត់។ លោកស្រីឯកអគ្គរដ្ឋទូត Nguyen Phuong Nga បានមានប្រសាសន៍។

ដោយចងចាំពីថ្ងៃដំបូង បន្ទាប់ពីត្រូវបានបោះឆ្នោតជ្រើសរើសជាប្រធាន VUFO ក្រៅពីការព្រួយបារម្ភរបស់លោកស្រី នៅពេលធ្វើការក្នុងមុខតំណែងថ្មី លោកស្រីបានចែករំលែកថា ការទទួលខុសត្រូវថ្មី ជួយឱ្យលោកស្រីយល់កាន់តែច្បាស់និងមានការយល់ដឹងកាន់តែស៊ីជម្រៅអំពីកិច្ចការប្រាស្រ័យទាក់ទងគ្នារវាងប្រជាជននិងប្រជាជន លោកស្រី Nguyen Phuong Nga បានរំជួលចិត្តយ៉ាងខ្លាំងដោយការស្រឡាញ់របស់មិត្តភក្តិអន្តរជាតិចំពោះវៀតណាមនិងគំរូល្អនិងកិច្ចខំប្រឹងប្រែង។

លោកអគ្គលេខាធិការបក្ស ប្រធានរដ្ឋឡាវ Bounnhang Vorachith បានទទួលគណៈប្រតិភូ VUFO ដឹកនាំដោយលោកស្រីប្រធាន VUFO Nguyen Phuong Nga រួមជាមួយសមាគមមិត្តភាពវៀតណាម - ឡាវ សមាគមកងទ័ពស្ម័គ្រចិត្តនិងអ្នកជំនាញវៀតណាម នៅប្រទេសឡាវ អតីតកងទ័ពស្ម័គ្រចិត្ត អតីតអ្នកជំនាញវៀតណាមនៅប្រទេសឡាវ អតីតកងទ័ព Truong Son យុវជនស្ម័គ្រចិត្ត សាច់ញាតិ។ (រូបថត៖ Tuan Viet)

ពីរឆ្នាំក្នុងនាមជាប្រធាន VUFO ក៏ជាអំឡុងពេលដ៏លំបាកសម្រាប់លោកស្រីដែរ។ ស្ថានភាពពិភពលោកកំពុងផ្លាស់ប្តូរយ៉ាងស្មុគស្មាញ អំណាចនយោបាយ ការប្រកួតប្រជែង យុទ្ធសាស្រ្តរវាងបណ្តាប្រទេសធំ ៗ ជាតិនិយមជ្រុលនិយម ឯកតោនិយមនិងជាពិសេសឥទ្ធិពលដ៏អស្ចារ្យនៃរោគរាតត្បាត Covid-19 មានឥទ្ធិពលជាច្រើនទៅលើការប្រមូលកម្លាំងនិងកិច្ចសហប្រតិបត្តិការអន្តរជាតិរបស់ប្រជាជននៃបណ្តាប្រទេស។

អាទិភាពធំបំផុតសម្រាប់លោកស្រីឯកអគ្គរដ្ឋទូត Nguyen Phuong Nga គឺត្រូវកសាងជួរបុគ្គលិកនិងកម្មាភិបាលរបស់ VUFO ដែលអនុវត្តកិច្ចការប្រាស្រ័យទាក់ទងគ្នារវាងប្រជាជននិងប្រជាជនប្រកបដោយ​ល្អប្រសើរ មានភាពក្លាហាននិងមានសេចក្តីក្លៀវក្លាដ៏បរិបូរណ៍ ពីព្រោះកម្មាភិបាលគឺជាកត្តាសម្រេចចិត្ត ដើម្បីទទួលបានជោគជ័យ។ បទពិសោធន៍របស់លោកស្រីគឺការជឿទុកចិត្តចាត់ ចាត់ការងារ ណែនាំនិងដកបទពិសោធ ដោយក្លាហាន បង្កើតលក្ខខណ្ឌសម្រាប់កម្មាភិបាលចូលរួមដោយផ្ទាល់ក្នុងសកម្មភាពកិច្ចការបរទេស លើកកម្ពស់សមត្ថភាពរបស់ពួកគេ។

សេចក្តីប្រាថ្នារបស់លោកស្រីគឺជំរុញភាពក្លៀវក្លានិងស្មារតីច្នៃប្រឌិតនៃប្រព័ន្ធទាំងមូល ដើម្បីនាំមក VUFO ជំនះរាល់ឧបសគ្គ ដើម្បីបំពេញរាល់ភារកិច្ចដែលបានប្រគល់ដោយបក្សរដ្ឋនិងប្រជាជននិងចូលរួមចំណែកយ៉ាងសកម្មដល់ការងារប្រាស្រ័យទាក់ទងគ្នារវាងប្រជាជននិងប្រជាជនដែលសសរស្តម្ភគឹជាការប្រាស្រ័យទាក់ទងគ្នារវាងប្រជាជននិងប្រជាចន ក្នុងវិស័យការទូតរបស់ប្រទេសវៀតណាម ៕

ឌីណា

baoquocte.vn