វិទ្យាស្ថានទំនាក់ទំនងអន្តរជាតិអូស្ត្រាលី (AIIA) នៅថ្ងៃទី ៥ ខែកុម្ភះ បានចុះផ្សាយអត្ថបទរបស់លោក Kyle Springer អ្នកវិភាគជាន់ខ្ពស់នៅមជ្ឈមណ្ឌល Perth USAsia ដោយបានសន្និដ្ឋានថា មហាសន្និបាត លើកទី១៣ របស់បក្សកុម្មុយនីស្តវៀតណាម បានបង្ហាញនូវនិរន្តរភាពក្នុងការដឹកនាំ និងគោលនយោបាយរបស់វៀតណាម។
ទិដ្ឋភាពនៃពិធីបិទមហាសន្និបាតលើកទី ១៣ របស់បក្សកុម្មុយនិស្តវៀតណាម (រូបថt៖ vnanet.vn)
អត្ថបទបានអះអាងថា សមិទ្ធិដ៏អស្ចារ្យបំផុតរបស់វៀតណាមគឺការសម្រេចកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលមានសមាជិកចំនួន ១៥ ខណៈដែលកាន់តួនាទីជាប្រធានអាស៊ាន។ វៀតណាមក៏បានបង្ហាញសមត្ថភាពការទូតស្ថាបនាក្នុងវិស័យផ្សេងៗទៀតនៃបញ្ហាអន្តរជាតិទាំងឡាយដែរ។
ប្រទេសវៀតណាមបានរៀបចំកិច្ចប្រជុំកំពូលអាមេរិក - កូរ៉េខាងជើងឆ្នាំ ២០១៩ នៅទីក្រុងហាណូយ ហើយនិងសម្របសម្រួលអាមេរិក និងរុស្ស៊ីឱ្យចូលរួមក្នុងកិច្ចប្រជុំកំពូលអាស៊ីបូព៌ាក្នុងឆ្នាំ ២០១១ ។ ដោយវិស័យការទូតរបស់វៀតណាមកំពុងទទួលបានសមិទ្ធិផលថ្មីៗនោះអាចរំពឹងថាវៀតណាមនឹងមានសមត្ថភាពគ្រប់គ្រាន់ដើម្បីប្រឈមមុខនឹងបញ្ហាក្នុងតំបន់ក្នុងរយៈពេល ៥ ឆ្នាំខាងមុខ./.
（ប្រភពព័ត៌មាន: kh.qdnd.vn）
មតិពីមិត្តអ្នកអាន