ក្រសួងឧស្សាហកម្ម និងពាណិជ្ជកម្មវៀតណាមបានឱ្យដឹងថា ការនាំចេញវាយនភ័ណ្ឌ និងកាត់ដេរក្នុងខែមករា ឆ្នាំ ២០២១ សម្រេចបានប្រមាណ ២.៦ ពាន់លានដុល្លារ កើនឡើង ៣.៣% បើប្រៀបធៀបនឹងរយៈពេលដូចគ្នាពីឆ្នាំមុន។
រូបថតឧទាហរណ៍ (laodong.vn)
ក្រសួងឧស្សាហកម្ម និងពាណិជ្ជកម្ម បានព្យាករណ៍ថា ឆ្នាំ ២០២១ នៅតែជាឆ្នាំដែលទីផ្សារវាយនភ័ណ្ឌ និងកាត់ដេរបន្តជួបការលំបាកដោយសារស្ថានភាពរាតត្បាតនៅលើពិភពលោក។ ទោះយ៉ាងណា វិស័យវាយនភណ្ឌ និងកាត់ដេរក៏មានឱកាសអភិវឌ្ឍន៍ដ៏ធំធេងពីកិច្ចព្រមព្រៀងពាណិជ្ជកម្មសេរីដែលបានចុះហត្ថលេខាថ្មីៗនេះ ជាពិសេសសក្តានុពលក្នុងការពង្រីកការនាំចេញទៅកាន់ទីផ្សារធំៗនៅជុំវិញពិភពលោក។ ក្នុងនោះកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ទើបតែត្រូវបានចុះហត្ថលេខានៅពាក់កណ្តាលខែវិច្ឆិ កាឆ្នាំ ២០២០ ត្រូវបានគេរំពឹងថានឹងបង្កើតកម្លាំងចលករ និងឱកាសសម្រាប់វិស័យវាយនភ័ណ្ឌ និងកាត់ដេរបស់វៀតណាម ហើយជំនួសទីផ្សារមួយចំនួនដែលមិនទាន់គ្រប់គ្រងបានជំងឺរាតត្បាត Covid-19 ។ នេះគឺជាកត្តាដែលជួយគាំទ្រយ៉ាងសកម្មដល់សកម្មភាពផលិតកម្ម និងអាជីវកម្មនៃវិស័យកាត់ដេរ និងវាយនភណ្ឌរបស់វៀតណាមនៅឆ្នាំ ២០២១ និងបណ្តាឆ្នាំបន្តបន្ទាប់./.
(ប្រភពព័ត៌មាន: kh.qdnd.vn)
មតិពីមិត្តអ្នកអាន