ពានរង្វាន់អាស៊ានឆ្នាំ២០២១

នេះជាឆ្នាំលើកទី ៤ ហើយ ដែលពានរង្វាន់ដ៏មានកិត្យានុភាពនេះត្រូវបានរៀបចំឡើងដើម្បីលើកសរសើរពលរដ្ឋអាស៊ានល្អ ឬអង្គការនៅតំបន់ដែលមានការរួមវិភាគទានពិសេសក្នុងការពង្រឹងនិងពង្រីកសហគមន៍អាស៊ាន ជម្រុញការធ្វើសមាហរណកម្មក្នុងតំបន់ ការអភិវឌ្ឍលើគ្រប់វិស័យ និងការលើកកម្ពស់ការយល់ដឹងអំពីអាស៊ាន។

ពានរង្វាន់អាស៊ានឆ្នាំ២០២១ លើកសរសើរស្មារតីមិនចុះចាញ់របស់ពលរដ្ឋអាស៊ាន (រូបថត៖ vnanet.vn)

ក្នុងសេចក្តីប្រកាសព័ត៌មាននាថ្ងៃទី៥ ខែកុម្ភៈ លេខាធិការដ្ឋានអាស៊ានសង្កត់ធ្ងន់ថា បន្ទាប់ពីរយៈពេល ១ ឆ្នាំមានការលំបាកជាច្រើន ពានរង្វាន់អាស៊ានឆ្នាំ២០២១ គឺជាឱកាសសម្រាប់ “ការលើកសរសើរស្មារតីមិនចុះចាញ់” របស់ពលរដ្ឋអាស៊ានក្នុងការលើកកម្ពស់គុណភាពនៃជីវភាពរស់នៅរបស់សហគមន៍។

ពានរង្វាន់អាស៊ានដែលគ្រប់គ្រងដោយលេខាធិការដ្ឋានអាស៊ាន បានទទួលហិរញ្ញប្បទានពីមូលនិធិ Temasek របស់សិង្ហបុរី និងមូលនិធិ Yayasan Hasanah របស់ម៉ាឡេស៊ី។ តាំងពីបង្កើតនាឆ្នាំ២០១៨ មក ពានរង្វាន់អាស៊ានត្រូវបានប្រគល់ដល់បុគ្គល ២ នាក់ និងអង្គការមួយ ដោយសារមានការរួមវិភាគទានក្នុងការលើកកម្ពស់ការយល់ដឹងអំពីអាស៊ាន ក៏ដូចជាកិច្ចសហប្រតិបត្តិការ និងការធ្វើសមាហរណកម្មក្នុងតំបន់./.

（ប្រភពព័ត៌មាន: kh.qdnd.vn,）