គណៈកម្មាធិការកណ្តាលគណបក្សប្រជាជនកម្ពុជាផ្ញើលិខិតថ្លែងអំណរគុណជូនចំពោះគណៈកម្មាធិការមជ្ឈឹមនៃគណបក្សកុម្មុនីស្តវៀតណាមដែលបានផ្ញើសារលិខិតអបអរសាទរក្នុងឱកាសប្រារព្ធខួបអនុស្សាវរីយ៍លើកទី៦៩នៃថ្ងៃបង្កើតគណបក្សប្រជាជនកម្ពុជា។
ក្នុងលិខិតនេះ គណៈកម្មាធិការកណ្តាល គណបក្សប្រជាជនកម្ពុជា បានបញ្ជាក់ថាសមិទ្ធផលទាំងឡាយដែលគណបក្សប្រជាជនកម្ពុជា សម្រេចបាននាពេលកន្លងមកនេះមិនអាចកាត់ផ្តាច់ បានពីការជួយឧបត្ថមគាំទ្ររបស់គណបក្ស រដ្ឋាភិបាល និងប្រជាជនវៀតណាមបានឡើយ។
គណៈកម្មាធិការកណ្តាល គណបក្សប្រជាជនកម្ពុជា ក៏បានវាយតម្លៃខ្ពស់ចំពោះការរីកចម្រើននៃទំនាក់ទំនងសាមគ្គីភាព មិត្តភាពជាប្រពៃណី អ្នកភូមិផងល្អ កិច្ចសហប្រតិបត្តិការគ្រប់ជ្រុងជ្រោយ ស្ថិរភាពយូរអង្វែង រឹងមាំរវាងគណបក្ស រដ្ឋាភិបាលនិងប្រជាជននៃប្រទេសយើងទាំងពីរ។
នៅចុងបញ្ចប់នៃលិខិត គណៈកម្មាធិការកណ្តាល គណបក្សប្រជាជនកម្ពុជាសង្ឃឹមថា ចំណងមិត្តភាព សាមគ្គីភាពជាប្រពៃណី អ្នកភូមិផងល្អ កិច្ចសហប្រតិបត្តិការគ្រប់ជ្រុង ជ្រោយ ស្ថិរភាពយូរអង្វែង រវាងគណបក្ស រដ្ឋាភិបាល និងប្រជាជននៃប្រទេសយើងទាំងពីរកាន់តែរឹងមាំជាលំដាប់ថែមទៀត៕
（សរុបដោយវិច្ឆិកា）
មតិពីមិត្តអ្នកអាន