យុគសម័យ - ក្នុងឱកាសខួបលើកទី ២៥ នៃការធ្វើឱ្យមានប្រក្រតីភាពនិងបង្កើតទំនាក់ទំនងការទូតរវាងវៀតណាមនិងសហរដ្ឋអាមេរិកបាន លោក Brian Eyler នាយកកម្មវិធីអាស៊ីអាគ្នេយ៍នៅមជ្ឈមណ្ឌលស្រាវជ្រាវ Stimson (សហរដ្ឋអាមេរិក) បានផ្តល់បទសម្ភាសន៍អំពី លទ្ធផលនៃកិច្ចសហប្រតិបត្តិការរវាងប្រទេសទាំងពីរក៏ដូចជាទស្សនវិស័យនៃទំនាក់ទំនងទ្វេភាគី។
វៀតណាមគឺជាស្ពានសំខាន់មួយរវាងសហរដ្ឋអាមេរិកនិងអាស៊ាន។
យោងតាមលោក Eyler ក្នុងរយៈពេល ២៥ ឆ្នាំកន្លងមកទំនាក់ទំនងវៀតណាម - អាមេរិកមានការផ្លាស់ប្តូរពិសេសមួយពី «អតីតសត្រូវទៅជាដៃគូ» ហើយភាគីទាំងពីរក៏ចែករំលែកតម្លៃរួមជាច្រើនដូចជាសេរីភាពនិងការបើកជំហនិងបញ្ហាជាច្រើន។
លោក Eyler បានលើកឡើងថាការផ្លាស់ប្តូរទំនាក់ទំនងពីជម្លោះមួយទៅកិច្ចសហប្រតិបត្តិការដើម្បីជំនះនូវផលវិបាកនៃសង្គ្រាមគឺជាសមិទ្ធិផលគួរឱ្យកត់សម្គាល់មួយនៅក្នុងទំនាក់ទំនងទ្វេភាគី។
ភាគីទាំងពីរបានធ្វើការជាមួយគ្នាយ៉ាងជិតស្និទ្ធដើម្បីព្យាបាលរបួសនៃសង្គ្រាម ដោះស្រាយបញ្ហានានាទាក់ទងនឹងជាតិគីមីពុលពណ៌លឿង ការបោសសម្អាតគ្រាប់បែកនិងមីន ការគាំទ្រជនពិការនិងបុគ្គលក៏ដូចជាសហគមន៍ដែលរងផលប៉ះពាល់។ លើសពីនេះទៀតកិច្ចសហប្រតិបត្តិការនៅតែត្រូវការបន្ត។ លោក Eyler បានបញ្ជាក់ថា នេះជាមូលដ្ឋានគ្រឹះដ៏សំខាន់នៃទំនាក់ទំនងសេដ្ឋកិច្ចនិងពាណិជ្ជកម្មក៏ដូចជាផលប្រយោជន៍សន្តិសុខនិងការពារជាតិដែលភាគីទាំងពីរទទួលបាន។
ទាក់ទងនឹងកត្តាដែលកំណត់ស្ថេរភាពនៃទំនាក់ទំនងរវាងប្រទេសទាំងពីរ លោក Eyler បានសង្កត់ធ្ងន់ថាភាគីអាមេរិកមានអត្ថប្រយោជន៍នៃការវិនិយោគនិងពាណិជ្ជកម្មពីព្រោះវៀតណាមជាដៃគូសេដ្ឋកិច្ចឈានមុខគេនៅតំបន់មហាសមុទ្រឥណ្ឌា - ប៉ាស៊ីហ្វិក។
ផលិតផលអាមេរិកកាន់តែច្រើនឡើងត្រូវបានផលិតនៅប្រទេសវៀតណាម ហើយផលិតផលវៀតណាមមានគុណភាពខ្ពស់ជាងប្រទេសដទៃទៀតក្នុងតំបន់។ ក្រៅពីនេះ វៀតណាមកំពុងដើរតួនាទីជាស្ពានសំខាន់មួយរវាងសហរដ្ឋអាមេរិកនិងសមាគមប្រជាជាតិអាស៊ីអាគ្នេយ៍ (អាស៊ាន) ដោយបើកចេញនូវទម្រង់នៃការចូលរួមក្នុងការអភិវឌ្ឍបញ្ហាសេដ្ឋកិច្ចនិងបរិស្ថាននៅតំបន់។
ដើម្បីឱ្យទំនាក់ទំនងរវាងប្រទេសទាំងពីរបន្តអភិវឌ្ឍនាពេលខាងមុខ លោកបានមានប្រសាសន៍ថាក្រៅពីកិច្ចសហប្រតិបត្តិការក្នុងការដោះស្រាយក្រោយសង្គ្រាម ប្រទេសទាំងពីរគួរតែជំរុញការសម្របសម្រួលកាន់តែខ្លាំងលើបញ្ហាអប់រំសុខភាពនិងបរិស្ថាន។
ការវិភាគភាគច្រើនបានបង្ហាញថាទាំងសហរដ្ឋអាមេរិកនិងវៀតណាមនឹងប្រឈមមុខនឹងផលប៉ះពាល់នៃការប្រែប្រួលអាកាសធាតុយ៉ាងធ្ងន់ធ្ងរនាពេលអនាគត។ ប្រទេសទាំងពីរអាចធ្វើការជាមួយគ្នាដើម្បីចែករំលែកបទពិសោធន៍និងធនធានល្អ ៗ ។
យោងតាមលោក Eyler នេះពិតជាកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមកហើយសហរដ្ឋអាមេរិកអាចរៀនសូត្រពីប្រទេសវៀតណាមដូចគ្នានឹងសហរដ្ឋអាមេរិកបានរៀននិងទទួលបានការគាំទ្រពីប្រទេសវៀតណាមក្នុងការប្រយុទ្ធប្រឆាំងនឹងជំងឺកូវិដ១៩។
លើសពីនេះទៀតកិច្ចសហប្រតិបត្តិការក្នុងការយកឈ្នះលើផលវិបាកនៃសង្គ្រាមនៅតែបន្តជាបញ្ហាប្រឈម ហើយមន្ត្រីដែលទទួលបន្ទុកលើការអនុវត្តច្បាប់របស់សហរដ្ឋអាមេរិកក្នុងរយៈពេលជាច្រើនទសវត្សរ៍កន្លងមកបានចូលនិវត្តន៍រឺក៏លែងមានទទួលបន្ទុកលើបញ្ហានេះទៅទៀត។
លោក Eyler បានចង្អុលបង្ហាញថា ជំនាន់ក្រោយនៃវៀតណាមនិងសហរដ្ឋអាមេរិកគួរតែបន្តព្យាបាលរបួសនៃសង្គ្រាមហើយដើម្បីបន្តដំណើរការនេះ វាត្រូវការការគាំទ្រប្រកបដោយស្ថេរភាពពីសហរដ្ឋអាមេរិក។
លោក Brian Eyler បានបង្ហាញនូវជំនឿថាអនាគតនៃទំនាក់ទំនងវៀតណាម - អាមេរិកគឺភ្លឺស្វាងណាស់នេះទាមទារកិច្ចសហប្រតិបត្តិការរវាងភាគីទាំងពីរ។ លោកបានបញ្ជាក់ថា ទំនាក់ទំនងវៀតណាម - អាមេរិកត្រូវបានលើកកម្ពស់ និងតែងតែទទួលបានការមូលមតិគ្នាពីសំណាក់គណបក្សទាំងពីរនៅសហរដ្ឋអាមេរិក៕
（ប្រែសម្រូលដោយវិច្ឆិកា）
មតិពីមិត្តអ្នកអាន