យុគសម័យ - បន្ទាប់ពីរយៈពេលជាង ៣ ខែ នៃការផ្ទុះឡើងជំងឺរាតត្បាត Covid-19 សហរដ្ឋអាមេរិកកំពុងរងការខូចខាតធ្ងន់ធ្ងរបំផុត។ ដូច្នេះ យុទ្ធនាការរៃអង្គាសប្រាក់ ដើម្បីទិញម៉ាស់ជូនប្រជាជនអាមេរិកដែលត្រូវបានបង្កើតឡើង ដោយសមាគមយុវជនវៀតណាមនៅអាមេរិក និងសមាគមអតីតនិស្សិតអាមេរិក នៅវៀតណាម បានប្រមូលប្រាក់បានជាង ១ ពាន់លានដុង។
សមាគមយុវជននិស្សិតវៀតណាមនៅរដ្ឋ California ផ្តល់អំណោយជូនមន្ទីរពេទ្យមួយក្នុងតំបន់។ (រូបថត៖ សមាគមយុវជននិស្សិតវៀតណាមនៅរដ្ឋ California)
កម្មវិធីនេះមានការចូលរួមពីនិស្សិត និងក្រុមសមាគមអតីតនិស្សិតវៀតណាមជាង ៩០០ នាក់ដែលបានសិក្សានៅសហរដ្ឋអាមេរិក និស្សិតកំពុងសិក្សា មន្រ្តីដែលធ្លាប់ធ្វើការ នៅសហរដ្ឋអាមេរិក ក្រុមគ្រួសារដែលមានកូនៗ ទៅរៀននៅសហរដ្ឋអាមេរិក និងសប្បុរសជននានា។
ថ្មីៗនេះសម្ព័ន្ធយុវជនវៀតណាមនៅរដ្ឋ California បានផ្តល់ឧបករណ៍ការពារវេជ្ជសាស្ត្រជូនដល់បណ្តាមន្ទីរពេទ្យនៅរដ្ឋ California ។ ដោយមានទឹកប្រាក់ចំនួន ១០៥០ ដុល្លារអាមេរិក ពីគម្រោង “រៃអង្គាសប្រាក់ ដើម្បីប្រឆាំងនឹងជំងឺ Covid-19” សមាគមបានផ្តល់ម៉ាស់ចំនួន ៧៥០ ម៉ាស់ និងស្រោមដៃ ៥០០០ គូ ដើម្បីជួយដល់ក្រុមគ្រូពេទ្យក្នុងការប្រយុទ្ធប្រឆាំងនឹងជំងឺនេះ។
សមាគមយុវជនវៀតណាមនៅអាមេរិកបានផល់អំណោយជូនមន្ទីពេទ្យមួយចំនួនរួមមាន មន្ទីរពេទ្យ UCSF មន្ទីរពេទ្យ Kaiser Permanente (San Francisco) មន្ទីរពេទ្យ Sharp Coronado និងមន្ទីរពេទ្យ Alvarado ។ អំណោយនេះបានមកពីសប្បុរសជននានាដែលបានជួយគាំទ្រនិងចូលរួមចំណែកដល់ជោគជ័យនៃគម្រោង ក៏ដូចជាផ្សព្វផ្សាយភាពថ្លៃថ្នូរដល់សហគមន៍ផងដែរ./.
（បកប្រែដោយឌីណា）
មតិពីមិត្តអ្នកអាន