យុគសម័យ៖ មីៗនេះនៅទីក្រុង Ho Chi Minh ក្រសួងនគរបាលវៀតណាម និងក្រសួងមហាផ្ទៃនៃព្រះរាជាណាចក្រកម្ពុជាបានរៀបចំកិច្ចពិភាក្សាអំពីការវាយតម្លៃលើលទ្ធផលនៃកិច្ចសហប្រតិបត្តិការក្នុងឆ្នាំ ២០១៩ និងចុះហត្ថលេខាលើផែនការសហប្រតិបត្តិការក្នុងឆ្នាំ ២០២០ ។
គណៈប្រតិភូក្រសួងនគរបាលវៀតណាម ដឹកនាំដោយលោកនាយឧត្តមសេនីយ៍ To Lam រដ្ឋមន្ត្រីក្រសួងនគរបាល និងគណៈប្រតិភូក្រសួងមហាផ្ទៃកម្ពុជា ដឹកនាំដោយសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
នៅក្នុងកិច្ចពិភាក្សានេះ តាងនាមថ្នាក់ដឹកនាំបក្ស និងរដ្ឋវៀតណាម លោកនាយឧត្តមសេនីយ៍ To Lam រដ្ឋមន្រ្តីក្រសួងនគរបាលវៀតណាម បានប្រគល់គ្រឿងឥស្សរិយយសមិត្តភាពចំនួន ១០ ជូនដល់បុគ្គលនៃក្រសួងមហាផ្ទៃកម្ពុជាដែលបានមានស្នាដៃដ៏ឆ្នើម ក្នុងការជំរុញកិច្ចសហប្រតិបត្តិការរវាងក្រសួងទាំងពីរ។ លោកឧត្តមសេនីយ៍ឯកបំរុង Bui Van Nam បានប្រគល់គ្រឿងឥស្សរិយយសការពារសន្តិសុខមាតុភូមិចំនួន ៤ គ្រឿងជូនដល់បុគ្គលចំនួន ៤ នាក់នៃក្រសួងមហាផ្ទៃកម្ពុជា។
លោកនាយឧត្តមសេនីយ៍ To Lam រដ្ឋមន្រ្តីក្រសួងនគរបាលវៀតណាម និងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបូកសរុបលទ្ធផលការងារនៃកិច្ចសហប្រតិបត្តិការស្តីពីសន្តិសុខ ការប្រយុទ្ធប្រឆាំងនឹងឧក្រិដ្ឋកម្មឆ្លងដែន។
ទិដ្ឋភាពនៃកិច្ចពិភាក្សានេះ។ (រូបថត៖ កាសែត Cong an Nhan Dan)
លើសពីនេះទៀត ភាគីទាំងពីរបានដាក់ចេញទិសដៅសម្រាប់កិច្ចសហប្រតិបត្តិការរវាងប៉ូលីសនៃបណ្តាខេត្តជាប់ព្រំដែន ក្នុងការផ្លាស់ប្តូរគណៈប្រតិភូការបណ្តុះបណ្តាល ការត្រួតពិនិត្យនិងការព្យាបាល។
នៅពេលអនាគត ភាគីទាំងពីរសង្ឃឹមថានឹងពង្រីកថែមទៀតនូវកម្លាំងសក្តានុពលរបស់ខ្លួន រក្សាទំនាក់ទំនងភាពជាអ្នកជិតខាងល្អ មិត្តភាព សន្តិភាព កិច្ចសហប្រតិបត្តិដើម្បីការអភិវឌ្ឍន៍ទៅវិញទៅមក៕
（បកប្រែដោយឌីណា）
មតិពីមិត្តអ្នកអាន