នាថ្ងៃទី ២៦ ខែវិច្ឆិកា នៅទីក្រុងហាណូយ ខុទ្ទកាល័យនៃក្រសួងនគរបាលវៀតណាមបានរៀបចំសិក្ខាសាលាវិទ្យាសាស្ត្រលើប្រធានបទថ្នាក់ក្រសួង “ការបូកសរុបប្រវត្តិនៃកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្ម” រវាងនគរបាលវៀតណាម និងនគរបាលកម្ពុជា ក្នុងដំណាក់កាល ១៩៩២ - ២០១៥ ។ លោកឧត្តមសេនីយ៍ត្រី Hoang Anh Tuyen នាយរងខុទ្ទកាយាល័យ ក្រសួងនគរបាលវៀតណាមអញ្ជើញជាអធិបតីក្នុងសិក្ខាសាលានេះ។
លោកឧត្តមសេនីយ៍ត្រី Hoang Anh Tuyen ថ្លែងក្នុងសិក្ខាសាលា (រូបថត៖ cand.com.vn)
វៀតណាម - កម្ពុជាជាប្រទេសជិតខាងមានទំនាក់ទំនង កិច្ចសហប្រតិបត្តិការយូរអង្វែង និងទូលំទូលាយលើគ្រប់វិស័យ រួមមានការប្រយុទ្ធប្រឆាំងនឹងឧក្រិដ្ឋកម្ម ការរក្សាសណ្តាប់ធ្នាប់និងសុវត្ថិភាពសង្គម រួមចំណែកក្នុងការកសាងព្រំដែនសន្តិភាព ស្ថិរភាព មិត្តភាព កិច្ចសហប្រតិបត្តិការ និងការអភិវឌ្ឍ។
នៅក្នុងសិក្ខាសាលានេះ ប្រតិភូទាំងឡាយបានពិភាក្សា និងវាយតម្លៃលើរចនាសម្ព័ន្ធ និងខ្លឹមសារនៃប្រធានបទ រួមទាំងបង្ហាញនូវចំណុចខ្វះខាតទាំងឡាយផងដែរ។
ទិដ្ឋភាពនៃសិក្ខាសាលា (រូបថត៖ cand.com.vn)
លោកឧត្តមសេនីយ៍ត្រី Hoang Anh Tuyen បានទទួលស្គាល់ និងវាយតំលៃខ្ពស់ចំពោះរាល់មតិយោបល់ដែលប្រតិភូទាំងឡាយបានចែករំលែកនៅក្នុងសិក្ខាសាលា ព្រមទាំងស្នើឲ្យគណៈគ្រប់គ្រងប្រធានបទឲ្យទទួលយកយោបល់ដើម្បីជ្រើសរើស វាយតម្លៃ និងកែសំរួល ហើយសម្រេចប្រធានបទក្នុងពេលឆាប់ៗ រួមចំណែកក្នុងការលើកកំពស់ប្រសិទ្ធភាពនៃកិច្ចសហប្រតិបត្តិការរវាងបក្សទាំងពីរ រដ្ឋទាំងពីរ និងកម្លាំងនគរបាលនៃប្រទេសទាំងពីរ៕
（ហេង វុធ្ធី）
（ប្រភពព័ត៌មាន: vovworld.vn）
មតិពីមិត្តអ្នកអាន