យុគសម័យ - កម្មវិធីប្រាស្រ័យទាក់ទងមិត្តភាពព្រំដែនវៀតណាម - ឡាវ នៅខេត្ត Quang Trị បង្ហាញនូវចំណងមិត្តភាពសាមគ្គីភាពខ្សែព្រំដែនសន្តិភាពស្ថេរភាពនិងអភិវឌ្ឍន៍។
កម្មវិធីប្រាស្រ័យទាក់ទងមិត្តភាពព្រំដែនវៀតណាម - ឡាវ នៅខេត្ត Quang Trị
នាថ្ងៃ ២៩ ខែកក្កដានៅស្រុក Huong Hoa ខេត្ត Quang Tri អគ្គបញ្ជាការដ្ឋានកងទ័ពការពារព្រំដែនវៀតណាមសម្របសម្រួលជាមួយគណៈកម្មាធិការប្រជាជនខេត្ត Quang Tri ស្ថានីយ៍វិទ្យុនិងទូរទស្សន៍ខេត្ត បញ្ជាការដ្ឋានកងទ័ពការពារព្រំដែនខេត្តQuang Tri បានរៀបចំឡើងកម្មវិធីប្រាស្រ័យទាក់ទងមិត្តភាពព្រំដែនវៀតណាម - ឡាវ។
នៅក្នុងកម្មវិធីនេះសិល្បករនៃប្រទេសទាំងពីរបានសម្តែងស្នាដៃដោយបង្ហាញពីវប្បធម៌ឡាវនិងវៀតណាម ដោយបង្ហាញពីសាមគ្គីភាពនិងមិត្តភាពជាមួយខ្សែព្រំដែនសន្តិភាព ស្ថេរភាពនិងអភិវឌ្ឍ។
ក្នុងឱកាសនេះ អគ្គបញ្ជាការដ្ឋានកងទ័ពការពារព្រំដែនវៀតណាមបានប្រគល់សត្វពូជចំនួន ៣០ ដែលមានតំលៃជិត ៥០០ លានដុងដល់គ្រួសារដែលជួបការលំបាកនៅតាមបន្ទាត់ព្រំដែននៃខេត្ត Quang Tri ខេត្ត Salavan ខេ្តត Savannakhet បានផ្តល់អាហារូបករណ៍ចំនួន ៣០ ដល់សិស្សដែលជួបការលំបាកនៅខេត្តចំនួន ៣៕
ទន្លេ SePon ហូរកាត់ព្រំដែនតភ្ជាប់ស្រុកពីរគឺស្រុក Huong Hoa និងស្រុក Dakrong នៃខេត្ត Quang Tri និងស្រុកចំនួន ៣ គឺ SePon Noong SaMuoi នៃខេត្ត ២ គឺ ខេត្ត Salavan និងខេត្ត Savannakhet បានក្លាយជានិមិត្តរូបនៃទំនាក់ទំនងសាមគ្គីភាពនិងមិត្តភាពវៀតណាម - ឡាវ។
ដោយមានតួនាទីស្នូលក្នុងការគ្រប់គ្រងនិងការពារសន្តិសុខនិងអធិបតេយ្យភាពព្រំដែនជាតិកម្លាំងការពារព្រំដែននៃប្រទេសទាំងពីរនឹងក្លាយជាស្ពានតភ្ជាប់ទំនាក់ទំនងសាមគ្គីភាពមិត្តភាពរវាងបក្សរដ្ឋនិងប្រជាជនវៀតណាមជាមួយបក្សរដ្ឋនិងប្រជាជនឡាវ៕
（យោងតាម vietnamplus ប្រែសម្រូលដោយវិច្ឆិកា）
មតិពីមិត្តអ្នកអាន