យុគសម័យ - នានៅរសៀលថ្ងៃទី៧ ខែធ្នូ ឆ្នាំ២០១៨នេះ ក្នុងឱកាសអញ្ជើញបំពេញទស្សនកិច្ចនៅប្រទេសវៀតណាម សម្ដេចតេជោ ហ៊ុន សែន នាយករដ្ឋមន្រ្តីនៃរកម្ពុជា បានអញ្ជើញជួបពិភាក្សាការងារជាមួយគណៈប្រតិភូសមាគមមិត្តភាពវៀតណាម-កម្ពុជា (នៃសម្ព័ន្ធសមាគមបណ្តាអង្គការមិត្តភាពវៀតណាម)។
រូបថតៈ freshnewsasia.com
ជំនួបថ្ងៃនេះ គឺក្នុងគោលដៅបង្កើនទំនាក់ទំនងរវាងប្រជាជននិងប្រជាជន។ សមាគមក៏ធ្លាប់បានជួបជាមួយសម្តេចតេជោ កាលពីមុនរួចមកហើយ។ ក្នុងជំនួបនេះសម្តេចតេជោ បានបើកឱ្យសមាជិកនៃសមាគមអាចស្រាវជ្រាវអំពីព័ត៌មានកូនចៅ អតីតកម្មាភិបាល កងទ័ពវៀតណាម ដែលបានបាត់បង់គ្រួសារ សាច់ញាតិ ទាំងនៅក្នុងប្រទេសកម្ពុជា ក៏ដូចជានៅវៀតណាមផងដែរ។
រូបថតៈ freshnewsasia.com
សមាគមមិត្តភាពវៀតណាម-កម្ពុជា បានដើរតួនាទីយ៉ាងសំខាន់ ទាំងនៅក្នុងប្រទេសវៀតណាមនិងកម្ពុជា ជាពិសេសបានរួមចំណែកក្នុងការពង្រឹងទំនាក់ទំនងនិងកិច្ចសហប្របត្តិការទ្វេភាគី រវាងប្រទេសទាំងពីរ។
ទិដ្ឋភាពនៃជំនួប (រូបថតៈ freshnewsasia.com)
សម្តេចតេជោ ក៏ជំរាបជូនប្រតិភូសមាគមមិត្តភាពវៀតណាម-កម្ពុជា ពីការរីកចម្រើនរបស់សមាគម និងបានសុំឱ្យសមាគម បន្តខិតខំពង្រីកសកម្មភាពរបស់ខ្លួនក្នុងការបន្តគាំទ្រ ដល់កិច្ចសហប្រតិបត្តិការទ្វេភាគី រវាងប្រទេសទាំងពីរ៕
(សរុបព័ត៌មាន ដោយ មិញ អាញ់)
មតិពីមិត្តអ្នកអាន