យុគសម័យ - ក្នុងរយៈពេលប៉ុន្មានថ្ងៃថ្មីៗនេះ អាកាសធាតុក្តៅខ្លាំងនៅស្ទើរតែគ្រប់ទីកន្លែង នៅទូទាំងប្រទេស ជាពិសេសនៅតាមតំបន់ជាប់ខ្សែព្រំដែន។ កងទ័ពការពារព្រំដែនបានបំពេញភារកិច្ចរបស់ខ្លួនក្នុងការគ្រប់គ្រងនិងការពារព្រំដែន ថែមទាំងបង្ការនិងនិងប្រយុទ្ធប្រឆាំងនឹង Covid-19 ក្នុងអាកាសធាតុតឹងរឹងនេះ។
ក្នុងរយៈពេលប៉ុន្មានថ្ងៃថ្មីៗនេះ អាកាសធាតុក្តៅខ្លាំងពេកនៅស្ទើរតែគ្រប់ទីកន្លែង នៅទូទាំងប្រទេស ជាពិសេសនៅតាមតំបន់ជាប់ខ្សែព្រំដែន។ ក្រុមកងទ័ពការពារប្រឆាំងនឹងជំងឺ Covid-19 នៃប៉ុស្តិ៍កងទ័ពការពារព្រំដែន Muong Khuong នៃកងទ័ពការពារព្រំដែនខេត្ត Lao Cai ឆ្លៀតយកស្លឹកឈើនិងដំបូង ដើម្បីប្រក់លើដំបូលសំដៅប្រឆាំងនឹងអាកាសធាតុក្តៅ។ រូបថត៖ Tran Duc ក្រុមកងទ័ពការពារប្រឆាំងនឹងជំងឺ Covid-19 នៃប៉ុស្តិ៍ការពារព្រំដែន Loc Thanh នៃកងទ័ពការពារព្រំដែនខេត្ត Binh Phuoc មានវិធីច្នៃប្រឌិត ដោយប្រក់ស្លឹកដើម្បីប្រឆាំងនឹងអាកាសធាតុក្តៅ។ រូបថត៖ Ho Phuong នៅឯក្រុមកងទ័ពការពារប្រឆាំងនឹងជំងឺ Covid-19 នៃកងទ័ពការពារព្រំដែន Can Yen នៃកងទ័ពការពារព្រំដែនខេត្ត Cao Bang បានឆ្លៀតយកប្រយោជន៍ពីពេលវេលាឈប់សម្រាក ដើម្បីពង្រឹងបន្ថែមនិងប្រក់សំណាញ់ខ្មៅ (រួមមានបីស្រទាប់) ដើម្បីប្រឆាំងនឹងអាកាសធាតុក្តៅ។ រូបថត៖ Van Thuong
កងទ័ពការពារព្រំដែនខេត្ត Dak Lak ទទួលបានឆ័ត្រ ពីអាជីវកម្មនិងអ្នកឧបត្ថម្ភដល់ក្រុមកងទ័ពការពារព្រំដែន ប្រឆាំងនឹងជំងឺ Covid-19 ដើម្បីប្រឆាំងនឹងអាកាសធាតុក្តៅក្នុងតំបន់ជាប់ខ្សែរព្រំដែន ។ រូបថត៖ Ngoc Lan ដោយសារតែស្ថិតនៅឆ្ងាយពីតំបន់ប្រជាជន មិនមានប្រភពទឹកស្អាត ក្រុមការទ័ពការពារព្រំដែន ប្រយុទ្ធប្រឆាំងនឹងជំងឺ Covid-19 នៃប៉ុស្តិ៍កងទ័ពការពារព្រំដែន A Dot កងទ័ពការពារព្រំដែន Thua Thien Hue បានរកឃើញប្រភពទឹក ក្នុងតំបន់ ដែលត្រូវយកមក ប្រើប្រាស់ នៅប្រចាំថ្ងៃ។ រូបថត៖ Vo Tien
សម្ព័ន្ធយុវជនក្នុងតំបន់បានប្រគល់មីកញ្ចប់និងទឹករ៉ែដល់នាយទាហាននិងទាហាននៃប៉ុស្តិ៍ការពារព្រំដែន Tan Thanh នៃកងទ័ពការពារព្រំដែនខេត្ត Lang Son ដើម្បីបំពេញភារកិច្ចប្រយុទ្ធប្រឆាំងនឹងជំងឺ Covid-19 នៅតាមព្រំដែន។ រូបថត៖ Vy Thuong
（បកប្រែដោយឌីណា）
មតិពីមិត្តអ្នកអាន