យុគសម័យ - ក្នុងឱកាសអបអរសាទរខួបលើកទី ៣០ ឆ្នាំនៃទិវាបុណ្យជាតិនៃសាធារណរដ្ឋសហព័ន្ធអាល្លឺម៉ង់ (៣ តុលា ១៩៩០ - ៣ តុលា ២០២០) និងខួបលើកទី ៤៥ ឆ្នាំនៃការបង្កើតទំនាក់ទំនងការទូតវៀតណាម - អាល្លឺម៉ង់ សមាគមមិត្តភាពវៀតណាម - អាល្លឺម៉ង់ទីក្រុងហាណូយបានរៀបចំកិច្ចប្រជុំរំលឹក។
ប្រតិភូថតរូបអនុស្សាវរីយ៍នៅឯកិច្ចប្រជុំរំលឹក។
នៅក្នុងកិច្ចប្រជុំរំលឹកនេះ ប្រតិភូទាំងអស់បានសម្តែងនូវការរីករាយចំពោះសមិទ្ធផលរបស់ប្រទេសទាំងពីរក្នុងរយៈពេលប៉ុន្មានឆ្នាំចុងក្រោយនេះ ហើយបានបញ្ជាក់ថា ក្នុងរយៈពេល ៤៥ ឆ្នាំកន្លងមកនេះគឺជាការបង្ហាញយ៉ាងច្បាស់នៃចំណងមិត្តភាពនិងទំនាក់ទំនងភាពជាដៃគូជិតស្និទ្ធរវាងវៀតណាម - អាល្លឺម៉ង់។ ជាពិសេស សេចក្តីថ្លែងការណ៍រួមហាណូយដែលត្រូវបានចុះហត្ថលេខាដោយថ្នាក់ដឹកនាំនៃប្រទេសទាំងពីរក្នុងឆ្នាំ ២០១១ បានធ្វើឱ្យប្រសើរឡើងនូវទំនាក់ទំនងទ្វេភាគីទៅជាដៃគូយុទ្ធសាស្ត្រ ដោយបង្កើតកម្លាំងជំរុញថ្មី និងមូលដ្ឋានដ៏រឹងមាំដើម្បីភាគីទាំងពីរអនុវត្តប្រកបដោយជោគជ័យនូវវិស័យសហប្រតិបត្តិការសំខាន់ជាច្រើន។
ប្រធានសម្ព័ន្ធអង្គការមិត្តភាពទីក្រុងហាណូយលោកស្រី Nguyen Lan Huong។
វាយតម្លៃខ្ពស់ចំពោះគំនិតផ្តួចផ្តើមរបស់សមាគមមិត្តភាពវៀតណាម - អាល្លឺម៉ង់ក្នុងការរៀបចំសកម្មភាពផ្លាស់ប្តូរមិត្តភាព លោកស្រី Nguyen Lan Huong សមាជិកគណៈកម្មាធិការអចិន្ត្រៃយ៍ ប្រធានគណៈកម្មាធិការរណសិរ្សមាតុភូមិវៀតណាមទីក្រុងហាណូយ ប្រធានសមាគមអង្គការមិត្តភាពទីក្រុងហាណូយបានសម្តែងគោលបំណងថា សមាគមមិត្តភាពវៀតណាម - អាល្លឺម៉ង់ទីក្រុងហាណូយនឹងបន្តប្តូរថ្មីសកម្មភាព ពិតជាស្ពានតភ្ជាប់ដើម្បីរក្សានិងជំរុញការផ្លាស់ប្តូររវាងប្រជាជននិងប្រជាជនរវាងប្រទេសទាំងពីរ រួមចំណែកការលើកកម្ពស់សកម្មភាពកិច្ចការបរទេសរបស់ប្រជាជននៃរដ្ឋធានីនិយាយដោយឡែកនិងប្រទេសវៀតណាមនិយាយរួម។
លោកស្រី Nguyen Lan Huong ក៏បានបញ្ជាក់ផងដែរថា ទីក្រុងហាណូយគឺជាមិត្តនឹងជាដៃគូដែលអាចទុកចិត្តបានរបស់បណ្តាប្រទេស រដ្ឋធានីនិងទីក្រុងនានានៅលើពិភពលោក។ ទីក្រុងហាណូយនឹងខិតខំប្រឹងប្រែងធ្វើយ៉ាងណាឱ្យមានភាពសក្ដិសមដើម្បីក្លាយជារដ្ឋធានីច្នៃប្រឌិត ដែលជាទិសដៅនៃចំណេះដឹងនិងវប្បធម៌របស់មនុស្ស ជាទិសដៅប្រកបដោយរាក់ទាក់ ទាក់ទាញនិងសុវត្ថិភាព៕（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន