Trending now

លោកនាយករដ្ឋមន្រ្តីវៀតណាមអញ្ជើញចូលរួមកិច្ចប្រជុំអំពីដំណោះស្រាយអភិវឌ្ឍដំណាំ Macadamia

08:57 | 30/09/2020

ថ្លែងនៅទីនេះ លោកនាយករដ្ឋមន្រ្តីបានចាត់ទុកថា កម្រមានប្រភេទ ដំណាំផ្សេងណាមួយដែលក្នុងរយៈពេល៥ឆ្នាំប៉ុណ្ណោះ តម្លៃអាចកើនឡើង រហូតដល់២៥ដងហើយរួមចំណែកដល់ការកាត់បន្ថយភាពក្រីក្រនៅតំបន់ ឆ្ងាយដាច់ស្រយាលប្រកបដោយប្រសិទ្ធភាពដូចដំណាំ Macadamia នោះ ឡើយ។

លោកនាយករដ្ឋមន្រ្តីវៀតណាមអញ្ជើញចូលរួមកិច្ចប្រជុំអំពីដំណោះស្រាយអភិវឌ្ឍដំណាំ Macadamia

នាព្រឹកថ្ងៃទី២៩ កញ្ញា នៅទីក្រុង Buon Ma Thuot ខេត្ត Dak Lak នាយករដ្ឋមន្រ្តីវៀតណាមលោក Nguyen Xuan Phuc បានអញ្ជើញចូលរួម កិច្ចប្រជុំដោយមូលបទ “លទ្ធផលនៃការអភិវឌ្ឍដំណាំ Macadamia នៅវៀត ណាមនាពេលកន្លងទៅ ទិសដៅនិងដំណោះស្រាយអភិវឌ្ឍនាពេល ខាងមុខ”។

ថ្លែងនៅទីនេះ លោកនាយករដ្ឋមន្រ្តីបានចាត់ទុកថា កម្រមានប្រភេទ ដំណាំផ្សេងណាមួយដែលក្នុងរយៈពេល៥ឆ្នាំប៉ុណ្ណោះ តម្លៃអាចកើនឡើង រហូតដល់២៥ដងហើយរួមចំណែកដល់ការកាត់បន្ថយភាពក្រីក្រនៅតំបន់ ឆ្ងាយដាច់ស្រយាលប្រកបដោយប្រសិទ្ធភាពដូចដំណាំ Macadamia នោះ ឡើយ។ លោកនាយករដ្ឋមន្រ្តីបានវាយតម្លៃខ្ពស់ចំពោះសមាគមន៍ដំណាំ Macadamia វៀតណាម ដោយបានខិតខំប្រឹងប្រែងស្រាវជ្រាវអភិវឌ្ឍប្រភេទ ដំណាំនេះនៅវៀតណាម។ លោកក៏បានក្រើនរំលឹកដល់បញ្ហារៀបចំតំបន់ដីធ្លី ប្រកបដោយលក្ខណៈសមស្របនឹងការដាំដំណាំ Macadamia ក៏ដូចជា បញ្ហាស្វែងរកទីផ្សារលក់ចេញសម្រាប់ប្រភេទដំណាំនេះជាពិសេសគឺទីផ្សារ អន្តរជាតិផងដែរ។ ប្រការនេះនឹងសម្រេចថា គួរតែបង្កើនផ្ទៃដំណាំ Macadamia ឡើងប៉ុន្មានទៀតឲ្យបានសមស្រប ដើម្បីជៀសវាងស្ថានភាពលើសពីតម្រូវការ ព្រមទាំងធានាផលប្រយោជន៍សម្រាប់ប្រជាជននិងអ្នកដាំដំណាំ ផងដែរ។

លោកនាយករដ្ឋមន្រ្តី Nguyen Xuan Phuc បានលើកច្បាស់ថា ដើម Macadamia ជាប្រភេទដំណាំដែលមានសក្ដានុភាពហើយនាំមកនូវតម្លៃសេដ្ឋកិច្ចដ៏ធំធេងសម្រាប់ប្រជាជននៅតំបន់ឆ្ងាយដាច់ស្រយាល ប៉ុន្តែ ត្រូវ មានផែនការរៀបចំតំបន់ដាំដុះឲ្យបានសមស្រប ជំនួសឲ្យការដាំដំណាំដោយធម្មជាតិវិញ។ លោកអញ្ជើញមានប្រសាសន៍ថា៖

“ត្រូវតែគ្រប់គ្រងជាទូទៅនូវការអភិវឌ្ឍដំណាំ Macadamia បន្ទាប់ពីការប្រកាសផែនការមេ។ រដ្ឋាភិបាល ក្រសួង តំបន់ និងខេត្តត្រូវដាក់ចេញទិសដៅយ៉ាងជាក់លាក់។ ទីពីរគឺសហគ្រាស និងសមាគមន៍អភិវឌ្ឍដំណាំក៏ត្រូវចូលរួមកំណត់ទិសដៅទៀតផង។ ទីបីគឺចលនាការចូលរួមយ៉ាងសកម្មរបស់ប្រជាជននិងសហគ្រាស។ ខ្ញុំយល់ព្រមជាមួយការបង្កើតសហករណ៍អភិវឌ្ឍដំណាំ Macadamia ចាប់ពីការផលិតគ្រាប់រហូតដល់ការកែច្នៃ”៕


(ប្រភពព័ត៌មាន: vov)

មតិពីមិត្តអ្នកអាន

ព័ត៌មានថ្មីៗ

ពិធីបំពាក់គ្រឿងជូននាយទាហាន និងកម្មាភិបាលថ្នាក់ដឹកនាំ ដែលបានចូលរួមវិភាគទានដ៏សំខាន់ក្នុងសកម្មភាពសហការស្វែងរក ជីកគាស់ និងធ្វើមាតុភូមិនិវត្តន៍អដ្ឋិធាតុកងទ
វៀតណាម៖ សកម្មភាពសួរសុខទុក្ខ និងប្រគល់អំណោយជូន​អតីតថ្នាក់ដឹកនាំនៃអគ្គស្នងការដ្ឋាននយោបាយក្នុងឱកាសរំលឹកខួបលើកទី ៧០ នៃទិវាជ័យជំនះ Dien Bien Phu
វៀតណាមជានិច្ចកាលដាក់មនុស្សជាមជ្ឈភាព កម្មវត្ថុ និងនិងគោលដៅនៃការអភិវឌ្ឍ
ប្រព័ន្ធផ្សព្វផ្សាយអាហ្សង់ទីនរំលេចអត្ថន័យដ៏ ធំធេងនៃជ័យជំនះជាប្រវត្តិសាស្ត្ររបស់វៀតណាម
សម្ព័ន្ធបណ្ដាអង្គការមិត្តភាពទីក្រុងហូជីមិញបានរៀបចំពិធីរំលឹកឡើងវិញនូវប្រពៃណីវីរភាពនិងសម្ដែងការដឹងគុណចំពោះមិត្តភក្តិអន្តរជាតិ